無奈...預祝...

好多謝咁多位對我31號悲慘遭遇既關心,見到你地既回應真係令到我非
常感動,直頭想流馬尿咁濟,同我既預計一樣,多數都係…

”飲啦…..”,”瞓乜鬼丫…”,”過黎玩啦…”,”狂歡啦…”,”玩完返工咪得
囉…”~~~~~~

你地真係令我感到人間有情,呀...唔係,係人間有酒精先真....

由此可見你地真係好想我快d轉工,真係唔該晒…..

好老實講,我係一個極度爛玩既人,如果唔係第2朝要返7點,仲要面對200
幾個客,再直踩到夜晚,我真係會不顧一切咁同你地死過,

同你地既每一個聚會,我都會玩得十分開心,所以我儘可能都會出席每一個gathering,今次唔能夠同你地一齊慶祝2008年既來臨,絕對係自上次萬聖節之後既另一個遺憾,心情實在不快…

聽晚見你地唔到,所以o係呢度同所有識黑仔王既好友,會睇黑仔王blog既朋友講聲新年快樂,祝你地o係2008年都可以無憂無慮,得到你地想要既野……飲杯…..

如果我仲有命既,2008年見啦.......

救我.........

12月31日, 1月1日 ,
呢兩日係我一年之中最地獄既兩日,
當我今日睇完呢兩日既訂位,我直頭想立即自殺
再睇埋schedule,wow~~~真係慾哭無淚……
我31號原定收11點,預計會O.T一粒鐘,跟住第2朝返7點,係….係7點,都冇問題,一日半日,頂得住,但係問題就在於,往年老尖既除夕夜都已經係人山人海,今年仲要整個””幻彩詠香江除夕倒數””
shit……咁就仆街啦,全個老尖將會大幅度封路,而呢個function亦會將今年到老尖count down既人數推高,而尖東近海濱一帶將會係重災區,咁我收工o個時正值高潮…..呵………….
以往經驗,我需要個幾兩個鐘先返到屋企,今年整壇咁既野,當我要用多一個鐘,咁即係我返到屋企沖個涼就又差唔多要返工啦
shit…….有冇攪錯呀……唔係咁玩我呀馬…………
返又唔係,唔返又唔係,喂….做唔緊要呀,你都要比番少少時間我瞓先得架……


不死蟑螂第一次感到死亡是如此的接近……..


<<借問聲有冇人住鄰近老尖,而又可以施捨個床位過我瞓番3,4粒鐘既呢???>>

巨星...

神秘中帶點親切

平凡中帶點出塵

和藹中帶點高雅

高深中帶點跳皮

一個高貴大方,美艷動人,親切友善

忽左忽右,飄忽無定,指東講西,絕對係估佢唔到

譽滿省-港-澳,橫掃yahoo blog,

佢係眾人既好媽媽,carol既守護神,佐豪既兢星,黑仔王既強敵,冷水王既fans......

佢就係傳說中,黎自澳門既自由飛魚

因為佢既身份極為神秘,如果暴露左將會惹來公眾恐慌,招致殺身之禍,所以圖中做左效果o個個就係佢啦...(個效果係咪做得好好,好難會認得佢呢???)

黎啦.....平安夜...覆焯夜(圖片版)

因為近呢幾日實在太唔得閒,所以到而家都仲收集得好少相,而我自己又唔係影左好多喎,不過為免被人淋屎or鬧爆,出啦...出啦......幾幅都頂住先啦.....

好.....去片........................................

你睇飛兄唱歌唱到屙屎咁,幾咁有heart....

飛兄....你唔好再飲啦....

拿..拿..拿..你睇..你睇.........唉~~~~~

四眼哥哥正練緊楊過既黯然銷魂掌...

可惜被兇狠黑仔王發現,將佢開槍射殺....

死左......

臨走時仲發現戰神oscar既屍體,佢竟然就算死都要護住個下體,真係一個貞烈既男子.....


你地睇.....幾多精神病患者........



以上圖片由青山精神病院榮譽病人""終極黑仔王""提供...(絕對獨家)

出乎意料

平安夜,覆焯夜

出乎意料,o係平安夜竟然可以準時收工

出乎意料,去到兇案現場,原來有咁多人,個場就黎爆咁濟

出乎意料,我十一點半到達,場內氣氛已被燒滾

出乎意料,第一個陣亡既,會係外表堅挺既黑色polo恤四眼哥哥

出乎意料,戰神oscar終於戰死,仲要係死於自殺

出乎意料,我竟然頂左oscar個位,充當收屍兄一職,四處執拾屍體

出乎意料,o係飲左酒既情況之下,瞓得o個兩個鐘,竟然聽到鬧鐘響,識得起身返工

出乎意料,今晚仲可以同oscar,大小姐去飲左一陣野,唔通真係唔洗瞓既???

