呢個週末仲忙過隻螞蟻,仲倦過返工...
一早就起身,開始今日既馬拉松行程....
第一站......冇鑽石,但有好多墳頭同靈位既鑽石山...因為今日係環遊九龍新界掃墓之旅....wa....好多石級呀.....
完左呢度,搭三程車去第二站...荃灣華人永遠,呢度好行好多......
跟住再搭兩程車去第三度,大埔...,搭左成個鐘.....
經過左8個鐘既掃墓之旅,個身已經充滿左濃烈既男人味,於是嘭嘭聲飛返番屋企沖個涼
又her her聲咁仆過去紅磡...
因為約左細jac伉儷睇台海老鬼演唱會...
咁之前就梗係要食野啦...為左方便起見,就o係都會海逸個foot court度食..
大家其實都冇乜要求架啦...
簡簡單單,食得飽就算...呢個豬扒麵真係好豬扒..
呢個粗炒亦都真係幾粗
呢個阿dear唔講我知,我完全估唔到佢真正身份既碗仔翅堅呀,幾經艱苦,費盡幾多眼力同耐性,先搵到一......大條粉絲出黎,呢d製作真係仲邊有說話好講
呢份我既,睇個look豐富呀呢....
o個碗野傳聞係一碗酸辣湯,我好有衝動加一支醋同一樽豆板醬落去....
隔離既係街知巷聞既回鍋肉,我自懂性以黎,o係我意識裡面,回鍋肉都應該係辣既right???
但係呢個呢..............................係甜既............
真係sweet sweet.....
或者係我見識少,呢個好有可能係發記or滿記將會推出既新甜品...
始終都係罐""康師傅""最似樣.....
我......終極黑寨王,現在向燈火立誓
我以後都唔會再去呢個foot court...........
吼(((((((((((((((((((
食完一個咁豐富既晚餐,就join埋秘C,兵分兩路,入場啦..........
台海老鬼演唱會.....現在開始.............
諗住呢個show會冇乜人睇,丫....又唔係喎,又幾爆喎....
其實呢個show ok架..
我只不過o係呢個時間發現到d野.....
wa.....呢兩個小歌迷,真係忠實......
而本人為左支持佢兩個,亦不禁煲左兩口煙...
其實呢個show ok架...
只係有位仁兄都瞓左幾耐下...
而本人又為左支持呢位仁兄,跟手我又瞓左一陣,係一陣ja,係((大羅佑))獨唱o個一陣ja...
到左encore環節啦,其他團員都建議離場,咁我又梗係支持佢地,一齊走啦,係咪先???
其實個show ok架......
離場後,我話返歸你地都唔信啦
對...呢期鐘意阿紅,我地又去左搵阿紅啦...
細談人生,與在坐幾位極少談論既一個題目,有趣....
談擇偶,當然亦極之有趣.....
酒過三巡,見並唔係太夜,好啦,今日到此為止,因為明天又是一日已塞滿既假期...
***特別鳴謝阿傻相贈霸王飛兩張***
