晚會...

o係一片嘈雜,恥笑,歡呼,媽聲四起之下

staff party超晒時咁o係11點幾結束啦

o係當中出現左一幕好溫情既場面,就係我地個鬼佬G.M要調走啦,因為佢o係我地公司已經好多年啦,其他高層送左一張好靚既WALL PAPER比佢,係真係成面牆咁大既WALL PAPER....佢地話要佢擺o係新office喎

跟住後尾仲影左一張三佰幾人既合照tim...

當我見到當晚既菜單,成個人當堂沉左一沉,我o係度咁耐,從未試過咁曳架......

睇黎年尾份bonus都係冇乜期望啦....

一如以往,我依然係乜Q都抽唔到既,不過好正常,我亦都習慣左啦

唉~~~真係要改下個名先得啦

各位.................有咩好提議呀????????????

有獎抽,冇女溝...

今晚staff party,希望可以抽到獎啦,平平地既都好丫.....

(o係呢度做左幾年,鼻毛都抽唔到條...

做左咁多年野,只係抽過一個五毫子咁大個既唔知乜野金幣,都唔知值唔值錢既...

麻煩今年比少少成績黎睇下丫,唔該...等我唔洗咁灰丫.....)

9 號波的星期五

wa......9號風球,好耐都冇試過啦,勁......................

好彩今日係星期五ja,放假,如果唔係今朝都唔知點樣搵車返工

做左呢行咁耐,過時過節冇假放都已經習慣左,但係打風要返工呢下就真係十分痛苦

最慘係住o係一個冇鐵路覆蓋既地區,除左的士,真係乜都冇

就上次打8號,o係條街度足足等左半個鐘,受左半個鐘風吹雨打先上到的士,真陰公...

所以就算今日放假打風,o係屋企hea下,攤抖下都覺得過癮既....

**********************************************************************

尋晚間bar都唔知比左d咩我飲,竟然出現斷片情況......

到今日瞓醒打返比幫主先問番,哈~~~真係太..........................屎啦...

都係飲少d啦...........

冇乜幾可四天假(四)

前一晚劈完酒,第2日瞓番晏d,養足精神

因為今晚攪左一個從未出現過既blog友戶外活動,就係………………..

夜釣墨魚

今次出席既成員有…(我,幫主,鴨仔,傻婆,阿妹,阿豬,秘書,浩然,飛龍,肥仔,肥jac,阿B,阿燒,阿屙,團長,陳兔仔,Wai B與弟Hilton,積奇仔,黑邦,鐘少..

雖然收穫極為慘淡,但大家都過左數小時好閒適,舒暢,悠閒自在既無酒精清談時段…

期間更為兩位8月之星(阿屙,肥jac)舉行左個小小既生日慶祝

好啦,去相……

o係天星等既時候,仲有咩做丫,梗係開槍啦.....

阿屙,肥jac...生日快樂,身體健康,想o個樣有o個樣...

呢兩位老友,浪漫到呢............

大合照,唔少得啦.....

嘻~~~唔post張呢d,觀眾又點會放過我呢....

******************************************************************

上岸後,某部份人又去左露天主場飲左一陣野,跟住就完結左呢一日既旅程...

而我,就咁就放左四日密不透風既假期啦......

冇乜幾可四天假(三)

緊接上回,我同傻婆離開愉景灣之後,原先係有一個聚會既,但係因為一個窄窄地既誤會,就變左冇會...

o係呢個時候,我就發揮我堅毅不屈既精神,即時吹雞,幸得各好友既鼎力支持,o係短短既一小時內,就已經有9條好漢聚集o係尖東露天主場啦...

真係唔好意思,影漏左浩然tim...

好高興認識到新朋友...ice baby

o係大家暢談左一段時間之後,suki突然殺到,wa....真係高潮一浪接一浪呀...

當時,有人突然身痕大作,吹恆話要再下一城,再次轉移到另一陣地,轉去一個殺戮戰場,o係一輪擾攘之後,最終大軍就浩浩蕩蕩咁片左去寶勒巷,進行大屠殺啦....

哦.....老jac你同女仔影相,你死啦.....

飲到咁上下,suki竟然o係屎坑撞到一個好耐冇見既好友

佢就係從冇見佢醉過既...brenda..啦

不過好老實,冇見幾個月,當日話晒都係靚女一名既brenda,已經變左做發脹version,woo......世上竟然有人塊面仲麵包過suki,真係點估都估唔到會係佢

wa...真係

變幻才是永恆 

拿.....有圖為證架....

wow~~~~你睇suki幾型...吹.....................................喇叭呀....woo~~~~

好彩飲到4點幾就散場啦,我都飲到醉左大半啦,因為犯左我既大忌,就係溝酒...

雖然只係溝左3隻(紅油,啤酒,芝華士),但係已經足夠我行到搖下搖下lu...呵~~~

冇乜幾可四天假(二)

話說o係大約兩年幾前,當時仲有拖拍既我,好鐘意同埋前女友貢入去愉景灣開家庭飯局,咁比阿傻婆知道左之後呢,就鬼殺咁嘈,又話咁大個女都未去過愉景灣,又盛...

咁當時就口快快咁應承左搵次帶佢入去hea下,一拖就拖左到.......................

見上個禮放幾日假,又咁岩有局,得到家姐既同意之下,就捉左佢入去""都市閒情""下啦

因為呢個係hea團,所以呢篇網誌都係要圖為主,唔講咁多野啦,大家慢慢睇啦...

一入到欣澳,見咁靚就即刻影低佢先...

歡迎自由行既同志到此一遊...

眨下眼,阿同志就黎到plaza啦

我都幾鐘意呢張架

呢度似唔似電影""英雄""入面o個d竹林呢???

呢張真係爆到呢.......

我至鐘意就係呢張啦,係咪簡單得黎好有味道呢,哈~~~

wa....你睇,成個阿"太"咁呀...

阿朋友,唔該唔好o係度扮純真啦,玩"番梘泡"...

o係沙灘發現左""孤軍的小樹""真人版

從未見過人可以掂到樹葉會咁開心既(因為個傻婆話冇乜幾可 可以掂到樹葉喎,呵~~

梗係啦,d樹咁矮...傻仔........

o係等村巴途中,忽然諗起好耐冇食過雪條

呢條友仔真係大膽,竟然夠膽走去wet阿太上皇...

真係比佢激死...

不過o係我家姐度食飯有一個好大既問題,就係屋內""全面禁煙""

要走出後樓梯煲煙

夜晚食完餐飯,就急急腳出返九龍lu

因為又有下場啦.....