Discovery Bay

尋晚飲完,今日12點幾就起左身,落街食d野就衝左入愉景灣,因為阿麥先生伉儷搬左新屋(間屋個view真係正到暈),所以就約埋晒d家姐阿哥去打攪下佢地啦
由旺角搭MTR,再轉巴士,只係40分鐘就入到去啦,都算快...
o係join佢地之前,四圍"係咁椅"影左少少相...
因為時間尚早,我又帶左支槍入去比麥先生玩,所以就上左天台掃射左一輪,摧毀左一大堆報紙同一個汽水罐,到玩完o個陣發覺成地都係彈,要自己掃番晒,shit.....
今次冇乜特別野食,係買左幾塊澳洲和牛,因為職業病既關係,本來我都冇乜期望,哈....點知食落又幾好喎,ok喎.....
大佬今日攞左支唔錯既酒入黎,開頭飲都唔覺得太特別,但係個口一食左牛肉,哈~~~成支酒即刻唔同晒味,真係奇妙...
一如以往,麥先生飲完酒,食完飯之後,又係走左去瞓覺,今次仲瞓得特別有風味,咩風味???唔係就係""流浪漢風味""囉....(唉...冇料)








(愉景灣撮影)



呢幾張就係間屋個view啦

客廳

竟然有個Penthouse

呢個鐘我覺得幾型

傍晚個view都唔錯架

肉眼and西冷

就係呢支幾好飲啦(Chateauneuf-du-Pape 2000)


你地睇下佢???醉倒街頭咁既樣....唉~~~~

真係想一盤水潑鬼佢

瞓瞓下坐左起身,諗住佢復活啦,點知又係繼續瞓,攞支槍黎........

大婚之喜......

今日係豐哥結婚既大喜日子,我好自然咁就走左去做兄弟啦
今日既行程非常鬆動,十點半去飲茶,跟住先慢慢去接新娘
接新娘過程都算幾順利,求其玩左幾樣野就比贖金放人啦,同埋其實都冇乜心機玩,因為d姊妹..........
唉~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
攪掂晒d野之後就free time,去左佐敦吔左個tea,跟住周圍hea左一陣就上左阿崔老闆公司參觀
頂......究竟你係咪做野架??ps2,dvd,hifi,大電視,連槍都有兩支,直頭o係度住都得啦......
差唔多8點鐘先去到酒樓,8點半開席,開席前一對新人例牌講下野架啦,諗住會有d感人場面出現,點知阿豐哥o個泡馬尿死都唔肯標出黎,攪到我個mood即刻down左......
A....但係一對新人講完之後,竟然阿老爺走左出黎趁喎,wa.....佢o個段民間傳奇賣武式既演說,真係令人拍案叫絕,連有鬼才之稱既我都不禁甘拜下風,笑到跌左落地咁濟,個人即時開心番晒....
但係後尾豐哥都唔執輸,佢以破世界紀錄既酒量比人極速""秒殺"",只係3杯,3杯紅酒就已經令佢完全收皮,個頭紅到爆晒缸咁(應該係關二哥上左佢身),再加上目光散煥,腳步飄浮,咀帶傻笑,成功咁將我地幸災樂禍既情緒帶到上高峰....
好...算啦,今次就放過你啦(不過再隊佢,佢都飲唔到架啦,都唔知有冇偷偷地入屎坑"湯"tim呀???)
散席之後,成斑舊日既屋村仔出左老尖飲野聚舊,wa....原來連阿"富豪輝"都註左冊啦,shit......即係我地由細玩到大o個班屋村飛全部都結晒婚,結剩我ja...........
妖.......嬲嬲地我就呢世都唔結,全心全意做個full time孤兒仔.....
咩呀????你咬我食呀?????

(因為時間既關係,d相要過幾日先再補番,等多幾日啦.....)

奇異中秋...

尋晚,係中秋節...
尋晚,係一個快樂既中秋節...
尋晚,係一個難忘既中秋節...
因為我好耐冇試過中秋節玩得咁開心,玩得咁喪...
同埋尋晚發生左好多奇異既事,
一:尋晚影左一張靈異相片,一陣post o係下面,自己睇
二:一去到,就見到一個唔識既人,不過唔緊要,已經慣左啦,因為同佢地出黎成日都會有新面孔,但係玩左一陣竟然又多左幾個唔識既人,仲要係仔喎,錯晒.....咁都未算奇,奇就奇在飲飲下無端端多左幾條仔,點解我冇衝埋去爆佢樽既呢???
三:尋晚我發現到有一個女色魔....在場既男性差不多都受到佢既侵襲,臨尾佢仲對我展開左滅絕性而殘酷既攻擊,佢竟然將我準備放入口既月餅搶左,仲要掉埋落地,shit...................中秋節想舊月餅je...........咁簡單既要求,你都要摧毀我???比條生路我行下得唔得???
究竟呢個比我更恐怖既恐怖份子係邊個呢???
我係唔會講既,一陣你地睇相既時候自己估啦...
四:我聽到一句絕世說話,呢句說話平凡中見不平凡,高深中略帶俘淺,俘淺中又略帶深情,深情中又透出兇狠,兇狠中又隱藏住一絲柔弱...
呢句說話就係...........<<<<你老母咪即係我老母........>>>>
wa......大家係咪覺得好震撼???當時在場既人......
全部個咀都笑到嚴重爆裂,仲差d出現嘔吐,噁心,標屎,噴尿,同流"避"水既證狀
至於講呢句野既係邊個???我都係唔會講名既,咪唔係就係上面o個個囉.....頂..........


開頭諗住尋晚唔係唱K,會早d走既,點知飲完酒又話去飲夜茶,shit......你地係咪癲架??????你地休息ja,我要返工架.........點解次次都係洽我架???
唉~~~我都話人善被人欺架啦,邊個叫我阿媽生得我個樣咁沉實先得架.......

不過,其實都係最緊要開心je,做人為咩丫??係咪???
希望黎緊既節日都係過得咁開心啦....
呢張就係靈異相片啦,個白色圈係完全解釋唔到既,因為揸機o個位係唔食煙既...

同一個位置再影,完全正常...

wa........你地明嗎????

我因咩事咁兇狠呢??唔通係冇酒飲???

呢張都係靈異相,點解我剩係得個頭既??

其實我都係一個色魔.....

好榮幸請到"""賭..........神""友情客串

好明顯呢張相就有一個著綠色衫既靈體企左o係度啦,再睇下福仔呆滯既目光,唔.....佢應該已經瀨左野...

四朵金花?????


呢件喱頭o係度扮""可愛教主"",你地話係咪要打先????

特別新聞報告...昨晚有9名精神病人逃離青山精神病院,請各位市民注意,如不幸遇見,速逃........

拿.......呢d咪開心囉.........