好心做壞事...

我係衰人..........

拿....而家我同全世界講,我係衰人.....

你地有咩野就即管入晒我數啦,

你地鐘意點諗就點諗

點樣假設又好,點樣幻想又好,加鹽又好,加醋又好

隨你地喜歡點都好啦

我做慣"石堅"架啦,都唔爭在啦

shit...........

抱歉...

唉~~~~~~~真真真真真係十分抱歉........
原定o係聽晚既"哈佬喂"blog友派對
因為場地同一d技術性既問題,和一些不能預計既隱憂,同埋為免發生不愉快既流血事件,所以被迫臨時取消
如因是次突變而令到大家產生不便或情緒不安,本人深感抱歉
本人知道有些blog友(包括本人在內)十分期待明天的聚會,但因為一些因素要無奈地取消是次聚會,實乃本人之計算錯誤與安排失當,乃本人一人之疏忽,在此向各位致以萬二分之歉意........


當看過飛師兄的blog後,看到他對是次聚會之熱誠,本人更感內疚萬分,在此再一次致以歉意

哈佬喂黎啦..............

各界親朋....
一年一度既萬聖節又黎啦,各路妖魔鬼怪都會o係呢個節日空群而出,我地一斑癲妖,狂魔,喪怪都諗住出黎人間抖下氣,舒緩一下平日地獄式生活既壓力,現計劃在萬聖節正日(即10月31日)在尖沙咀某酒吧黎一個<<<<哈佬喂輕輕力狂歡聚會>>>>
9時恭候,9時入席,幾點散就睇情況啦.....
點解叫輕輕力???
因為大部份人第2日都要返工,所以唔會喪飲,只係為求一班人癲下,扮下鬼,扮下馬,影下相,留下回憶咁je,氣氛最重要...
有興趣既朋友,請留言報名,以方便個別通知....


現有參與者:<<佐豪>>,<<大小姐>>,<<迷路鴨子>>,<<嘉露>> ,<<希>>,< Magnus>>,<<小龍女>>,<<飛師兄>>,<<靜靜>>,< >,<<兔兔>>,<<黑邦>>

工作...

工作......只是為了工作,
只是為了薪金
只是為了生活


每日如酒肉行屍般的上班,
沒有自我的表情
沒有自我的情緒


由每日一上班開始,就要帶著千層的假面具
皮笑肉不笑,想怒不敢怒,想哭不能哭


是否每一個在工作上有衝突的人,都不能成為朋友
工作,友誼,是否不能共存呢???


上班........
對我來說,已經越來越痛苦了....................

紅顏知己.....

前兩日個人有d down down地,好想飲酒,但係我又收得夜喎,咁都儘管嘗試去搵下人啦,點知又真係比我搵到喎(真係成功在嘗試呀),
佢地就係...........
平時十點幾就會嗌眼瞓既-----大小姐
同埋山長水遠o係好遠既屋企專登出黎既-----carol

o係我好需要搵人陪
好需要搵人傾計
好需要搵人飲酒
好需要搵人聽我發牢騷既時候

你兩個肯捨命陪君子,知我唔開心,就算第2日要返工,覺都唔瞓,專登o係屋企走出黎陪我發神經,聽我噴口水,你兩條友仔真係算唔話得
亦令到我十分感激與感動,能夠識到你呢兩個紅顏知己真係我既福氣

錫晒你地.......

給妳的...

自從上一篇網誌發表以來,得到頗多的迴響,令小弟的blog增添不少歡樂氣氛,今晚亦如常在blog內與blog友因"結婚"一詞大戰一番.....
但今晚有些不同,我忽然靜了下來,沉了下來...
我忽然想起了妳.......


算一算,妳已離開了我三年多了,這三年多以來

我有頹廢過,自閉過
亦有清醒過,站起過

我有放縱過自己,亦有收藏過自己

我有嘗試全心去投入一段新的感情,希望能找到一個不再分開的伴侶
不想再嘗分離的滋味,可惜最終還是錯信於人,命運若此,何必強求.....

