六合彩神話會否出現???

又話情場失意,賭場得意既,都唔係既,呢排d馬仔一d都唔生性,仲比佢玩死tim,哈~~好彩我玩得細,你玩我唔死既,畜生們
六合彩又冇人中頭獎啦,下期應該都有六千幾萬,中左都真係唔知點算,如果再冇人中,容乜易儲到成億呀,到時如果一注中,就真係神話囉,中六合彩變億萬富翁,你話幾咁恐怖啦......
嘩...個肚痛左幾日,屙左幾日,真係有d腳仔軟,唔係啦,快d食番d保濟丸,咁就有病唔洗怕啦....

皮肉之苦,so what????

繼上個禮拜撞親隻指公之後,都未好番,今日又比兩灌汽水dup到隻腳,仲要係瘀晒o個隻,痛到死咁濟,家陣掂下都唔得,不過唔緊要,少少苦楚等於激勵,區區皮肉之苦算得係乜丫??打我唔謝既
寫完尋日編野之後,成個人都覺得輕鬆左d,因為可以將心裡面既委屈適量咁發洩出黎,真係舒服d既,最好就係d小人都有機會睇到,等佢地知道自己錯o係邊,咪再o係度自作聰明,旺作小人(如有冥頑不靈者,都係o個句,等天收囉,祝佢地好運囉)

願天有眼,惡人自有惡報

哈........你地信唔信呢個世界有報應既呢??我就信啦
話說有一對情人,佢地一開始就受到女方親友既強烈反對,因為係男方職業既問題,於是乎女方親友就成日o係度攪埋d小動作,打擊女方既意志,而女方又係一個好依賴家人,好介意旁人眼光既人,亦喜歡胡思亂想,但係男方用盡心力,費盡腦汁去令女方信任自己,終於o係不斷努力之下,最後都得到女方既認同,但係o個d奸險小人一直虎視眈眈,埋藏o係背後待機而動,不停用遊擊戰術去燻(圖)女方,去將佢洗腦,終於o係一次意外之後,呢斑奸險小人見時機成熟,空群而出,對女方作出強烈既進攻,可憐既女方o係意志薄弱,六神無主之下,終於徹底崩潰,作出左一個錯誤既決定,將一個為人踏實,性格耿直,對她一心一意的男人放棄,白白咁(吹)毀左一段大好感情,更可憐既係男方o係完全唔知發生咩事既情況之下被判死刑,更加係無辜中既無辜
後來終於得到女方證實,丞認抵受不住長年累月的冷言冷語,別人對男方的惡劣批評,壓力簡直感覺如山般重,試問一個弱質女流,又怎能夠抵受咁龐大而密雜既精神壓力呢??
o係呢個case裡面,女方意志故然的確係過於薄弱與衝動,男方亦因為對女方的絕對信任而太過後知後覺,兩方都需要付上一定既責任,但最可恨的都是那些陰險小人,他們對男方並不熟悉,有些小人跟本未見過男方,只是單憑一些極為表面的感覺去判斷男方的好與壞,還對女方說得一口流利的仁義道德去掩飾自己的惡行,那算是一種公平的對待嗎??
正所謂寧教人打仔,莫教人分妻,由細講到大架啦,唔係咁既道理都唔識呀?由其係屬於長輩o個斑,你地覺唔覺得慚愧呀??你地成日咁去迫個女方,你地有冇去理佢既感受呀,等佢以為自己又(簡)錯,你地o係度踐踏緊佢既自信呀,你地知唔知呀??幾廿歲人醒下啦,唔該,唔係一句((都係為你左好姐..))就可以唔理人感受架.....阿長輩們......
每一段感情都得來不易,需要很多時間,經歷,血與淚去累積而成,你們覺得親手去拆散一段感情係一件很令人高興,很令人快慰的事情嗎??
如果你們覺得是,那只可以說,你們已經變態了,慢慢去等待報應的來臨吧,還要求神拜佛報在自己的身上,不然如報在下一代身上,你所受的痛苦只會更大    
放心吧,絕不會有僥倖,那一天一定會來臨(給每一個有份參予破壞的人)

終於等到啦,yes......

