上海婚照

上海婚照之旅已經順利完成啦...

雖然當時既氣溫凍到仆街(平均10度以下),但係好好彩,拍攝當日,天朗氣清

整個拍攝過程十分流暢,只係點對點既路程遠左d,每轉一個地點都要個幾鐘頭車

同埋好早天黑,所以硬係覺得日間拍攝時間好似少左d...

好啦,唔講咁多,睇相啦,第一個點...朱家角

o係我整完呢個造型既時候,我wa..左一聲,問阿化妝姐姐...

乜個look咁柒既???阿姐姐話,呢個係民初look個髮型係會懷舊d,佢仲話,唔通吹個""超級剎亞人""頭咩???
................咁又係喎.............

o係擺post既時候,忍笑真係忍得好辛苦...

next........森林公園

我覺得呢度d景係最靚既,可惜黎到既時候已經開始收晒太陽,效果比預期差左d

如果有陽光,後面d樹木會好靚架...

呢張我覺得影得是頭婆最靚呢~~~

好...天黑啦,出番去外灘,完成埋最痛苦既一個景點...

wa...呢個位真係大風到冇朋友...

氣溫得o個6,7度,d風仲要發左癲咁兜口兜面煎埋黎...

是頭婆仲要著到咁鬼樣,真係聞者傷心,見者流淚...

我同佢影合照既時候,佢個身係不停咁震緊架...

所以我都不禁挨o係度唏噓一下........"為咩呢~~~~"

上海前夕

各位...

現在係香港時間2010年11月26日零晨2點15分

o係3個鐘之後,我就要同阿是頭婆飛去上海影婚紗相啦...

多數既情侶,都會無所不用其極咁將自己變到去最佳狀態影呢d野

可惜我地就較為另類,特別係我...

以前既我...鋼條型,完全唔需要keep,本應係冇乜影響既

but.....話說我自從脫離左o個間令我好很唔開心既公司之後

o係短短半年間,暴肥左30磅...冇錯......係30磅...

家陣我擁有一個孕婦般既肚腩,十分難睇,但係唔緊要

我同自己講,呢d福氣黎既,幾廿年黎都唔識肥,冇理由一識得肥就去減架~~

就咁...我就說服左自己啦...

但係........個天竟然唔滿意,o係前幾日,令我患上感冒.....

oh~~~~~~~咁妏水先黎病,邊回得切呀???但係冇辦法,都要醫架...

o係肥左再加上食埋藥既情況之下,d五觀腫晒,攪到個樣真係...

衰處未算衰...

但係可幸既係,經過左我連射兩日波,再過埋一d廢人式既休養生活,總叫好番d...

不過...諗諗下自己個朵之後,咩都算啦,我咩都唔介意,個樣幾衰都唔緊要...

我o係呢一刻最想既係..................................................

當日天公造美呀..............

人肉渦輪增壓

今日同左是頭婆去book期影婚紗相,地點係上海

先o個排去婚紗展實在花多眼亂,都唔知邊間得,邊間唔得

所以最終都係去左cammy影過o個間

o係搭lift上去途中,岩岩對住塊鏡,望下望下,越望就越覺得有d野唔對路

睇真d.......wa...乜前面條友仔咁生面口呀???

塊面脹卜卜既???

shit.........原來我已經o係呢幾個月裡面,由骨面人變成圓面人

邊有可能o係咁短時間肥左咁多架???開turbo咩???

我開頭以為剩係個肚腩發左育je,原來面都開始黎料

若然情繼續惡化,我實在唔敢想像自己有朝一日會變成一個豬頭

o係我年青既時候,我曾經以為自己係一個老童(點食都唔肥既)

但係而家已經將我呢個想法完全推翻...

睇黎我要開始諗諗呢個問題啦.......

係時候啦...

又成個月冇出post啦...

真係越黎越懶,同埋又真係冇乜特別寫,每日都係返工放工

有時又食下飯,影下相,游下水咁je,平淡到不得了...

不過人老左就係咁架,唔適合太過多姿多彩既生活,會好倦架...

.........................................................................................................

唔覺唔覺,我同幫主已經一齊左兩年啦

大家相處得尚算良好,而我亦由以前一日玩到黑既"大唔透"

而家變成一個循規蹈矩既"麻甩佬"

話時話,小弟既年齡同幫主既心智都已經一把年紀啦...

又適逢今個月係我地既兩週年

所以我o係一個迅雷不及掩耳既情況之下,快刀斬亂麻咁將幫主成功弄到手..

咁即係話.................................

我地結婚啦........................

不平凡的人生

我真係覺得我既生命絕不平凡,點解呢??