我不停找尋快樂,但發覺那種種只是娛樂...
snooker,唱k,劈酒,保齡,online game,模型,addidas,nike,球衣,運動裝,迷彩,軍look,氣槍............
多如沙數的嗜好......能給我真正的快樂嗎,那只是短暫的情緒起伏而已....
那能比得上在我收工後,你給我遞上的一碗公仔麵
那能比得上在沙發上,你依偎著我,一起看那不知重播過多少次的電視劇

快樂.......就是如此簡單...........

如不是你的離開,我們應該已真的"結婚"了

.......................................................................

我在這段日子的生活,你能看到嗎???

我在這段日子的心路變化,你能感覺到嗎???

放心吧,我會盡力好好的活下去

在另一個空間的你,可好嗎???

在另一個世界的你,可有投向新的生命嗎???

勿論如何,真的希望來世能與你再遇.....

回憶10月11,12(更新版)

ok啦,我既情緒平復番d啦,原本我真係諗住唔寫架啦,不過受到多方面既沉重壓力,亦都攝服o係佢地既淫威之下.......
好,黎啦,話說約左冷水王同carol o係11號殺過去馬交,因咩事過馬交呢?係因為我識左兩位澳門既blog友(自由飛魚,kitty),成日都話過去探佢地,又適逢係小弟既牛一,所以就的起心肝plan呢個歷史性既誇境blog友聚會,
我地一行三人懷住未出發先興奮既心情o係信德中心上船,本來一直都有講有笑,到上到船之後,我同冷水好正常地笑得好衰咁談論澳門既夜遊事業,
但係............
.忽然之間,我地發現左carol已經好耐冇出過聲啦,會唔會係有咩不測呢??
跟手望一望佢,wa...............
見到佢手腳僵硬,體溫下降,口唇發白,目光呆滯,忐忑不安,隻手仲起晒雞皮tim,(真係想比支""太太口服液""佢嘆下)
當時我心諗:""老友,你唔係想發羊吊呀???""即時向佢了解下情況,啊....佢原來係有""輕微""搭船凹水恐懼症
佢只係緊張少少je,冇野既.......
佢只係成個人好似比人點左穴咁je,冇野既......
佢只係深呼吸既頻率比較密d je,冇野既.....
我同冷水只係當大開眼界je,冇野既......
去到澳門碼頭,終於都見到一直都披住神秘面紗既飛魚媽媽啦,佢氣度雍容,高貴中顯出美艷,美艷得黎又隨和,隨和間又透發熱情,真係掂晒.....
飛魚媽媽動用佢既私人座駕首先車我地去酒店先,跟住就出發去我地既第一個景點,((路環))啦
我地首先去左"安德魯"食個萄撻tea,然後就周圍行,狂影相啦,澳門真係一個謀殺菲林既地方,d建築物五顏六色,又有特色,殺我我地不知幾多菲林,阿carol小朋友o係呢個時候又嚇我地一跳啦,平日影相只係得一號表情既佢,o係踏足路環o個一刻,成個人"生"晒,紥紥跳咁,又識擺post,又多表情,d表情又惡頂,真係"哽"到你唔信呀,同頭先o係船o個陣完全係兩個人,等我同冷水仲以為佢比邪靈上身tim.....

路環景色

你睇冷水型到..........

佢開始黎料啦.......

你睇呢張相,幾有味道.......唔~~~~~~~

((o係路環影過去威尼斯人,我就覺得呢張影得好靚啦))
殺左一輪菲林之後,我地就去會合另一個blog友,收工冇耐既kitty啦,因為我地全部都冇見過佢,所以o係車上面已經不停猜測,究竟kitty係點既樣既呢???
登..登...登............見到啦,原來係一個氣質清純,活潑可人既美人,剩係睇個look,你真係估唔到原來佢都係一個媽媽,唉~~~我同冷水又少左個""餐屎""啦....
o係將近食完飯既時候,carol用天氣凍,而又冇帶衫既藉口,成功咁令到另外兩位靚女陪左佢去shopping,冇得傾,shopping始終都係佢既強項....
食完飯去左旅遊重點之一既漁人碼頭飲野,對住個海,三五知己坐低飲下野,暢談一下,個feel確係幾好,期間我地又o係度狂影相,真係好似鄉下仔出城咁....