呀.....................終於都等到放假啦,從未試過咁期待一日假既來臨,因為o係呢個禮拜,我既身與心都已經十分疲累啦,真係好需要休息一下,由其係當你一個星期得一日假,你會更加珍惜呢一日假期,用黎做一d好重要既野,包括休息
今晚同左臭治佢地去左銅鑼灣金海閣打邊爐,雖然遠d,不過都幾好食,同埋食得好開心,(應該話同親佢地食宵夜都一定開心既)
努力,努力......捱多兩年我就開始有好日子過架啦..........
頂住呀,戴次偉.............(不過大頭妹已經走左lu...)

得個""趕""字

嘩....今日係好趕既一日,
首先係返工,今日紅雨,例塞車,趕......
今日到阿假人射波,返到去已經入左客,要我執貨,趕......
執執下,都未攪掂,阿花同我講話已經爆緊場,叫我快D出去幫手,趕.......
今日我返直落,個場爛到不得了,真係鬼死咁多野做,做極都做唔完,趕.......
收左工要去飲,禮哥個仔結婚,本來諗住著埋件飲衫返工既,但係,頭先都講左啦,今朝紅雨丫嗎,落狗屎咁樣,所以著左套街坊裝返工,我8點收工,由尖沙咀先返九龍城換衫,再出新世紀,途中冇搭過的士,整個過程於45分鐘內完成,趕.........
唔只趕,我直頭覺得係勁呀...........邊有快得咁離譜架..........比你啦,比你啦,你試一次過我睇下???
呼~~~~~散席啦,終於都趕完啦~~~~~~

日日做到冇停手

啊.....今晚o.t到12點呀,真係陰公,又旺,又爛尾就最慘架啦,所以一收工就約Alex宵夜,因為真係好肚餓,同順便講佢聽最近發生咩事,唉.....講起呢樣野,阿怪今日第2次問我同一個問題,(你部NDS唔洗比囡囡咩??做乜見你日日都玩既??)呀............救命呀,我咪講左比你地聽我囡囡唔要我囉,仲要問幾多次呀???放過我啦,shit........
阿惡佢地睇左個blog啦,問我見點喎??超........你地第一日識我咩??我不嬲都係一個勇於面對現實既人,比人飛,都唔係第一次啦,我呢個人乜都冇,冇田,冇地,冇人,冇錢,冇面,只有一樣最無聊既野,自尊,我係唔會對人搖尾乞憐既,人地唔珍惜我,鐘意聽埋d閒言閒語而又因為咁而放棄我,係人地唔識貨姐,好似我呢d咁專一既男人,你估易搵呀??係我把口臭過頭,所以d人成日都諗住我係d好花既人,
拿....家姐們,老實講,我o個陣時同 Irene 6年,真係一次都冇偷過食架,喂..我o個陣廿幾歲ja,要偷??真係食到嘔都仲得啦,係咪先???
仲有,23號o個日唔該你買定d靚酒,我諗住睇下攞唔攞到d堅既神戶肉,如果攞到............刷定牙啦你地..

呻....

好倦.....好倦........真係好倦......................
今日阿永射左波,所以好自然咁又人多蝦人少啦,旺到賴晒屎........今日得我一個做鐵板,要做兩輪,仲要係叫天不應,叫地不聞o個隻,嘩......陰公到呀..未到8點件衫已經濕到溶晒,對腳不停咁跑,冇行過,至到10點去做數先叫做停下,真係爽到想死,咁都未夠慘,諗住O.T完可以去食下宵夜relax下啦,點知d腳收晒工,唯有返屋企煮公仔麵啦,好.....聽日又黎過,殺呀....................................
唉........開個blog,都係諗住搵個渠道比自己發洩下姐,人黎架.......

