沖繩(完結篇)

黎到第三日啦,我終於都記得影下d早餐枱啦…

今日係全日自由活動,亦係老婆最期待既一日行程

第一站去aeon

其實行超市都幾開心架,香港aeon就行得多,去到日本aeon,d野真係平香港好多,我地最主要係去買下零食同埋搵下有冇有年份既”響”(可惜都係冇貨既/_\)

行完一輪aeon,就去左附近一檔幾出名而又要等位既拉麵(比著平時,要等位我會選擇唔食)

一間幾舊式,簡簡單單既鋪頭,感覺都幾舒服, 佢地既招牌野就係<男人麵>,<女人麵>

咁我地就叫左一碗男人麵

一碟炒飯

同一客煎餃子(唔記得影相tim)

都幾好食既,我鐘意佢碗麵d豬骨湯唔會太濃,反而清清地仲好味

食完個lunch就搭左好幾個單軌站去呢個行程裡面,老婆視為最重點既地方


西松屋

呢度係佢上網睇返黎既,話有好多平靚正既小朋友衣物賣

嘩…你睇佢你睇佢,o係門口已經四萬咁口啦…

時間點滴地流逝…..

滴……….滴…………….滴…………………



滴……….滴…………….滴…………………



滴……….滴…………….滴…………………



經過左aeon與西松屋既一番血拚(其實途中都仲拚左兩次藥房)

我兩個已經化身為奧運級既苦力,身上承受既重量足夠攞到金牌架啦

所以我地決定返酒店放低d野先再出番黎吃野,否則我地驚o係街隨時爆血管暴斃~~~~

放下重擔之後出返國際通諗住食鐵板燒,,但…他媽的好似唔洗錢咁,檔檔都full晒,起碼都要等成個鐘,等得黎餓死左啦,於是走去搵燒肉食…

因為食飯時間,所以度度都好多人,行行重行行,終於搵到間有位啦,上樓既,一上到去見個場冇乜人,好似鬼鬼地咁,不過實在太倦太肚餓啦,所以鬼就鬼啦,go……



上到去叫左個二人餐,等左一陣,佢就抽左個爐過黎,哦~~~真係用炭燒架喎…

個餐有一碟雜菜,一碟肉(有石垣牛,acu豬),再每人有三碟前菜,一碗飯,一碗素麵

個牛幾好喎,好過前兩日食o個d

仲有尋回遺失左好耐既一份親切感,就係可以食煙啦,噢….好感動啊~~~~

食完再行左一陣國際通,終於搵到一支”響”17年,飛奔去搶走佢之後就返酒店啦


今日既戰利品…

呢幾日全部買既野,係完完全全咁質滿左一張床既,shit…一陣執喼就知死…

一宿無言…

...........................................



..................................................



............................................................



.......................................................................






因為係早機返,所以早餐完求求其其咁車我地去間所謂樹屋度影張相就出機場啦…

呢團其實都幾多小朋友,有個幾靚仔既哥哥仔真係想搵佢同阿女對襯家,可惜佢嫌阿欣唔靚女,所以失敗左,唯有影張相返去引下個衰妹啦…^^

沖繩之旅話咁快就完左,黎緊阿女就開始要返學啦,下次搭飛機都唔知要幾時lu~~~