人,事,物___的無奈

幾日冇update過啦,一黎唔知點解公司又好似忙番少少,二黎又真係冇乜特別野發生,平淡如水,
最特別咪公司公佈左今年出幾多雙糧囉,對好多人黎講確係好開心既,因為無啦啦多左一大舊錢,又真係幾高興既,不過我就冇乜感覺啦,因為都袋唔耐既,左手黎,右手去,剩係還錢,找咭數,同比屋企都已經冇左一大......半啦,有剩o個d就要留番黎3月去泰國,去埋泰國就財散人安樂啦,所以今年出完雙糧都冇諗住買d咩黎獎勵下自己囉,呀......買條牛仔褲算唔算呢????????
講開去泰國,開頭阿Roy個死仔話去,我都已經覺窄窄地架啦,佢條友吹水唔抹咀,點知條粉腸真係縮沙,
話個女冇人湊喎.......唉.....算吧啦,我第一日識你咩???咩藉口都冇乜所謂架啦,開頭仲諗住儲到多d人去又好玩d,又可以唔洗跟團,自己join package去都夠人玩,而家得番兩支公,想唔跟團都唔得啦,不過都要盡最後努力,
本人現在此招募泰國團友多名,主要目標地點乃陽光與海灘,時間3月19日開始,行程大概一星期,多除少補,如有興趣者,請直接至電或留言給本人,本人定必有Call必覆,請各界踴躍捐輸,呀....唔係,係踴躍參予先真,真係多多益善,功德無量...........
仲有......阿西德既賴皮情況持續惡化,已經去到人神共憤既地步,我直頭進化到一見到佢就想打撚死佢既階段,佢回歸之後我可以話係完全冇同佢傾過半句閒(計),唉.........點解有唔人去做,要去做隻鬼呢???
做少d野又點丫??換黎既係冇晒朋友,個個都o係背後惡毒地咒罵你,究竟有冇必要將自己做到咁呢???
又一可悲的例證......(((((((((無~~~~~~~~~奈))))))))

生日快樂喎.........

今日同左阿女朋友去睇~~~生日快樂~~~,超......又話幾咁感人,幾咁慘,幾咁悲情,咪又係咁上下,
我就唔覺有咩特別啦,一套故事好無奈既愛情片,好普通,冇乜驚喜,同以前d慘情戲冇得比,同(忘不了),
(新不了情),(星願),o個d差好遠..........我既影評就係__可看可不看__唔睇絕冇損失,如果真係諗唔到節目
又乜差戲都比你睇晒,而返屋企又會死的話,就不妨去睇下啦,仲要去旺角(新寶戲院)睇,因為呢度$40 only,
慳o個廿蚊黎食下野都好丫,係咪先??
不過呢輪真係冇乜戲好睇,唯有等新年睇下有咩好戲上啦,不過都唔敢有太大既期望,因為今年好似冇乜勁片.
不過拍拖唔睇戲,又少個地方去架囉播...

西德回歸.......

登,登,登,登.....................傳說中既<<西德>>今日終於都現身啦,抖左成個月既佢,嘩....成個頭大左一個碼,唔知係未消腫丫,定係真係肥左啦,不過肥左都唔奇,大佬,成個月唔洗做,又豬頭喇叭咀咁既樣唔出得街,比我都肥啦..冇返咁耐工,大家都以為佢會唔好意思,做野會有番個譜,哈.....如我所料,同以前一樣,都係咁賴皮,返直落都係唔預野,都係嘆慢版,唉........我都話左佢冇得救架啦,大家放棄佢把啦.....
fuck丫........尋日先至靜番,今日又旺過,痴.........線架,原來玩具展完左,今個禮拜到時裝展,有冇咁撚多展呀???就算有呀,隔耐d先得唔得呀???唔洗接住去呀???現實真係太過殘忍啦.......
仲有d更不知所謂既野,我地有個o架佬客,又老,又細粒,又樣衰,直頭係衰到好似旺角隧道o個d乞兒咁既相既,佢平日係同條女黎既,我地都覺得佢好幸福架啦,竟然有女肯吼佢,點不知今晚佢竟然拖第2條女黎喎,仲要係 o靚妹黎既,仲要坐o係counter度,抽晒水咁,又攬又盛,shit...........乜家下d人既口味咁騎呢架????呢條咁既(某)利點會有人食得落架,簡直就係難以置信,真..係道德淪亡

抖下先啦........