浪子

尋日同左阿安哥去飲野,哈....飲唔夠幾支就嘔啦喎,仲要係嘔黃膽水tim,點解呢??哦......諗諗下原來尋日冇食飯,空肚飲酒,梗係嘔黃膽水啦,唔嘔金霸王都偷笑啦..
傾傾下,原來佢都處於分手邊緣,佢話條女一日到黑剩係識亂咁發脾氣,前兩日仲send左個message比佢話分手tim,安哥....你就得佢咁犀利,咪又係換黎咁既結果,女人就係咁架啦,貪得無厭,得一想二,你唔就佢,就話你唔愛佢,你就佢,就話你就得唔夠,再唔係講多兩下就話你比唔到佢安全感,世事邊有兩全其美架,搵個靚仔既又話驚佢出去偷食,,搵個有錢既又話驚佢出去滾,搵個窮既,錫你既又話驚餓死,返工時間長又話冇時間陪佢,shit.......想有安全感呀,去搵個condom咪有安全感囉,死既.....
算吧啦,安哥,我們生下來就是一個浪子的好材料啊.........

我的娘爆pink NDS

大家見到嗎,我話過死都唔掂手提遊戲機既,點解又會有部NDS o係度呢,哈~~~真係天意,因為呢部野係諗住送比阿邊個做生日禮物既,點知而家突然攪成咁,咁唯有自己用啦,冇理由掉左佢姐,要錢買家嗎,本來都唔緊要,知唔知問題出o係邊度呢??
就係顏色啦,原先係諗住買比女家嗎,而家要一個大男人攞住部pink色既遊戲機,仲要係NDS,你話幾咁爆啦,唉........唯有得閒出去買個白色套(凹)住佢啦
嘩..........由上個禮拜返工到而家,爆足咁多日,今個星期又話有個乜乜展,嗚~~~~~~~~做死人咩???今朝又無啦啦比個死粉皮夾硬搵野噴左一輪,唉.....人黑起上黎真係有條路,真係shit爆
唉~~~~而家乜都唔敢諗,最緊要份工冇事就還得神落啦.......就算重新做人都要錢架,係咪先???

變幻才是永恆......正

籮記名曲既其中一句,(變幻才是永恆),係一句我永遠都咁鐘意,咁同意既說話,因為真係好寫實,世事萬物不停咁o係度轉變緊,包括人,原來感情可以o係咁短時間內作出轉變,前一刻還愛恨纏綿,but........,又一次既親身經歷,(Good)
變..........係可以唔需要任何理由,求其講d野就ok啦,因為已經變左,仲洗鬼理你信唔信咩....
變..........可以有好多原因,可以受外來影響,只要你係一個意志力薄弱既人,隨時都可以變....
變..........亦可以係刻意編排,只要你有出色既演技,強勁既心態,就可以o係適當既時候隨心所慾地.............變
人生既每一課都係寶貴既,應該好好去珍惜,去思考,得到幾多因人而異,但不管領悟多與少,別介懷,因為(你)(妳)總算叫見識過,right????
不過我發現左d好幣既野,對我曾經愛過既人,我從未有憎恨過,但係今次竟然有,(可能係今次真係好用心既關係啦),但我討厭呢種感覺,我唔應該有呢種感覺,我會盡量,盡快去毀滅呢種感覺,因為憎人係好辛苦既,由其是為了些已不重要的東西,係咪??

再闖海洋公園

                                                                  