夜攝漁人碼頭

拿........carol發功啦........

你地睇,你地睇,d女人味丫.....bang bang聲咁湧出黎呀......

wa..........各位觀眾頂唔頂得住???冷靜d....個mont好貴架....打爆左就唔抵啦.........

第2朝一早起身去食左個豬扒麵,就去左飛魚媽媽間新開張既鞋店睇佢拜神,carol又充份發揮佢購物狂既本色,做左第一個顧客,掃左兩對鞋,一個袋,因為我唔著皮鞋既,所以冇計,只係買左對鞋墊je......

拜完神就去左"大三巴",話晒"大三巴"都係澳門既標誌,如果未去過既,真係唔去就好似唔知點咁既

((被邪靈附體既Carol~~~~~~

))

woo~~~~~~~~~~~~~~~~~

妖..............................................

行左一陣,就出發去呢個tour既主要旅遊點,""威尼斯人酒店""
wa.......個賭場大到丫,仲大過一個草地足球場,d賭枱多到都用唔晒,樓底又高,總之個場就澎湃啦,然後進入左係人都話靚既""大運河""區域

頂.........邊有咁靚架,真係............o個個人造天幕再加埋d建築物同埋條街既decoration,真係歐陸風情到不得了,剩係影個天都有排你影呀,o係呢個時候,被邪靈附體既carol好順理成章咁成為左我既御用model,受到我部傻瓜機既強烈攻擊,o係受到相機攻擊之餘,佢竟然仲可以抽到身shop到3件衫,wa........佢既shopping神功好明顯已經練到出神入化,鬼神辟易既境界,真係欽敬..欽敬........

你睇呢d相幾女仔.......                          行到倦,整杯ice mocha噗下先啦.....

佢已經化身為一個導遊啦.......

講真,呢張真係幾好.....

逗留左幾個鐘之後,join番飛魚媽媽食左個萄式晚餐,佢就車我地去碼頭,同佢忍著淚說goodbye之後,就正式結束呢個澳門之旅,搭船番香港啦.....
好高興認識到新朋友kitty,同埋好感激飛魚媽媽呢兩日熱情同辛勞既款待,仲有冷水王同carol既陪伴...令到呢個澳門遊玩得十分之開心
澳門.........我一定會再黎............................

嘩.......黎到澳門都不忘要健下身,左右各一袋不特止,仲要抽住個驚死你唔知係手信既袋,全身加埋起碼負重廿幾三十磅,勁呀..........師姊.........

AAA.................未完架,大家都抱住好疲倦既狀態上回程既船,正想入睡之際...
係喎......望一望坐o係隔離既carol,佢既凹水恐懼症已經再次起動,因為我地今次坐o係船頭,隻船d冷氣又唔係好掂,好鬼死焗,所以佢今次既病徵黎得更加嚴重,除左上面講過既病徵之外,今次仲多左呼吸困難,同埋唔知做乜鬼係咁"卒"自己對手,我問佢野,佢剩係識答,好暈呀....好暈呀........佢既意識已經逐漸變得模糊
喂.........carol,你唔好死呀............你醒下啦.............
最後我唯有攞左張紙皮,一路咁同佢撥住,等佢周圍d空氣流動下,唔洗咁焗啦...
最後好彩都平安咁返到黎信德,佢冇死到.......
點知原來仲未完.........o係岩岩暈完船浪既狀態之下,佢再暈車浪,呀..........................oh,shit........................................
就係咁,我o係佢人身安全既大前題之下,我隻身揹住兩個大袋,手抽住十數盒手信,送佢去到一個安全既地方之後,就頹晒咁搭的士返屋企啦,o係o個一刻我諗,乜原來我都可以咁大力既咩??????


仲有.........其實仲有d相o係carol同冷水王度,佢地都未send比我,所以未夠全面,所以你地可以過去佢地度睇下......

我想殺人......

o係1點15分,我開始好有心機咁將我呢幾日既行程打o係度,打到大約3點05分,差不多完成左大半既時候,因為我按錯左一個制,將我打左呢個幾鐘頭既心血全部delete晒,o係呢一刻,我真係好想殺人,呀...................................................................................................................................................................................................................................................