好囉.........終於都靜番d囉,終於都再遇好耐冇見既(悠閒)囉,今晚數埋先得o個十零枱客,拿...........
咁先似番間五星級酒店家嗎,之前旺到爆瀉屎咁,你話似咩丫??
傳說中既<<西德哥>>聽日終於返工啦,唔知佢返唔返到呢??唔知佢個樣有冇衰到呢??個咀有冇腫過以前呢??隻眼有冇細過以前呢??棚牙又有冇哨過以前呢??以上種種既迷團,聽日就會一一咁解開........
請密切留意本台最新既報導....
呢幾日o係公司硬係覺得唔係好自然,一見到蝙蝠俠就好唔開心,好唔想見到佢,直頭想打撚死佢,跟著個咁既人真係灰到不得了,我冇波又冇gap,點做都係冇用既,都唔諗得咁多架啦,唯有過得一日得一日,鬥長命啦....
過兩日放假要陪兩個女人去喊,哈.....真係從未試過,奇就奇在有d人竟然有d咁怪既癮,工餘既節目竟然係去喊喎,仲有個傻佬放假走去陪人去喊播,你地話係咪幾邪門都有啦~~~~~

飽~勁~窮~射波~頭赤~

尋日老豆牛一,成家人出左去尖咀食飯,去左間又迫,又多人既中菜度食,尋日o個餐超多野食,d野仲要係大大份o個隻,終於食到個個都飽到嘔咁濟,
我今年買左件好勁既風褸比老豆,點勁法??勁防風,勁防水,仲有......勁貴,我咁大個仔都未著過咁貴既薄身風褸,我上個禮拜都買左件好形既(巴塞隆拿)外套比自己,佢o個件個價錢係我o個件既一倍,哈...不過好得意喎,阿媽好似仲鐘意件褸,等我睇下有冇o岩佢著既買多件啦,不過要等下個月啦,因為今個月要交重稅,真係冇錢啦,
今日返到公司,知道阿德哥又續左假啦,嘩.......就黎一個月啦,公司好多人都怨聲載道,話佢洗唔洗放咁耐呀???我就覺得冇乜所謂啦,人地有本事攞到波紙,你理得人丫,況且有佢同冇佢,都冇乜分別架啦,佢都係o係度hair既姐,咪等佢慢慢抖下先囉...試下你比人打丫...係咪先???
尋日食飯o個陣飲左d酒,唔知係咪狀態唔好,又可能比d風吹下,有d唔係好妥,所以同penny搭車o個陣訓左一陣,其實每次飲完酒之後要送佢返屋企都幾係野,最甘係我要搭兩程車先返到屋企嗎,尢其個人wing wing地同好倦既時候就至係野,不過唔送又唔放心喎,唉........真係矛盾,幾時我先可以的你返我屋企訓呢??但係我屋企又豆腐潤咁細喎,真...係頭赤.............

豬屎火鍋

又放孖day今日係第1日,原先諗住12點起身,點不知個鐘響左都唔願起身,終於賴床賴到3點幾先起身,
真失敗.......起左身之後打左一陣機就出左去接阿囡囡,都好耐冇接過佢收工囉,join左佢之後就食左小小野先,因為起身冇食過野,所以有小小胃痛,一定要擺d野入個肚先,食完就一齊搭車入新城市行街,諗住買野比我老豆,因為聽日係佢生日,點知睇中件風褸又冇貨,要留左先,聽日先出老尖買,行到9點幾就搵野食,不過行一大輪都唔知食咩好?終於就去左<意粉屋>食o個個什麼~~芝士火鍋~~,真係shit..............超呃錢囉,都冇野食既,幾塊爛鬼肉,幾舊瓜,下面塾左一大埋生菜,shit到不得了,不過叫做未試過,過下癮咁囉,人一世物一世嗎???
同埋拍拖係咁架啦,至在係兩個人撐下枱腳咁解既姐.....
各界親友請注意啦,我就做左白老鼠啦,咁你地記住唔好去食呢個野啦
哈.........咁就話放左一日假啦,真係話都冇咁快呀........

一星期的鬼節

都幾日冇寫啦,因為實在係冇乜野寫,好悶,好悶,好好悶.......................
過完新曆新年,靜左2日,真係oh,shit...前兩日又開始旺番,原來今個禮拜有d乜鬼玩具展,呢兩日我仲以為係鬼節,因為公司鬼死咁多~~~鬼~~~佬,枱枱都係鬼咁濟,佔左7成客都係鬼,咁你話係咪鬼節啦,總之呢兩日就由6點幾開始炒到10點幾,絕無冷場,又咁o岩有人射波,做左呢行咁耐都慣左人多蝦人少架啦,定律黎既....
尋日開始天氣凍左好多,得o個十一,二度,今朝阿penny已經send左個短訊比我,哈....其實我今日都已經著左樽領架啦,你就真係要著多件衫啦,你知你住北極架啦,幾恐怖先得架,我差唔多好啦,你千祈唔好病呀,
<<<病>>>係好辛苦架,不過阿katie仲誇張,佢send既短訊列左佢著左d咩衫.....嘩~~~~~~~~簡直係傻既,住<<南極>>都頂得住呀,又雞仔嘜,又呢樣,又o個樣,連暖貼都話打孖上,woo............不過都唔怪得你既,鬼叫你屎咩........呀,,,,唔係,係身子弱姐,(好聽d,好聽d,我呢d人係會顧人感受既)
講真,你呢排窄窄地,細路,都係小心d好既,你知啦,而家唔係剩係得你一個家嗎,仲個聰聰(芝)架,係咪先??????

