今次呢個咁盛大既party真係只可以用一個字黎形容,就係""亂""
喂,三十幾人呀???唔亂就奇啦,剩係呢度飲下,o個度飲下都夠亂啦,好彩小弟尋日要返工,要11點幾先到,當我到既時候,佢地已經作戰到如火如荼,等我可以慢慢觀察下環境,謀定而後動,嘻......
尋日認識左好多新blog友,新朋友,首先梗係主人翁"阿雪"啦,仲有浩然呀,島主呀,阿sun呀.............其他真係唔係好記得,sorry....因為真係太多人,同太混亂啦,個個都劈到上晒身
同阿雪傾左一陣計,我發覺我要將我個朵讓比佢啦,因為知道左佢既回港過程,小弟真係甘拜下風,黑仔王呢個美譽,你真係當之無愧啦.......
好.....大致講下尋晚既情況啦.....
1--阿雪因為唔猜枚,又唔係好飲酒,所以令到眾人唔係好識點同佢溝通,所以o係度講聲唔好意思,尋晚冷落左你...
2--yahoo blog(火羅)爆情侶依然旁若無人,繼續(火羅)爆....
3--小龍女酒後感性吐悶氣,下了一場微雨.....
4--oscar見到有雨落,就走去咬小龍女隻耳仔,咬到佢濕晒..........隻耳仔....
5--magnus團長破處暢飲"芝華屎"
6--今次無啦啦真係有"咖哩魚蛋"食
7--mimi在戰鬥中突然暴斃,我地因為飲緊酒唔得閒,所以草草咁將佢埋葬於衫堆中,在數小時後佢又突然復活,仲識周圍影相tim,wa...真係好靈異~~~
8--肥仔按照劇情既需要,理所當然地受到天下圍攻,終於都双拳難敵好多手,壯烈陣亡...,但係你既頑強鬥志,贏得我地一致既欣賞,而家我地o係度對你作出最高既致敬.............."肥仔....死得好呀............""
9--佐豪帶病上陣,自己受到炮火攻擊之餘,仲要緊隨住"惹火女朋友",阿女朋友周圍點火,佢就周圍撲火,疲於奔命,飲到眼都坦埋,最後終於都慘被KO,場面實在感人,佢愛妻之深簡直路人皆見(飛魚媽媽....你睇完呢段都應該放心晒啦掛...
)10--最後就係我今次並冇狂劈狂飲,反而化身成為一位社工,四圍咁去輔導一d被情緒困擾既年青人,要當番佢地係一個正常人咁看待,從過新生
,睇黎我都要諗下轉行啦.....註:::今次聚會,多人陣亡,兼令多人結下仇怨,覆焯之聲源源不絕,黎緊將會為yahoo blg掀起一片腥風血雨,從此....yahoo blog將會進入一個混亂殘酷既大黑暗時代,永....無.....寧.....日....................
其中一個戰場,肥仔好似打緊莊咁喎.....
.
wa....一睇就知呢斑唔係好人啦.....................
拿.....比人話完即刻作出改善啦,善良返d咪好囉.....
頂........但係又唔洗懶衰咁....E????中間o個個咪"光良",唱童話o個個呢........
你地睇下carol個樣,冧到丫......係咪背脊有支棍頂住左佢呢...
你睇阿妹,扮少女喎.......你睇jeff,佢好似作嘔作悶咁喎...
一名壯士戰死沙場~~~~
埋於衫堆中的玉面飛屍.....
Yo............等左呢張相好耐啦...................
沒有留言:
張貼留言