筋疲力盡......

好倦呀..................................................................................................
今晚又做過百客啦,d客好似難民咁擁入黎,家陣唔洗錢咩???平均每個人要$800以上架,你地係咪真係有錢冇訂洗呀,咁多錢就攞d去捐下啦,shit.............

但願天有眼

今朝開會,宣佈tips箱唔見左$4000利是錢,唉.........真係離譜,真係家賊難防,連利是錢都偷,驚唔驚報應架,不過又係抵死既,一早分左佢咪得囉,邊個叫你攏o係度咁耐丫,shit.......呢度處理tips又係好多漏洞既,又唔日日數,又冇定期出,一早就話有問題架啦,又冇人理,好啦,係要攪到出左事先心息既,ok啦,而家日日數咪好囉,冇得再出蠱惑啦掛,但願偷左錢o個條粉腸得到應有既報應,唔該阿天哥收一收佢,唔好比呢d人渣有好日子過,阿門...........

我番左黎啦(下集)

上回講到芒果糯米飯,食完個咁正既野之後呢,訓醒覺就出曼谷啦,由呢一日既下午開始,個團就變成左購物團啦,因為last兩日,係比我地呢班粉皮買手信同shopping既,不過話時話,其係真係冇乜野買,因為我地shopping既地方,一係就好似女人街d貨咁,一係就好似又一城咁,貴到買唔落,不過講開又講喎,我都有成6,7年冇去泰國啦,pataya我就覺得冇乜點變,但係bangkok就多左一d好勁既大形商場,好大.......,好in........,同埋好貴........,因為全部都係賣牌子野,d普通d既牌子又同h.k咁上下價錢,咁洗Q o係o個邊買咩??係咪先,貪拎咩???不過一場去到旅行,唔買番d野比自己好似對自己唔住,最後終於夾硬買左條頸繩,鎖匙包,同一頂cap帽,呀....仲有3條under,阿囡囡就掃左一堆bra同d濕碎野,(個個女人去泰國都一定掃bra)
o係bangkok其中一個商場既地下層有個都幾大既水族館,丫....又幾好睇喎,雖然入場費都唔平,但唔覺唔覺咁又hair左個幾兩個鐘,攪到連街都行唔到,好快咁食個飯又要走啦,
last日去左間o係7十幾樓既餐廳食lunch,竟然比我撞到兩個公司既同事,雖然之前已經知道佢地都係呢段時間去泰國,不過冇諗過真係會撞到喎,哈.....既然他鄉遇故知咁有緣份,梗係要影番張相留念下啦,食完餐lunch,跟住就出機場lu
wow...........就係咁就過左5 day假期,真係話都冇咁快,雖然有少少插曲,但係都總算攪得掂(至於係咩插曲??夠薑既就自己問我啦)但係其實可以再好玩d既...

我番黎啦.................

好倦呀.............................
簡直係行程緊密,每日7點就起身,夜晚3,4點先訓,D行程密到氣透唔到呀,仲忙過o係香港呀.......
第一日搭朝早8點機,去到bangkok就即刻剷左去dream world,呢個主題公園都有好多年歷史囉,我好多年前去過,今之去番差唔多係一模一樣,只係多左一樣新野玩,但係都係冇乜野玩,捱左2個幾鐘就入巴提雅,嘩....巴提雅間酒店真係bad,又殘,又舊,又暗,成間馬檻咁,真係一分錢一分貨,仲要o係度住3日tim,好彩每日都係得幾粒鐘o係酒店姐
朝早7點morning call,食完就出發去珊瑚島,本來都知道冇乜野玩,因為已經玩過晒啦,但係我想晒,所以都好開心,阿囡囡亦都玩左佢既降落傘處女第一擊,後尾再玩埋香蕉船後諗住去游水啦,點知真係shit.....竟然落雨,諗住係林過雲啦,點知就愈落愈大,原先諗住可以晒得一身古銅色既肌膚,唉~~~~~~~咁都未夠呀,到我地回程o個陣,一落船就停雨,你話係咪玩野先?????係咪shit先??????
不過今次好彩有d好鐘意食野既團友,所以晚晚都有出去食宵夜,第一晚冇食,因為好倦,同埋同d團友未熟,第2晚就去左度好似d漁人碼頭咁既地方食,個feel幾好,but d野食就麻麻啦,又較為貴,不過冇所謂啦,叫做試過,
哈......第3晚就正啦,去左一間叫人人飯店既地方食野,嘩~~~~~好食到丫,你地都知我做邊行架啦,但係成餐宵夜,係完全搵唔到一樣野比我彈既,不論海鮮,陰公湯,連d炒粉麵都好食過人架,仲要平喎,飽到嘔呀,都係為番港幣幾十蚊,你話有冇攪錯,
食完呢餐我再去買一個傳說中既芒果糯米飯,因為個個團友都話好好食,今晚又係最後一晚o係pataya,所以就幾飽都去買,唔食由自可,一食就賴野啦,點解呀???因為真係食唔番呀,真係好好好好好好好食呀,你唔食個芒果,剩食d飯都夠死呀,都好食到暈呀,食埋個超甜芒果就死多幾次tim,我不知幾後悔前兩晚冇去食呀,又要shit啦,唉~~~~~~
好今集講住咁多先,因為聽日要返工啦,唉~~~~~~~又要捱啦,再shit多次先.........下集再見.......