世紀終極絕種隔夜大豬扒

今日休息,下晝2點就起左身,好乖咁整理屋企d衫,將d冬天衫同夏天衫調位,因為我少衫既關係,
一陣就攪掂啦,然後打左一陣機就出去旺角,join阿囡囡同阿安佢地食飯,因為聽日係阿安哥生日,
我地o係(板前)等左成個鐘先有得食,可能因為餓到痴左,我竟然唔記得d order係一客兩件既,
於是全部叫晒double,shit...............仆街啦,d野食擺滿成張枱都擺唔晒,直頭見到都驚呀...
個個都用盡12成功力,食到個人都呆晒,呀.........................老友們,係我錯,係我對你地唔住,
請賜我一死~~~~~~~~~~~~~
阿安哥今日帶左個女朋友仔出黎,喂..幾好喎,純純地,斯斯文文,得喎....但係................
佢女友叫左個fd出黎,本來唔係問題,佢需然肥,又十分醜樣,呢個都唔係問題,最大問題係佢..............吋
不知所謂,後尾我地去左唱K,B lee ba 啦,鳩撚屎屎,仲要成日懶Q咁o係度講(傻豬,傻豬...)
我fuck....................你老鼠丫........傻豬呢D咁可愛既說話係比靚女講家嗎,你件咁既
<<<<世紀終極絕種隔夜大芝扒>>>>,o係度學人扮Q,仲要句句頂頭頂頸,懶係yeah  o個d咁呢,你話係咪要吊先????
唔係比面第一次見阿安哥條女,塊芝扒又係佢d fd,我一早就開撚左佢波啦,
但係咁都未算喎,塊芝扒竟然無啦啦call左兩仔(貿利)上黎,我shit............................................
你老味今日邊個既party呀???我開頭以為阿安識既,點不知原來都係第一次見,你老味真係火..都黎撚埋,
我唔可以再比自己留o係度啦,我驚我會忍唔住真係吊7佢,於是就拿拿聲話要送阿penny走,雞咁腳咁閃左,費事攪吋個party,真係唔好意思啦,((((安哥))))今晚都係唔阻住你拍拖啦,唯有下次再玩過啦,不過千祈唔叫    o個塊(芝扒),唔係發生血案都似
o係度再一次祝阿安哥你~~~~~~~~生日快樂,愈黎愈靚仔,愈黎愈有錢,愈黎愈精神,愈黎愈飲得,愈黎愈癲.狂.喪,阿小安愈黎愈勁.......直頭可以上((雄風))既封面呀,哈~~~~~~~~~~~~~~~~~~~
恭喜,恭喜

戰後餘生

happy new year........................
好似(行)左d呀可???係咁架啦,唔係講咩o者???
飲食業係聖誕同新年既重災區,小弟亦唔例外,經過左呢段地獄式既日子,我已經筋疲力盡,我身體每一分既精力都已經掏空,小宇宙亦燃燒到盡,受到戰火無情既洗禮,現在已經離死不遠啦~~~~阿門..
所以我都有幾日冇寫到blog,其實呢幾日都冇咩特別,最特別就係除夕o個日竟然奇蹟咁可以準時收工,嘩.......真係不得了,都唔知幾耐冇試過,除夕喎..........除夕呀........邊有可能收到工架,我都以為自己聽錯,搣一搣塊面之後發覺係真既,就灌切我既宗旨<<<一於李澤鉅(理7佢)>>>拍下個籮釉,閃呀~~~~~~~~~~~~~~
o係呢d咁既情況之下,梗係第一時間搵拖拍啦,就係咁,我幾廿歲人就第一次去左沙田count down,嘩.......真係唔講得笑,油.尖.旺.就count得多啦,邊估得到我o係有生之年會有機會o係沙田count down,真..係世事難料呀,估你唔到o個隻,仲要係同女朋友既屋企人,就更加,,wa.......................啦,係咪先???今次真係破處破到 啪 啪 聲呀~~~~~不過最緊要阿囡囡開心,咁就得啦~~~~
各位觀眾.........我今年又跨年咁病啦,由06年 咳 到07年,每年都一樣,12月一轉天氣就開始咳,咳到過埋年,真係oh..yeah~~~~~~~~~come on,come on,let me 咳,let me 鼻塞,,,,,
所以新年願望就係身體可以好d,少d病痛,咁就真係飲得杯落啦,(唉.....我都好耐冇飲過酒啦......)
今個月要交好多錢稅(對於我黎講係好多架啦),所以呢個月係十分艱困既一個月,頂住,頂住,鬼叫你窮呀,頂硬上啦..........
講住咁多先,要打機啦..........88      ++++++新年快樂++++++