太陽...i want you

赤徑之行.......成團ed

已有成員名單,但.......

究竟聽日會唔會有人甩呢???

會唔會剩番我同是頭婆兩個人去呢???

哈~~~應該唔會既....

無論點都好,最緊要...

天公造美

告示一則

興之所至....

趁住呢個五...一勞動節,就慶一慶佢

再闖赤徑

今次由北潭凹入,剩玩赤徑,再原路折返

路程少左好多,亦冇咁難行

大部份時間會用黎影相

如有興趣者,請私人留言,留電話,本人將會於星期四晚六時後親自聯絡通知詳情

灰爆之旅 (二)

好啦,繼續行程...

又一個好大浪既沙灘...

呢度d景真係得架...

樂壇資深從未出道新進中年兒歌組合...

燥蜢

真係靚到呢........

崔太既鏡頭觸覺真係特別敏銳,行緊d咁峻峭既斜路都仲識得望鏡頭,真係有尿道...

今次影得最多就係佢兩公婆,比d小費丫,唔該....

都話左呢度設備完善架啦,每行到咁上下,就會有個好企理既公廁(我後面)

裡面乾淨不特止,仲有廁紙tim架...真係行都行得寧舍安心...

到左呢一刻,我先知呢度原來係......

影完呢張相,就要收機啦,因為d雨開始大啦....

過左呢個位,我地要上一段山路,去到頂有個亭仔比我地抖下,順便避避雨...

點知避下避下,越落就越大...

(鳴謝崔太親身真人示範""落雨行山look"")

((更加感激崔生捐出全天候便利雨衣一件過小弟我遮風擋雨   ))

呢張就係我呢個旅程影既最後一張相啦,之後d狗屎就狂跌落黎啦...

*********************************************************

各人懷住灰爆既心情向山下走.........

到左山腳後,原來我地已經進入左""赤徑""既範圍

wa.............................好靚呀.....

好多影相位呀....

途經兩個淺灘,剩係呢兩個位都足夠我玩幾個鐘呀....

但係家下有得睇,就冇得影,有冇攪..................................錯呀......

一路行,就一路wa wa聲,同埋吊 吊聲....

點解要落雨呀,你老味~~~~~~~~~~~~~~~~~~~

好靚,真係好靚.....

呢兩個位,我話過,我一定要翻啅....

I LL BE BACK~~~~~~

灰爆之旅

4月18日,阿崔生有個行山聚會,預埋我,yeah~~~~

今次係堅行山,因為要行成大拿拿幾粒鐘既呢~~~~

但係聽講話呢條路d景好靚,咁即係大把野影啦,行路又係我強項

好,殺呀..................................

先幫你地o係起點影張合照先,我要揸機,所以冇份囉...

領隊...崔生,崔太...

阿梁生,梁太...

仲有崔生既幾位好友...

雖然唔算好天,但係都叫ok啦...

有山又有水架....

E~~~阿崔生咩事呢???咀渺渺咁既...

王小虎上身???

梁太似乎對隻牛既興趣大過佢老公喎..

你睇佢影完隻牛,幾高興...笑得燦爛過結婚o個晚呀...哈~~~

途經幾個好大浪既灣,真係唔講得少...

wa....幾浪漫呀~~~~

其實呢段路都幾好行,因為整得好企理,連街燈都有就知幾完善啦....

睇到而家都好似冇乜特別,咁點解叫灰爆之旅呢???


要瞓啦,待續......

點扇好???

呵~~~~~而家又o係公司偷偷上網啦...

今朝返早,所以而家好很眼瞓

但係又收早喎,冇理由咁早返歸架...去邊好呢???

but是頭婆返夜,又約佢唔到,shit....

仲有兩個幾鐘就收啦,快d幫手諗下啦,唔該............

唔老like...

尋日去左行山,點不知行到一半落雨,仲越落越大...

後半段路程焗住要片住去,因為想快d到終點...(好彩最後無驚無險...)

今朝起身,呵~~~開始黎料啦.....

返到公司仲要鬼死咁旺,對腳好似唔係屬於自己既...

經過一日既折磨,倦到死,對腳""冤""到呢~~~~~~

又撞岩回南天,周圍濕""立立""咁,鬼死咁唔舒服...

個人冇晒心機,乜都唔想做....

遲d先放返行山d相上黎啦....

充實...週日(三)

話說當我地o係個涼亭既時候,眾人話唔BBQ啦

好....好正常就開始煩食乜叉啦...

正當整個世界都停頓下來既時候...

叮.......不如上我度玩煮飯仔啦,橫掂太上王去左旅行...

ok...冇異議,阿傻就call左佢個好朋友,阿mr.輝入黎車我地走啦

咪講咁多,出左九龍城食個茶仔先....

呢間茶記d野唔錯架,o係福佬村道,o係""茶記茶餐廳""對面

一路茶緊既時候,一路商量緊煮乜野,其實呢個問題對我地呢幾條友黎講,咪又係一樣頭痛....

o係行緊去街市既時候,唔記得左邊個提出左一個好好既提議...

打邊邊.....

係囉,唔洗諗點煮,一野掉落去烚Q熟佢就得啦,幾方便...

原本我一廂情願諗住今日邊邊既主題係海鮮,但係因為一d溝通上出現既遍差...

我地買左一袋足夠我食一個月既丸

wow~~~真係可以""丸足一世紀""

你地見到上面o個一大碗丸,只係一部份,雪櫃入仲有差唔多成百粒...

oh~~~yes~~~~~~~呢個月既宵夜都唔洗愁啦....

*********************************************************

食到個肚好似有舊大陸電池o係裡面咁.....即係隨時會爆...

個個條腰都粗左兩吋,o係等佢瘦番既途中...我地攞左呢d野出黎...

wa....得o個5丁友,阿傻仲要係無酒人士,即係4個,點飲呀~~~ (我地冇求死好耐啦喎...)

hee~~~扮下野je,志在傾下偈,睇下電視,輕鬆下je

放假丫嗎...

充實...週日(二)

好啦,繼續行程....

指定動作....團照

有好多樹林景,都幾靚架,影多d相先

行到差唔多尾聲,有個大涼亭,我地就o係度停低,比d少女抖下

點知佢地一抖就唔願起身咁濟....

煲晒煙咁....

咁你地煲煙,我就梗係影相啦....

wa....露毛呀...............

wa...露宿者呀.....

佢地除左煲煙,仲好專心,好齊咁做同一樣野...

就係....

打NDS啦......

山長水遠入黎打NDS,同遊船河打麻雀簡直有異曲同工之妙呀....

好啦,差多啦,要下山啦....

原本plan好既BBQ,因一眾女士發揮出女人本色(五時花六時變)

咁唔BBQ,又食咩好呢???

""食乜野""一向都係屬於高級程度會考既試題...

咁我地最終又會去食乜野呢???

下集自有分曉....