o係某個禮拜五,崔老闆又相約影相啦
呢日是頭婆有得放,而阿豐哥又突然間可以蛇王出黎同我地癲喎
一如以往,我地都係任得阿崔老闆處置,佢鐘意車去邊就去邊
第一站...
wa...即係邊度呢???
啊........呢度呀............
好老實,我真係唔知香港有笪咁既地方
呢度其實冇咩睇,亦都冇咩人,當日係得我地3個je,裡面仲有個""實Q阿姐""
佢見到我地入去,不知幾鬼開心,仲問我地睇唔睇紀錄片.....
我地都feel到佢應該好耐都冇見過""人""架啦,難得見到我地幾個人類,叫有d世藝做下
我地咪做下好心,等你開下o個部唔知幾耐冇開過既DVD機啦...
套片就睇到瞓著咁濟,好彩....呢度有個天台,可以比我地影下....
wa..豐哥笑得咁開心,睇黎佢都開始對攝影產生興趣囉...
hea左一陣,我地就去第2度啦...
咪住.....有一樣野我一定要講既....
就係我幾時都話,有崔老闆,我地就一定唔洗愁諗唔到影相地點
因為佢真係可以搵到好多燶燶lala地方出黎既...
好似我地既第2個落車點咁.....
拿.....一個咁重要既地方都比佢搵到,係咪勁先???
大吉利是講句,若果第日香港遇到d咩海嘯,地震,龍捲風,隕石襲地球之類咁既野呢
你地識得去邊度集合啦,下...
喂....真係好認真架,人地....有duty急救員架......
一份咁偉大既工作,梗係好忙架啦,所以當時我地冇緣見到佢既真身...
咁唯有同佢張 車......,呀,唔係,係大頭相合個照啦....
步行數十步之後,就去到一處類似橋底咁既地方
喂...阿豐哥你做咩呀???
成個間諜咁,好有""螳螂捕蟬,黃雀在後""既感覺
喂....話明""黃雀在後""囉,你企咁前做咩呀???
條友仔都唔知影左d乜,陰陰濕濕咁....
崔老闆都冇你咁好氣,享受下寧靜先...
我都唔好蝕呀...影呀............................
E~~~~~~~好似有D唔對路喎,好似有陣殺氣o係後面咁既~~~
煨~~~~原來是頭婆企左o係後面,拿...咪睇佢笑淫淫
拿~~~開始變樣啦....
嘟咀啦.....(呀...係喎,我掛住影麻甩佬,唔記得影佢tim...瀨野~~~~)
唔好咁啦....okok即刻影你......
仲要大頭tim.....E~~~咪住........
wa.......阿豐哥,你真係神出鬼沒啦,你又o係後面偷影d咩呀???
玩完一大輪,個天都差唔多黑晒啦,不過.....再走多場tim....
呢轉黎左個唔知乜Q公園,主要係影青馬橋既....
又玩望遠鏡啦...行啦,是頭婆,天黑啦....
因為呢日冇帶腳架,所以如果要影得好,絕對係需要一對無敵石膏手既....
可惜小弟不材,並冇呢個本事...
所都影唔到d乜出黎....
影左一大ja朦查查野之後,o係心灰意冷既情況之下就走啦...
期待下一次唔知去邊之旅~~~