唯一意料之內,就係尋晚真係……………….

 

開心,好玩到爆呀…………

<<<因本人嚴重缺乏睡眠,又未整理好相片,又掛住同人msn,所以圖片暫時欠奉,敬請原諒,本人會盡快補上….>>>

女俠...

話說前幾日我o係blog度大叫”有冇人陪我睇戲”,殊不知觀眾既反應異常冷淡,令小弟曾一度產生”生無可戀”既念頭,點知o係星期四當日,形勢突然逆轉,因為有一位心地善良既女俠,眼見小弟孤苦伶仃,無依無靠,又恐怕我會悶死家中,於是佢就吹出同情之雞,仲成功咁吹左3個朋友仔出黎睇戲,連埋我同女俠,就有5個啦…
o係睇戲前梗要咬米啦,我地睇戲五勇士其中之四 連同大 小姐,Sun,靜靜,Oscar,去左老廟唔知邊間野食飯(唔記得左咩名啦),係坐樓上閣樓既,開頭都冇乜野既,(老實講,好食就唔預佢會好食架啦),坐坐下越黎越旺,後尾仲爆瀉屎tim,但係就剩係得兩個阿姐做,絕對係冧晒檔o個隻
因為肥仔,秘書仔遲左收工,所以等佢地黎到先再加野食,而o個陣時又咁岩係阿姐賴晒屎既時候,於是阿姐就好老實咁同我地講””廚房冧晒檔呀,唔好食小菜呀,食煲仔飯算數啦...””good…...我好欣賞阿姐o個份坦白,佢o個種~~視錢財如糞土,有生意都唔做~~既高尚情操,真係好值得我地飲食同業去學習,特別係做老闆同管理層o個班,佢地為求達到心中既營業額同利潤,係會用最少既人手去做最沉重既工作量,哪管你班粉皮做到四肢骨折,心臟爆破,肺部漏水,咀角滲血…
阿姐,我代表大部份既打工仔向你致敬………
食完飯,睇戲五勇士其四就殺左去朗豪坊會合岩岩收工冇耐既浩然啦
好邪….今次睇驚天奪寶,竟然同上次睇神探係同一間影院兼係同一行,同一位置…..究竟會唔會有d咩玄機呢??????
套戲都算ok,係頭段交代情節悶左d,不過點都好,今日能夠睇到呢套戲,都係全靠阿女俠
“”唔該晒呀,飛龍…做到野呀……””
呢杯芝華屎,敬你既……飲呀…….

究竟呢位唔見得光既女仕係邊個呢???

寫意晚上...

今晚收早,原先約左車輪屙飲咖啡,到收工打比佢既時候,原來佢約左車輪鴨,團長,同團長一個朋友o係海濱影相
哈~~~咁就岩啦,因為我今朝無啦啦心血來潮,帶左部相機返工,於是一出公司門口,就跳過對面馬路會合佢地啦,亦都因為咁,就無啦啦咁影左好多相啦,亦因為影左好多夜景相,先發覺自己既攝影技術原來係慘不忍睹既...
不過....對於一個唔識影相既人,差就梗架啦,所以我都會一樣post出黎
咩呀.......你吹得我脹咩..........................

繼"孤單的小樹"後",寂寞的街燈"出場啦......

幾驚團長會""有隻團長跌落衰,跌落衰,跌落衰......""

我一向都話呢隻鴨型架啦...

影完相,幾條麻甩佬去左飲野,傾下計,吹下水,好寫意悠閒的一個晚上....

註:仲有d團體相o係鴨仔度,留意佢既網誌啦..

有冇人睇戲???

借問聲本星期四有冇人有興趣睇

""魔間傳奇""or                      

""驚天奪寶：世紀秘冊""

大概睇9點零鐘倒,如有興趣者請send sms比我,或於星期三晚上9時後致電本人,以便本人買飛先...


孤兒""終極黑仔王""上

 

史上最曳高達展

今日落場約左幾個同事去都會海逸睇高達展

呢個係有史以黎最..................曳既高達展

點曳法???

今年既主題以SD為主......曳

極少MG 1/100,PG 1/60既展品.......曳

個場空盪盪一片,好少飾櫃,冇乜野睇,場中間仲有一......大片空位,直頭可以要黎做體操......曳

D飾櫃塊玻璃嚴重反光,極難影相......曳

以往有D世界各國既冠軍作品,水準極為震撼,今年冇......曳

今年連最吸引既美少女COSPLAY都冇埋......曳爆.....................

