嚴氏新春團2015

又到左農曆新年啦,一如以往又同屋企人去下內地短trip

今次近近地揀左蛇口,搵左間有3間房既公寓
本來可以去落馬洲搭地鐵既,不過帶住阿女費事轉幾廿程野,所以揀左搭船…

 呢度就係今次既落腳地啦

地方乾淨企理,又大

我最鐘意就係呢個open kitchen

擺低d行李就去食lunch先

呢個海上世界地方都好大,d食肆多到喊,好彩家姐們黎過,有推介,如果唔係都唔知揀邊間食…


食完搭地鐵去附近一個好大既購物景點

o係地鐵站內見到一樣我成世人都未見過既野….

........................................................................

........................................................................

........................................................................

........................................................................

........................................................................

就係一部冇野賣既自動售賣機,拿…問心講,我真係從未見過<<冇野賣既自動售賣機>>架…

個商場好很大,不過可惜場內大部份都係名店,成個又一城咁,好彩有間aeon,所以就入去行下

咪以為係aeon,香港都有啦,,咁你就錯啦,有d貨o係香港,甚至係世界其他地方都唔會有既…

呢件係牛扒黎既,但究竟係隻牛上左腦丫,定係食左會上腦呢?真係無從稽考啦…

由細到大,d電視劇都係話天山雪蓮要o係雪山上面搵既,仲要好難搵tim,而家簡單好多啦,黎呢度買個果實再攞番屋企種咪得囉,十零蚊je…

行完轉場去左茂業百貨,冇野行,不過個場幾貼心

等d女士可以放心慢慢行…


搵到間好抵食既餐廳食埋個dinner就返歸啦…(掛住食完全唔記得影相)



返到去同阿女鴛鴦戲水,再同佢玩左一輪就暗佢瞓啦,但係就o係呢個時候….發覺佢個人好似好熱咁既,同佢探下熱先(而家每次出遊都必定會帶探熱器同小童平安藥),wa…38.7

即時同佢啪退燒藥,等佢慢慢瞓下覺,休息下,咁我跟住就梗係指定動作,飲酒同食宵夜啦….

經過一晚食左兩次退燒藥,好彩到左第二朝早都退到燒,放心晒


本來plan左第2日去世界之窗,但因為阿女發燒,就算岩岩退左燒都唔想佢太頻撲,等佢休息下,所以取消,只係同佢o係apartment入面個公園玩下悠閒下算啦

再等佢瞓埋個晏覺,個人精神返好多啦,就出去搵飯食…

可能呢幾日食得多辣野,勁熱氣,o係食呢餐dinner既途中,我狠狠咁咬左自己條脷一下,真係痛到呢~~~ 

食完飯去行沃爾瑪買左d野就返去休息啦…

阿女享用緊佢新買既玩具

第3日朝早起身見天色幾好,就同阿女出去郁動下

放完一輪電就返去執野回程啦…
 
話咁快就3day lu~~~

今次住既地方非常滿意,翻啅既機會十分大