                                                                           嚴門四傑

                                                                          去濕身

                                                                         勁.......冇乜點濕喎

大大話話都有十年冇去過海洋公園囉,其實都想再去一次好耐,診阿惡,阿屏話同琪琪去,咁就岩啦,叫埋阿囡囡攞日假一齊去囉,終於就一行5個人o係尋日再闖海洋公園啦
諗住尋日係平日會少人d,點不知一樣好多人,國內同胞佔左多數,朝早十點幾去到都還好d,過多一陣就已經覺得好多人啦,排隊玩野都平均要半粒鐘,到左2點諗住食野,點知d人龍仲恐怖,好似鬧完飢荒咁,每個counter都keep住排長龍,又冇位坐,終於o係行人路搵左張長櫈坐o係度食,食燒春雞,但係我覺得係食緊燒湯渣雞,因為d雞好似湯渣咁,又梅,又冇味,不過o係呢d地方係咁架啦,有得食都算囉
不過海洋公園真係大過disney好多,因為都唔夠時間玩,只係玩左3樣野,同睇左d乜館物館,有幾樣機動遊戲都冇玩就夠鐘走啦,嘩......走o個下仲誇張,諗住去搭吊車,點知o個條人龍排左成日山頭咁濟,行極都唔見龍尾,shit......梗係唔排啦,係咪呀??咪落番去集古村o個邊走囉,跟住出返銅鑼灣join埋大佬同家明食飯
開頭阿惡話食米線,點知去到,原來o個間野我一個星期起碼食2次既,因為老尖有3間,所以成日食,跟住就轉左去泉章居食,d野都ok喎,又唔係貴,叫食得下啦,我地食完再去飲咖啡,吹左一陣水,爆笑左一陣就散人啦
佢地就各自返家,我就送阿囡囡返去,次後仲約左阿man打機tim,嘩.......真係忙到不得了,完全冇得停,足足不停咁玩左二十個鐘,返到屋企好而死左咁,好彩今日放假ja........

復活大食會.

今個復活節假期真係長啦,聽日就係last日啦,真係過得快,我就得第一日有得放姐,o個日入左阿屏度食飯,連埋大佬一家人,total 8個人迫左o係間屋度,woo......真係close啦,哈......估唔到阿惡真係有d料到,竟然整到咁多野出黎食,o個日個個都飽到嘔咁濟,連(戰神琪琪)o係度都食唔晒d野,不過就只係飲左3支酒姐,都算少囉,冇辦法啦,顧住食野,都飲唔落囉,但係呢餐都食得very開心,呀.........講開飲酒,阿家明哥飲完酒又訓覺啦,阿明哥呀,明哥,點攪呀你呀,你都已經佔晒主場之利架啦,餐餐都飲到咁眼訓既??快d反省下唔該,唔係啦,我真係要的起心肝去卡拉ok高買番幾個(識)盅,下次黎徹底d劈冧你先得,哈~~~~諗起都快感呀,等我呀,你.............
阿囡囡尋日話我聽佢出左太子shopping,又買衫,又買褲,又飾物呀咁樣,嘩....真係開心,佢今日出黎搵我飲茶,仲專登全身新野tim,丫....又幾靚喎,呢set野都算幾好睇喎,but.......如果今日個頭冇夾上去應該仲靚女d,講真,我覺得你夾起(汁)頭髮呢個look真係娘左d,都係散番落黎好d...
而家返工真係做到愈黎愈灰,對住呢隻咁既仆街狗公真係愈黎愈想嘔,但係佢又真係行緊大運,唉.....真係唔知捱唔捱到過埋今年tim呀,我都係搵啖飯食下姐,點解永遠都係衰人當道既呢??愈係衰就愈係好彩,愈仆街就愈係當旺,真係shit爆.......

中~~~~~招~~~~~

哈....經過連月黎既天氣冷熱交替,o係短時間內d氣溫轉到7晒彩,我終於都宣佈守唔住啦,中招~~招~~招~~招~~招~~不過好彩唔係好嚴重,係夜晚先咳多d姐,不過已經睇左公司d獸醫啦,哈...講開個獸醫,今日睇佢o個陣,佢同我講,(先生,你唔介煙我幫你唔到架喎............................),我心諗((阿醫生,我地d煙民介晒煙,仲有Q人睇你咩,到時你搵唔到食,我就真係幫你唔到啦)),唉........我黎睇醫生姐.你開藥比我咪得囉,講咁多廢話托咩??好彩唔洗錢既o者,如果要我自己比錢,我真係吊死佢都似呀
今日有個久違左好耐既fd打電話比我,佢都已經失左蹤幾年架啦,我心諗點解家下突然間自行浦頭呢,一定係而家做緊d人際關係既工,原來真係,佢而家做緊財務顧問,唉~~~你真係唔好彩啦,搵著我呢咁既燶西四,投資喎,有錢都攞黎還啦,shit......投資...頭痕就有.........