四個地埗.....

今日瞓醒,突然心血來潮,原本諗住出去旺角買行山鞋,但係最後去左聯合買衫,終於買左兩件褸,一條牛仔褲(反而冇買到鞋),買完之後個人當堂開心左....嘻........

約左飛龍兄,冷水王,肥仔,浩然食飯,但係見攞住袋野咁鬼死重,所以返左屋企先再出黎(你話住得近旺角幾好呢),返到屋企17:40,約左佢地18:30,竟然仲可以打左幾個回應,仲可以出左篇好短既blog,哈.....真係用盡晒d時間....
因為水哥遲到,所以就同其他幾個去左Pizza Hut攞位先,o係傾傾下計既時候,突然望一望隔離,wa.......原來水哥唔知o係幾時已經坐左o係度,仲o係度講緊電話tim,woo....乜完全冇聲發出既???果然好輕功...欽敬...欽敬......

食完飯就走左去打好耐冇打既snooker,浩然就同肥仔打高級組,我同水哥,飛龍兄就打3 pot,o係打緊既時候,水哥又做左一件好詭異既事,就係攞支Q苗住隻紅波黎打白波,咁我地即刻喝住佢啦,喝左兩聲佢先好似回魂咁醒番
...........唔通佢比邪靈上左身???水哥,你唔好有事呀...你有咩冬瓜豆腐,飛龍會好傷心架,因為冇人打7佢架啦....
打打下,短裙版既索爆秘書仔隆重登場,o係呢一刻,立即將阿飛龍比了下來.....
飛龍兄,唔好灰心呀,你都得架...下次你整件bra top出黎晒晒佢,等眾兄弟可以嘔下血...呀...唔係,係流下鼻血啦.....
但係阿秘書仔黎坐左唔夠o個一陣就同阿水哥閃左啦,令我諗起Neway個廁所張告示,<<來也怱怱,去也沖沖>>

打波打到10點幾,大家都唔甘心咁早返歸,正度緊去邊既時候,高深莫測,估佢唔到既飛龍竟然提議去睇戲....
<<<睇戲>>>自從我比人飛左之後,我差d都唔記得左呢兩個字係咩黎既,於是幾條茂利就糊糊塗塗咁去左睇""神探""
o係買飛既途中,難以捉摸,千變萬化既飛龍好似發現左新大陸咁,話要去join U.A會員,話好抵呀...點點點...點點點....................跟住好似high左野咁,全程跳住咁去counter搵人幫佢入會,情緒顯然十分亢奮,攪到善良的我們幾咁擔心佢呀,飛龍你唔好有事呀飛龍,你有咩冬瓜豆腐,冷水就少左好多娛樂架啦......
呢套戲我覺得非常貼題,因為真係講一個"神"左既(精)探,好唔好睇就見人見智啦,好似我呢d本身已經係一個精神病患者既咪睇得明,覺得ok囉....