入到產房,老婆都未係好大反應,咁就吹下水,攪下GAG啦...
隨住時間既流走,佢開始越黎越痛啦,面容開始扭曲
我其實真係冇乜可以做到,只有搵下野講,轉移下佢既注意力(其實都冇乜用)
整整下佢對腳開始出現抽筋既情況,咁我就開始忙啦
不停同佢鬆下D肌肉,佢又抽得騎呢喎,抽既位置不停移動
一時又小腿,一時又大脾,一時又腳指....ETC
總之我隻手就不停移動,冧晒檔...
去到3點幾,佢既表情越黎越痛苦,房入面既醫護人員亦越黎越多...
我心諗""差唔多係時候啦...""
O係呢個時候,有個姑娘穿上一身彷似""防幅射裝備""
又面罩,又手套...ETC
開始O係我老婆既下體位置攪攪貢,老婆亦開始鬼殺咁嘈啦...
突然佢開始大叫,我貢個頭去裝下...
WA....見到個頭仔啦.................
WAWA.........個頭仔出左黎啦.......
WAWAWA.......姑娘扯住BB個頭係咁擰係咁掹(喂....你睇住我個女呀.....)
攪左一陣,BB 雪一聲就出左黎啦...
條友仔一出到黎就瓜瓜叫,掙手掙腳...(噢......好得意呀,好感動呀......)
再望下老婆,如釋重負一般,鬆晒.....O個一刻真係有少少想喊,不過立即提醒自己,我話晒都係一個鐵錚錚既硬漢,要頂住...
BB因為得30週就出世,所以一出世就比醫生攞左去做健康評估,然後就即刻送左去深切治療病房,所以連抱都冇得抱,真係可惜...
不過最緊要既都係,母女平安
