新聞預告...

聽日……係12月1日
聽日……係阿希吹大雞既日子
聽日……係加拿大華裔blog友阿雪回港後既第3日
聽日……係阿雪參加yahoo blog聚既第一次
聽日……係我地呢班yahoo blog友最大形既一次聚會(暫定31人)
聽日……係我地向一對yahoo blog新人,預祝佢地白頭到老既日子(一定要敬酒)

聽晚……係一班嘩鬼出籠,空群而出既夜晚
聽晚……係一班清兵,勇往直前打死罷就既夜晚
聽晚……係一班熱血狂魔,濫殺無辜既夜晚
聽晚……係一群有精神病既喪屍,互相撕殺既夜晚

過左聽晚……唔知會造就到幾多黃紙兄弟,金蘭姊妹
過左聽晚……唔知會造就到幾多好(o都)友,紅顏(o都)己,守(o都)天使
過左聽晚……唔知會造就到幾多驚天動地既情侶,義無反顧既斷背
過左聽晚……唔知會造就到幾多橫屍街頭,(湯)破喉嚨,露宿公園既醉漢

一切一切……只要過左聽晚,謎底就會逐一揭開
聽晚就係…………………………..

<<<<<求死PARTY  2>>>>>

呀……仲有,徇眾要求,聽日係(##肥仔##)既死期…哈~~~~~~

能源補給中.........

尋晚瞓左兩個幾鐘,7點幾就起左身去會合槍友,食完個早餐就入左屯門作戰,揹住舊鐵擒高擒低,跑黎跑去,激烈火拼到5點就拖住極疲乏既身軀出番旺角打邊爐,跟手竟然再去再去飲咖啡.......
我既能源已經被揸到點滴全無,所以今晚要o係基地吸收番一晚日月精華,全面休息..........希望我明天可以復活啦........阿門...........

頂住呀.....黑仔王

頂.............尋日先話要大家保重身體,都話口未完,今朝起身就feel到有d窄窄地啦
鼻水就不在話下啦,連個頭都痛埋,心諗...唔係咁快出事呀???連幾日都唔比我捱埋佢,12月好多節目架,千祁唔好病呀.....(因為我每年既12月都係會病,好邪,真係唔知點解...)
返到屋企即刻park維他命C,跟住沖個勁熱水涼,but.........唔可以立即瞓覺
因為聽日要去打game,未執野,執完野又想睇下blog,睇睇下blog又想寫下
頂.......真係賤格........聽日仲要晨咁早起身tim,好啦好啦,又唔夠瞓啦,聽日傻下傻下,實比人鑑生打死啦.....


好........夜戰就打得多啦,期待已久既第一次日戰..........蓄勢待發............................

鬼王...鬼秘...鬼天氣.......

今朝起身,天氣明顯凍左,每逢天氣突然轉涼,大鑊啦,我個鼻又黎料啦,鼻敏感即時浦頭

呢劑除左狂流鼻水之外,個鼻裡面仲鬼死咁痛tim,攪到今朝食早餐都唔敢飲凍野

咁今日帶住個咁既鼻返工,個人就梗係down晒架啦,點不知鬼王又發功,日,夜都旺到仆街,做到個個都死去活來,鬼王即係鬼王,果然名不虛傳...

攪掂左個lunch諗住可以抖下啦,點不知又要被迫上個乜鬼野""勞工處職業安全健康講座""頂..................又眼瞓,又倦,個鼻又痛,仲要聽埋d唔夠10分鐘就會瞓著,但係又有專人拍番醒你既爛鬼講座,please.......唔好咁樣折磨我啦,好冇???

今日有個什麼""津巴布韋""皇后黎食飯,咁你地知唔知""津巴布韋""o係邊呢???我就唔知啦,剩係聽講話o係非洲je,

咁話晒都係皇后喎,點都要走去八下,見識下咩料先得架,wa....唔睇由自可,一睇就靈異到不得了,點解???因為我只係睇到幾套衫,同埋有幾對眼o係半空中飄浮緊,佢地o個身深黑色既烏卒卒肌膚,真係好似好似一隻黑蟋蟀,烏卒卒,隨時施法術~~~~~(你係完全睇唔到佢地d輪廓既)

雖然過左農曆7月,但係小弟對d靈異物事都係抱住避之則吉既態度,於是就邊背誦往生咒,一邊急急腳離開現場,返回自己既工作岡位

不過......話晒都叫做見識過""律巴布韋""既皇室係點樣既...雖然有少少令到我情緒不安,不過人總要有d冒險精神既.....