頂............真係火都黎埋,簡直係SIDE我時間,連相都冇乜點影

跟住去左樓上個美食廣場食野,o個d美食呀,真係......簡直將我頭先既不快心情一再推上高峰,我地已經分開幾檔買架啦,點解檔檔都咁難食架???係咪要迫溫文既我講粗口你地先高興呀???o下??????

妖.......唔講啦,總之記住唔好去睇,唔好去食啦...................

((唯一可取既係,隻最新MG no.102 獨角獸高達,大玩裂甲變型,個效果幾好,幾型仔...)

左上角第一隻就係獨角獸高達啦

世紀大騙案......

12月12日,我地收到某blog友((唔好講邊個啦))既情報,話o係14號晚會有傳說中既流星雨睇,佢又講到自己以前同男朋友去睇,而家回想起幾咁唏噓,幾咁悽涼,…
於是充滿愛心,同情心的眾blog友們立即臨急臨忙發起個””浪漫滿瀉流星雨—黃金海岸之旅””
一行18人,除左(火羅)爆情侶同恐龍伉儷之外,其他差不多全部孤兒仔,仲有兩個係拋下身邊既另一半出黎同我地癲既,呢d咁”騎呢”既組合去做一件咁浪漫既事,真係唔知講咩好???
當晚小弟收11點,諗住出旺角搭van仔入屯門好快既je,點不知d屯門van好似射晒波咁,足足等左20分鐘先有車,仲要好幸運地我排第17位,頂……………….終於又要等多20分鐘,真係火屎都黎埋…..
當我入到去,正進入沙灘既時候,我”雲精”除除咁滲左一大滴汗出黎,
wa…..黑鬼mum mum,乜都睇唔到,再行近d,仲大鑊,隱約見到遍地屍骸,仲要係排列整齊o個隻喎,十足十d停屍間咁,如果唔係小弟經得下風浪,真係隨時比呢個情景嚇死都似…
小弟身為一個war game友,梗會擁有一支強力電筒架啦,呢個時候就大派用場啦,仲唔當田雞咁照你地
忽然......比我發現到大量食物,原來阿飛龍為我地準備左愛心芝腿治,同埋友情菠蘿腸,仲有大量既薯片同飲品,呢一刻我真係感動到眼泛淚光,因為呢d野食絕對可以為飢寒交迫既我延續生命
食飽左之後,終於都有心時間望下個天啦,shit......乜好似我既人生咁架............一片灰暗,剩係見到幾粒企定定既星星,d流星雨呢???塞緊車呀????............

((待續))




<<註:因為小弟公司已經進入聖誕前既地獄週,所以呢個禮拜會較少上網,呢篇野亦唔知要寫幾耐,敬請原諒(因為今日真係好倦)
如果唔係carol兩公婆吹鬼我,我諗我都仲未開始呀…>>

車輪逍遙遊...完

睇完車輪7子其他成員既網誌之後,我已經笑到……….

咀唇爆裂,面部肌肉嚴重失控,口水長流,淚線分泌失調,四肢痙攣
生命力已經流失左大半….
所以黎緊呢篇,我會一反往常風格,正正經經咁帶大家睇下風景同好簡略咁講下個行程,比你地睇下我文靜既一面……

當日一早o係東涌集合,今次多左個新相識既成員,就係阿靚女小鈍豬.,亦即係車輪豬啦…不過聽講話佢係機械人黎既,因為行山既前一晚,佢好似去左劈,仲要劈到朝早6點,洽得o個一陣就出黎同我地癲啦,比我更加恐怖,如果我係""不死蟑螂"",咁佢就係""機械蒼蠅""啦.....

((水哥...有d咁靚女既blog友,一早就要帶出黎大家認識下啦...))
我地食完野,買完野之後,就搭左一程10分鐘既船去沙螺灣,一去到,各隊員已經開始發癲啦,紛紛亮出自己既兵器,發左狂咁亙片,好慶幸有兩位帶備腳架既專業攝影師,令到我地可以企定定咁影番d團體相…

.仲有今次處女下海,話成世人第一次行山既阿妹(車輪妹),呢位年青人既體能,完全比我地呢班”一支花”拋離,不過唔緊要,人…總會有第一次,你仲有無限既青春,仲有大把日子比我地折磨,黎緊既日子,我地會將你變番一個真正既…..少女…..

o係沿途,幹勁十足既 車輪屙 先生,不停地表演佢既幹勁,一d高難度動作頻頻出現,飛天.遁地,跳橋.攀石,十字沿垂,湯馬斯全旋,凌空轉體69週半頭落地樣樣齊,簡直令人嘆為觀止,拍案叫絕,尖叫不斷,佢既全程投入,簡直就係時下年青人學習既榜樣,不甘寂寞偷食師奶迷戀既甜心,黎….唔該比d熱烈既掌聲…啪啪啪…啪啪啪….啪啪啪…..