倒數......仲有兩日

又係好忙既一日,今日落場首先去是頭婆度,再走去先施買喼,跟住攞個喼返屋企,返到屋企個忽都未坐暖,又要出門口返工啦,完全冇得停呀,原來3個鐘頭係過得咁快架............
話說買左個喼,買o個陣覺得唔會有好多野裝,所以就買個手提size,點知頭先執野o個陣就發覺high野啦,執下執下好似唔係好夠tim,不過唔洗驚,我深信用下腦就應該會攪得掂架啦,好.......講住咁多先,繼續執啦要......
仲有,阿katie姐,你剩係話要手信,要咩先得ja?????拿...唔講我就揸主意架啦,到時唔好話我(((嘩.....咁行貨架你......)))另外阿june姐拍拖我地一早就知啦,neway o個件嗎,不過唔知散左未,因為最近發覺佢有條新仔,係公司既,但係就唔sure,因為好耐冇見過佢啦,你知佢啦,有異性就冇.........

分秒必爭..

好忙呀,今日雖然放假,但係仲忙過返工,我破天方10點就起身啦,跟住落街食野,晒相,再出旅行社,然後行街諗住買野,再接囡囡放工,跟住食飯,再行街,wa......完全冇停過,一站接一站,但係最後我竟然買唔到野,反而係阿囡囡買到,唉,又係咁,通常想買o個個都係買唔到既,不過有一樣野係一定要買既,就係((喼))啦,你話冇喼點去呢??又想買個斜咩袋,又心大心細,睇中左件風褸,但係又貴,所以都係乜都買唔成,都係番d錢去玩o個陣用穩陣,
聽日到禮拜日都要返工,所以冇乜時間用啦,真係要諗清楚仲有咩要買啦,,盡量唔好有d咩漏啦,好趕呀,好趕呀.........

問心無愧

問..心..無..愧:好深奧既4個字,要做到呢4個字,可以話難又得,話易又得,愧唔愧在乎你o係邊一個角度去睇,人總唔會得到全世界既認同,因為唔係每個人都懂得站o係你既角度去諗,同樣地,自己亦會時刻提醒自己有冇站o係別人既角度去睇呢??如果嘗試站o係多方面看,你就會發覺其實每件事既對與錯都係好模糊既,因為人人都會有自己一套既立場,
當你好比心機去做一d野,去作出種種既改變,向世俗作出妥協,只係想得出一個正面既結果,o係途中當然唔希望受到畜意既破壞,呢個係人之常情,如果你起緊層樓,起到一半,都唔會希望有架飛機撞埋黎啦...
但係人點都需要搵方法去發洩情緒既,

confirm.......

攪掂......雖然之前想去個團成唔到團,不過而家轉左個差唔多既,confirm左,雖然少左d野玩,不過總算叫去到丫,叫了左件心事,鬆番d先,因為呢排公司好似癲左咁,日,夜都旺到爆炸,每日都做到個人完全散晒,仲要攪埋旅行d野,真係身心疲累,呢個旅行去得好呀,我真係需要好好咁休息下,過去呢一年我真係做到個人好倦,好殘,有時放假真係想訓足24小時,死啦,仲有幾廿年要做,有排捱呀,岩岩同阿囡囡傾完電話,佢同d fd去唱k,有個fd條仔突然o係咁多人面前同佢個fd求婚,真係((娘))爆,不過女人又真係受呢d野架喎,但係我記得佢地好似拍左拖around半年ja喎,咁快就求婚??我以為而家d年青人癲姐,原本大人仲癲..
wa,唔得,真係好倦,講住咁多先,請呀............

燥呀.....................

放完日假,今日一返工又做到仆街,由朝炒到晚,連阿豪叫我打波我都費事啋佢,因為實在係<<倦>>呀,阿波霸今日last,跟住就去廣州啦,唉~~~又少個人,BAD..........
阿囡囡同我講話佢阿e介紹男仔比佢識,話識多個朋友唔緊要,但係又叫佢唔好話比人聽有男朋友喎,shit.......真係火都黎埋....心照啦,下話??識多個朋友.......連佢阿媽都大大力咁潑,仲shit.........阿伯有,話晒都相識一場丫,你地而家咁,即係完全當我死既姐???我好似冇做過d咩得罪你地呀,我係窮姐....但都叫對你個女好丫,起碼會同你個女去旅行先丫,你地以前認為係好野o個條粉腸公職人員有冇做過丫????o下?????唔該你地問下你個女我對佢好唔好先啦,仲有呀.......唔該你地用個腦諗下啦,如果真係咁筍呀,大把人搶住中個頭埋去啦,洗你介紹,洗幾廿歲人都冇著落,豬黎既..........
喂...仲有呀,好就話姐,如果到時真係嫁左佢又唔好的話,有咩冬瓜豆腐??你內疚一世呀,阿咩e.............用下腦啦,唔該...........

報名既時候到啦..

嘩..................禮拜四放完假,五,六,日,呢3日做到din晒咁濟,lunch同dinner都爆到7彩,仲要不停返枱,做返晒之前農曆年o個 d,所以呢2日真係倦到暈,成個人散晒............
聽日就去報名去泰國啦,我都有2年冇去過旅行啦,今次仲係同阿penny第一次去旅行,希望可以開開心心咁玩番次啦,(只要佢唔好亂咁發脾四,應該就冇問題既),不過其實最緊要都係我地想報o個個團可以報到囉,你知啦,旅行社d古惑野,話就話有十幾款團,真係有得出既就得o個幾個,希望順順利利啦,因為我簡o個個團都幾好玩架,同埋我都成十年冇去泰國lu,都好想再去下,good luck~~