拿....咁多位兄弟姊妹,各方好友,家陣話晒都係流感高峰期,仲要遇著d忽冷忽熱既鬼天氣,真係好易中招,各位真係要保重身體,著多件衫啦,特別係12月1號報左名既blog友,就更加要好好愛惜身體,因為o個日,就算少左任何一個,都會係一個遺憾......

禮拜六見............................................

快樂...唔係就係咁囉.....

今日o係屋企睇blog,發現到白花油覆我既回應,佢話睇左我個留言,令佢諗多左d野,(真係唔好意思),仲將個blog既內容改左tim...

咁我就即刻去睇啦,d內容由之前一片灰暗,變為充滿生氣,睇完之後,我覺得好開心,因為只係一d心態既分享,就可以令人轉憂為喜,有所得著,由灰色變回彩色

o個種幫到人既滿足感,真係唔識點形容...原來幫人,都係一種得到快樂既途徑...

簡單,就能快樂....

今日下晝tea緊既時候,阿肥婆四katie打比我,佢一開聲就...

""我打爆左三國無双啦,你睇我幾勁....哈~~~~~~~~~~~~~~""

* * * * * * * *                            =_="

我心諗-----你係咪低能架...........打爆機ja..下話,我仲以為你中六合彩tim,咁興奮托咩....

拿...所以話呢d細路女真係見得世面少,對於我呢個過氣機霸黎講,打爆機就有如急尿要去屙尿一樣,簡直係正常不過既一件事

當我仲係少年既時候,話晒都係一個終日流連機鋪,以致荒廢學業既死o靚仔,爆機呢家野十常八九,到後尾轉打家用機既時候就更加進化到心如止水,爆機與否都已經全不重要,為既只係一種挑戰自己紀錄既快感

重有....一個人要開心,原來就係咁簡單...

我究竟有冇機會可以好似佢咁簡單呢???

告別屯門...

尋日放假,突然收到阿西既電話,帶黎左一個壞消息

佢話屯門個war game場,因為比人投訴,所以以後都冇午夜場打啦

oh...shit....................................簡直就係情天霹靂,岩岩先搵到一個岩心水,又好玩,又好服務,又收費平既場,咁快又話冇得打啦,有冇攪........X錯呀,剩係開日場,頂........我地成班都係做呢行既,日場好難齊到人家嗎,即係焗住要返元朗打,焗住要幫襯無良條粉皮,唉~~~~~真係唔開心......
唔得啦,真係要再搵下其他場先得.......

29號,我諗唔只係我地o係屯門既第一日次日game,仲會係屯門告別戰tim...

今日公司做winery dinner,wa....真係做死人,剩係玩杯都玩左3個鐘,又懶係緊張咁,攪到個氣氛鬼死咁崩緊,好彩我識自我調節je,你有你打衝鋒,我就唱住歌黎做,間唔屎就同d客吹下水,幾happy呀
wa....不過收檔o個陣就仆街啦,全世界一齊o.t,終於我仲要攪到12點先收到工,一收工就ja ja林仆返屋企,因為其實又真係幾倦架...

幣.......我眼瞓tim,我竟然咁早就有眼瞓既感覺,我係咪病左呀???定係我就黎死呢???

喂....我唔死得住架........我仲未去馬爾代夫呀....................

11月20日

真係日頭唔好講人,夜晚唔會頭痕

尋日先至話靜左兩日,好happy,丫....今日d報應就黎啦,個lunch即刻旺返晒,d人好似呢兩日冇食過野咁,再唔係呢,就一定係約埋既,唔黎就兩日大家都唔黎,一黎呢,就全部一齊黎,哈~~~真係鬼馬,不過都好,話晒都叫抖左兩日...