我地行行重行行,行到中途見到有檔我地夢寐以求既餐旦麵檔,於是立即施展輕功飄埋去,二話不說就叫野食啦,跟手仲舉行左一個集簡單,隆重,豪情,溫馨,惹笑,酷爆,刺激,溫情,騎呢,瘋狂兼而有之既
””飛師兄降臨凡間紀念日慶祝會””
o係個慶祝會包含既節目非常豐富,一眾賓客要帶上美輪美奐,名貴大方既皇冠與眼罩,o係食物方面,除左蛋糕,我地仲有餐旦麵,油菜同埋老翻A貨蠔餅,仲有82年既可樂,90年既雀檸,同埋李時珍配方既””百花鷄骨草””,
而表演節目就有””事頭婆sell社工乖乖女””,””小龍婆棟篤笑真人show””,””鼻孔噴麵””,””用一隻筷子and一隻匙黎食蠔餅””……..
最後主辦單位更派出紅牌阿婆向壽星公送上”萬千星輝溫情愛心香蕉”一梳,並深深咁祝飛師兄身體健康,身體健康,同埋身體健康既…(阿婆真係講黎講去都剩係講身體健康架,我冇吹水架)

你睇飛師兄笑淫淫咁,幾開心,個咀仲痴住粒蛋糕tim......

你地睇阿靚婆婆個look幾咁有style,剩係o個條領巾呀,都已經將後面o個兩條o靚妹殺過片甲不留啦......


點解會有呢個咁鬼馬既慶祝會呢???概念就係黎自我地擁有多重身份,有”百變星君多面體”之稱既老作界資深從業員,車輪水啦………
佢既創作力可謂係無窮無盡,無論係任何時間(早,午,晚,深宵,飯前,飯後,如廁前,如廁後,攪野前,攪野後,整容前,整容後…)
任何地方(屋企,公司,公園,酒樓,茶記,屎坑,上格床,新娘房,廸士尼,伊拉克,阿塞科彊…)
佢都能夠想出天馬行空,驚世駭俗,國仇家恨,鐵漢柔情,溫馨細膩既絕佳之作
o係呢個tour,佢除左可以tum到飛師兄見牙唔見眼,鬼死咁高興,以後都好難再遇得番d咁別開生面既party之外,o係慶祝會內為我`地創作既造型,亦絕對可以令睇過既人幾晚瞓唔著,當時人更會在心內當下不滅既陰影…呀…..唔係...係倩影…….
這個不能或缺既伙伴,佢就係擁有一個大肚腩既….冷水王

而能夠令我地呢個團空前成功,除左多得各成員既積極冒死出席之外,亦感謝o係幕後安排籌備既幾位攪手,黎度呢度,當然就係到左我地今次既團長,車輪鴨出場啦…….
經過幾次既戶外blog聚,我發覺到揸重型兵器既人係擔演一個十分重要既角色,因為有好多相係我呢d用傻瓜機既永遠都影唔到既,因為佢地既專業,所以佢地所捕捉既角度,位置,時間,係我呢d抱住玩玩下心態既人捉摸不到既領域,所以有左佢地既專業態度同能力,我地先可以玩得咁輕鬆,放心…..

有請今次逍遙遊既靈魂人物,型爆既重裝備攝影師…..迷路鴨子

車輪7子,點能夠少左最後一個,呢條茂利係精神病患者既先軀,魔鬼既化身,飲食業界既害蟲,陶大宇既接班人,一個剩係識講””飲啦””既社工,夜晚唔洗瞓覺既蟑螂
車輪”瘋”呢個名真係當之無愧…
因為呢條友係一個可憐人,唔係返正常時間既工,冇得放紅日,但係佢見到blog友既行山網誌,好想join埋一齊玩,所以佢好早就申請定假期,再懇請blog友們組團,幸好得到blog友們既體諒同支持,令到呢個生活頹廢,時間顛倒,晝伏夜出,未老先衰,體能急劇下降既死剷,能夠重拾番一d健康既生活,體驗下大自然既閒適,

在此對眾blog友致萬二分既感謝…….
呢條麻煩友就係…. 終極黑仔王

因為小弟緩慢既電腦操作,所以呢篇網誌足足用左我整整兩日既時間,亦令我o係呢兩日近乎放棄晒探訪其他blog友,但係呢個旅程,實在令我十分回味,少少犧牲亦覺值得,
難得相識
難得共聚
難得投緣
難得維繫
讓我們繼續向前走下去,一同開展yahoo blog裡的新世界…...