唔寫啦........................................................................

我聽晚收9點呀,你地快d出黎比我下o下火呀....................

回來了...

我返黎啦...................................
呢幾日我又過澳門,又返大陸,每日都倒塔咁早起身,夜一夜先瞓,直頭仲慘過返工,聽日仲要去打game,真係驚我唔死咁,今日返到黎剩係睇blog都睇到而家,個人真係倦到想自盡咁濟,所以呢幾日既行程都係過兩日先post上黎啦,等我忙埋呢兩日先啦...請呀......

單車燒烤樂(三)

好啦,上一集o係發表左之後得到各方不同既投訴,小弟而家能夠保住條命o係度寫第三集,都可算係執番身彩啦(好彩阿窄窄地小姐放我一條生路je)

阿窄窄地你放心,我今集一定會對你作出補償既......

我地o係受到烈日暴曬,上山落斜,媽聲四起既情況之下,幸得礦泉水同五花茶既陪伴底下,終於都能夠齊齊整整順利到達呢度啦

到達之後,有小部份人既生命力已經去到危險既邊緣(拿..我地真係唔會講名架,自己估啦),好彩有工作人員負責起爐,等我地可以回一回氣,招一招魂
以下就為大家獻上一d燒野食時片段啦.......

7擒7縱7壯士

呢3個師奶好似o係公園抖涼咁喎

幣.....比佢地發現左tim,等我派出殺手oscar去隊冧佢地先...

呢兩位小姐,係咪生日既緣故,連個人都靚d喎

呢兩個就.........

喂.......女子合照呀,正經d啦.......小丙..

拿...係啦,咁咪好囉,都係中間o個3個醒d,識望鏡頭,兩個壽星女都唔知望左去邊??

charlies angel???(神探照燒蝦???)

你睇佢兩個,你睇佢兩個...

你睇mimi......

黑邦好似發現到d野喎....

wa...wa...wa....呢個咁靚女邊個黎架?邊有d咁索既女仔架.........

e~~~佢唔係就係......大小姐~~~~~

喂.....唔洗咁呀....

哦.....唔啋我tim,自己傾計啦,攪小圈子啦......

你地睇carol望住d腸既眼神,幾咁貪婪.....

突然o係現場發現兩具屍體....

喂...carol,快d掉左條毛巾佢啦,暴露身份啦........

你唔係呀,亞靜.....燒野食都仲要補妝????

原來佐豪仲兇狠過我呀,舊野生架,佢都照食呀.......

四眼哥哥,查實你係咪呢個牌子既代言人黎架???

我地除左有""黑色Polo恤四眼哥哥""之外,仲有""白色利工民含腸叔叔"",你地話係咪精英雲集呢......

o係食完野之後,我地周圍行下,影下相呀,攪下呢樣,攪下o個樣,就開始回程啦...

o係離開燒烤場途中,小弟因想力谷踩上一條45度既斜路而發生老抽事件,整條右大腿完全疸瘓,幸得眾隊友們全力搶救,方能於短時間內回復活動能力,在此特別鳴謝....

在搶救途中,小弟竟然發現有新聞記者在現場拍照,翌日更將我既搶救過程忠實報導,在此亦要多謝呢班勞苦功高既記者朋友...

由此事件,小弟懷疑飛師兄與佐豪係持有深圳人民醫院發出既專業中醫穴位按摩牌照人仕,我都話我地精英雲集架啦.....
最後,我地有大部份既隊員仲一齊出左旺角食野傾計,回味整日既行程同經過,雖然大家都已經處於頻死既邊緣,但係最終都笑爆晒個咀黎完結今次既聚會...
好高興今次能夠同大家玩得咁開心,呢d咁難能可貴既blog聚,今次全靠有兩位壽星女既魅力黎連繫,仲有oscar既牛速探路,同飛師兄全力吹雞,希望黎緊可以好快再有下次咁精彩既聚會啦.......

****特別報告****
12號輪到我生日啦,由11號開始,連續幾日我既行程已經係密不透風啦,亦唔會o係香港,所以將會暫時消失幾日,如果期間情況許可既,我都會儘量上下黎,希望大家唔好忘記小弟啦....