不想歸家

今晚準時9點收工,放工後突然有d失落感,唔想返屋企,於是o係行去巴士站既途中,打電話搵著落,第一個打比位置最近既大小姐(冇人聽),第二個抱住買六合彩既心情,打比"深歸怨男"Oscar
哈~~真係六合彩都比我中到喎,原來佢約左冷水王,問佢借d高深書,咁我就出左黎同佢地飲........咖啡啦....

大概12點幾回到家,心情平靜了很多...

#今日有個朋友結婚---MS.P....祝你新婚愉快,白頭到老,BB平平安安,健健康康

舒緩....

wa.........太過癮啦...........

呢兩日公司終於都靜啦,連續兩日我都有得補鐘走,呢間死人野,今年足足旺足一年,日日都做到雙眼反白,口吐白沫,連命都短左幾年

聽日收9點,希望可以再有得補鐘就好啦....

呀......仲有,因為星期四公司有大鑊野,所以冇假放,變左放星期三,咁多位老友,係星期三呀,如果有飯局請預埋我,thx...

真係好鐘意呢兩日,d咁優閒既工作量,先似番間高級餐廳家嗎....係咪先???

你話平時旺到好似羅湖過關咁,成何體統呢,岩唔岩先???

混賬..

混賬呀..............

尋日大小姐約我飲野,開頭我諗住只係幾個人飲下野,傾計既je,點不知出到黎知道左d人腳之後******頂...................又係"劈"格啦家陣....心諗,我聽日要返工架bor,劈一陣好走啦...點知一劈.........又劈到5點...

好混賬呀.............

原先話去brenda d friend度join埋一齊玩,跟住又話去阿roy度,好啦,去阿roy度啦,佢老闆阿roy度爆瀉屎喎,爆到連針都插唔入,咁阿roy就即刻不咁打電話比d老友幫我地搵場啦,頂....................竟然周圍都爆晒,o個頭d上樓場全部爆晒,喂....家陣香港d經濟係咪好得咁交關呀???搵處地方飲下野je,唔係咁難呀...最後兜兜轉轉,咪又係上返brenda度.....頂.....係咪攞黎攪呢.........

仲混賬呀.........

竟然連超級病人carol都...出埋黎,哎吔........做乜叫佢出黎呀,佢再飲真係會死架...我先幾日連食飯都唔敢叫佢,就係費事引佢出黎玩,家陣仲飲酒tim,真係呢世都唔洗旨意好得番呀.....

真係混賬呀.....
o個個咁既mimi,一直都話死都唔出既,又話要溫書,又話考試,又話我地魔鬼,唔好攪佢,又咁,又咁.......咁好啦,咁我地就做下好心,唔迫佢出黎啦,比條生路佢行啦*******哈...點知飲飲下條粉腸唔知o係邊度貢左出黎,咁oscar問佢點解忽然又出啦,你地知唔知佢點答呀???佢指住肥仔話(((d老友叫到,咁我咪出囉........)))~~~~~~~~頂......你個肺,啊........人地就老友,我地就咩呀???陳友呀??張學友呀???咁洗唔洗搵埋譚詠麟同羅美薇丫???不過算.....今次豪比你,唔隊你,我比面你.....我比面你塊玉面...........
如果有下次呢,就捉你同肥仔去結婚...問你死未???呀....哈~~~~~~~~~

((今次終於同magnus首次碰面啦,果然係聞名不如見面,一個字"""形""",仲有就係終於都可以當面請求佢o係下個月9號攪番個行山團,得到佢既點頭之後,我今日一返到工就已經極速咁走去攞假啦,希望可以成到團啦))

((呀...仲有仲有.....今次又識到新朋友啦,佢地就係amy,阿鬼,brenda既朋友阿龍,阿樂,仲有個靚女唔記得左叫咩名啦,sorry,另外又見番第一次見佢唔係著西裝既eddy,同埋好高音既靚女白花油))

總之尋晚就一大棚人咁,玩到真係.......唉~~~~總之就開心得黎混賬,混賬得黎又開心啦......

咩事??

尋晚應blog友Benbena既邀請,出席左佢既blog友聚會,好高慶認識左一班新既blog友

分別有--好友k,cat,白花油,erica,henry,有d唔記得左<真係唔好意思>,仲見返eddy同黑仔

一坐低唔知做咩就飲.飲.飲,跟住又唔知點解走左去食車仔麵,食完又唔知點解搭的士返上去再飲,冇錯...係搭的士,由柯士甸小路搭的士去山林道,即係轉個彎姐,真係爆到不得了

上返去唔知點解好似多左好多人,跟住飲飲下又好似少番好多人,跟住就同阿benbena閃人

總括黎講,都唔係好知尋晚發生咩事.....

增輝飯局

前日(星期二)約左...
**冇jel頭既飛師兄,與他兩個同事(Toby,Iris)

**狂野極速完,回歸既冷水王

**慘受滿清十大酷形之苦既Oscar

**黑色抽象派攝影師,黑邦

**岩岩同d小朋友大戰完既BeNbeNa

**仲有初次見面既阿妹

我地一行9個人又再次去左深水埗"增輝"食飯啦,今次終於都叫左阿水哥極力推薦既"豬屎焗龍蝦"啦....

點知食完之後個個都大失所望,咁好老實講,其實食過幾次,我覺得呢次d野係最差既(係成餐飯),同埋龍蝦,我始終覺得上湯係好食d,如果想食豬屎焗,我建議去間似樣d既西餐食,咁會穩陣d

<<呢一咪原本叫做炸釀雞搥>>

<<後尾由我地阿benbena小姐改良成為"茶浸雞搥",而d茶事前係經過筷子既洗禮既>>
食完見時間尚早,飛師兄,benbena,阿妹and我就過左太子飲杯野,好快咁飲完一打,飛師兄就話周生急call,而阿妹又好似開始有少少黎料,咁就一致決定閃人啦

o係離開既途中,見阿妹好似有d唔係好對路,就同Oscar夾硬的左佢返屋企(個過程都幾攪笑)
不過將軍澳呢處地方,我都係第一次去ja...哈~~~

屯門第二次...

岩岩尋晚有war game party,屯門again

因為有一個人爛尾,所以遲左出發,又少左時間玩

今次有25人打,我又岩岩買左對講機,正...

新朋友阿志真係陰公,一場去到,點知支槍壞左,支槍仲要係新買既,灰晒.....

本來有份出席既carol,因身患重病,所以臨時缺席,白白miss左一次咁好玩又人數咁fit既聚會,真可惜....

今次我終於成功咁做"par地熊"滲入敵軍後方,從後炒返上黎,殺佢地一個措手不及,威晒......

在其中一場,正在順暢地向前推進的時候,竟忽然受到後方亂槍掃射,第一次慘死o係自己隊友既槍下,真無奈.....

總括今次,係好玩過上次既,good...好期待29號o個場,不過好似話唔係好夠人...shit....

返到屋企竟然仲唔瞓覺,仲要周圍睇blog,仲要自己寫埋,原來我真係傻架.......

酒...能醫百病???

連續玩左幾晚,攪到都完全冇時間寫blog,錯晒....
好啦,話說o係星期四,即係我休息既日子,阿大小姐就約食飯,咁我就問佢食乜啦,點知佢話打邊火爐,我就同佢講
""你好似話作緊感冒喎,仲打邊爐,驚唔驚萬劫不復呀??""
大:""天氣涼,打邊爐好呀,是但啦,死就死啦,我想射波好耐啦..""

咁終於我地就一行四人(大小姐,oscar,佐豪,我)去左佢成日推介話好多人食o個度打啦
當去到揀湯底既時候,大家都抱住送佢一程既心態,揀左個"胡椒豬骨煲",諗住辣一辣佢,等佢o係死前能夠得到一些快感

o係食完一餐並唔係話真係咁好食既邊爐之後,因時間尚早,所以就去左飲酒啦,本來開頭諗住飲下野,傾下計既je,點知去到冇耐,就收到carol既電話,話同幾個同事過黎join我地,唉....你知啦,人一多,就容易出事架啦,終於就唔知點解咁演變成為猜枚劈酒啦

最後呢個party就成為充滿錯處既party...

一.大小姐開頭話:我病喎,唔飲啦,唔劈啦.....(呢句要用懶係斯文,衰衰咁既聲講出)
     最後就變成頻頻同人私片...錯......
二.有三位師兄好似去左聯誼會咁,一味o係度玩啤牌....錯......
三.有位姐姐飲飲下伏左o係度瞓覺,完全冇晒任何反應,好似突然心臟病發死左咁...
     錯............
四.又有位姐姐,忽然之間傷心到不得了,喊到bang bang聲,d眼淚好似黃河爆堤咁,聽住
     係爆堤,並唔係缺堤咁碎料,悽涼既程度直頭可以比美承俊哥同靜舒...錯........
五.明明我話左第日返早係唔會劈酒既,點解咁冇口齒...錯.......

以上講o個d都算啦,最.最.最.離譜既就係,大小姐第2日send左個短訊比我,佢話尋晚飲完酒之後,今日d感冒竟然離奇地好返,連鼻水都冇埋,shit......................飲酒仲好過食藥??呢個咩人黎架???咁我地個"胡椒豬骨煲"咪白白咁犧牲左...........
錯呀.......................................
 

呢個就係壯烈犧牲既"胡椒豬骨煲"啦,真係好多胡椒架,陰公....

唔玩啦...

咁多位老細.....

好榮幸比你地點中我玩個咩...遊戲

但小弟一向都係個懶到出汁既人

兼且我o係手機成日都收到呢d咁強迫性既短訊

而導致到我係好抗拒呢d game既

各位真係唔好意思,我棄權...

如果想知道遊戲中答案既,請見到面先問我啦

懇求各路英雄能夠比條生路小弟行下

萬二分感激........

求死party...

11月3日,

晚............

一個平凡的星期六夜晚...

一座十分普通的商業大廈...

一間私人會所卡拉OK...

一班來自社會不同層面的人...

一個期待已久的聚會...

有前冇後飲死罷就老豆老母拋諸腦後喪劈求死狂歡聚會........

正式開始..................................

因為o係唔知幾時,唔知咩人,唔知為咩事發起左呢個聚會,所以小弟為左隆重其事
當晚收工之後,完全一d野都冇食,就空住個肚去出席啦,咁就可以快d死啦嗎(因為之前話左一定要醉家嗎)
點知一去到...
幣....點解今次飲"芝華士"既???不過諗諗下,橫掂都係死架啦,"士"就"士"啦.........
小弟一開band諗住唔飲咁急住既,點不知隨即比大小姐捉左去同阿roy片"財拳",連今次新認識既blog友"黑仔","積奇仔","秘書仔","肥仔"(哈...原來全部都叫??仔)都冇時間去同佢地打下交道,真係唔好意思,
唉~~~~我一猜財拳就出事架啦,不停咁追住去,猜左一輪個情緒已經升溫啦,跟住就不停出現以下對白啦

""喂...阿邊個,飲啦....為咩飲???你咪理啦,總之就飲啦......""
""喂....阿粉皮,飲呀喂,下???猜枚......猜乜鬼丫.....飲啦......""
""喂.....你呀......飲呀.......咩呀???你唔係唔同我飲呀嗎???fuck.......""

小弟就係o係咁既模式之下,3點幾就已經KO左,履行左我既了承諾......(係歷來最早既一次)
終於今次唔洗飲到食早餐啦,哈~~~~~~~~~~~~~~~~~~~

特別鳴謝:Oscar既義不容辭護送我既軀殼返屋企...

不過呢晚真係好過隱,玩得好顛,成班人都好似o係精神病院放出黎咁
我已經好耐冇試過咁放縱自己去飲酒,不過好間唔中一晚就ok,成日咁就多多都唔夠死啦

註:尋晚冇醉o個d朋友,醉唔醉係在於你想唔想醉既je....
     你睇我,幾快收皮......^^