話說我家下學緊車,先唔好講個進度

教我個師傅就已經係一絕,一見到面劈頭第一句就同我講

""你乜都唔好講,乜都唔好問,剩係聽我講,我叫你做乜就做乜"" (若然你叫我吔紙...)

ok,冇問題,你係阿sir,我乜都唔識,我順從你....

當我唔知個"極lic子"同brake要用幾多力踩落去既時候,我問...""師傅,個"極..."

師傅...""嗌...都叫你唔好問囉,我叫你做呀(((((((""

於是我冇再問,跟住幾次都停得唔好,佢就大叫""乜你咁架...教極都唔識架(((((""

我唔明,又唔比問,咪唔識囉...

老細....三句唔埋兩句就講你架車有幾新,有幾靚,個軚盤有幾貴(得啦,駕勢啦..)

再唔係就...你同d考牌官有幾熟,教過幾多唔同行業既人(得啦,知你識得人多啦)

甚至乎...話自己用幾多錢去投車牌,老闆有幾咁睇佢,有幾咁唔憂做...

夠啦,X你老X...開得車未呀??? (當然...呢句係心講既)

口水多過茶,講多過做,仲要係講埋d唔撚關我事既,比我練多幾轉得唔得呀???

又一味話我蠢,教極都唔識,,,,,,,師傅...你講埋d咁既野,點識呀???

仲有呀.....第一堂ja...我就係唔識先要你教je,識既搵你托咩,你究竟知唔知我為咩要學車架???

咪就係唔識囉....碌能....

大拿拿個半鐘就係兜得o個5,6轉,一轉都係3,4分鐘,咁其餘時間做過d咩呀??

咪就係停埋架車o係一邊鳩up

but..我全程只有默默咁忍受

咁都未算................................................

咁岩世界杯,咁呢d盛事,梗要支持啦,明知自己會睇波,咁唯暫停左學車

費事唔夠瞓,撞死人啦,係咪???

到世界杯完左啦,我就再搵番佢book時間啦

殊不知,佢話而家教緊人,話轉頭覆我......

呢句說話就成為左佢既絕響啦....

跟住落黎既幾日,我打佢電話佢都冇聽,又唔覆我,從此人間蒸發.........

所以我話佢唔憂做囉,家陣有客都唔接,好...有性格...........

本人衷心希望,佢既性格鑑生將佢餓死....

""今時今日,咁既服務態度唔X得架""

只係想考個車牌je,咁既絕世教車師傅都比我遇到,你地話我既一生仲點會平凡呢???

 

新工與學車...

不經不覺新工作已經返左就黎兩個月啦

頭一個月真係好唔習慣,乜都唔識,又記唔切,一頭霧水...

而家叫做好左d啦,d野都跟得到下,但就梗係要繼續努力啦,實在太多野要記啦...

but好唔好彩,整親腰痛舊患,成個人硬晒,差d郁唔到咁濟...

射左兩日波抖下,好彩又連住端午節,真係可以好好咁休息下...

因為"腰"呢家野真係唔講得笑,唔能夠比佢惡化既呢~~~

****************************************************

今個星期終於開始學車啦,一向對車完全冇興趣既我,第一堂既時候簡直好似低能咁

手腳完全唔協調,腦內一片混亂,到左第二堂先叫好d,開到車,停到車,都行到幾轉

but...我都係覺得好難,剩係個"極lick子"都已經玩死我

就算好彩比我考到,我打死都唔會揸棍波,實在太...煩啦

希望上多幾堂我能夠領悟多d啦

肥左要再考,再考要錢架...^^

收拾心情

唉~~~墾丁之旅爛左尾tim,差一日未出,不過放心,有拖冇欠,一定出既...^^

休息左個幾月,下個禮拜一要返工啦,要調教番d時間同心態啦...

新人,新工,新行業(對我黎講),應該係要有d緊張先係架

點解我冇既????????????????????????????????

其實o係我呢個年紀黎轉行都真係幾惡攪,不過其實都唔諗得咁多架啦

抱住一個宗旨,吸到幾多得幾多,做到幾多得幾多

做唔做得黎,阿差知咩...做左咪知囉...

好....向新生命出發..............................................

*特別鳴謝""大ling姐""

墾丁之旅(day 4)

第4日啦,呢日一起身,唉~~~~

個天又灰灰暗暗...

冇所謂啦,因為都交房囉,我地呢日將會離開墾丁,去返高雄

o係出高雄之前,我地一定要經過恆春,是頭婆話點都要試下,,,

呢間飽店係張敏大力推介既...

至於好唔好食呢???自己睇啦...

食飽飽,就要坐幾粒鐘車出高雄啦...

咁要坐咁耐,就梗係會洽一洽,養一養神啦,而我亦將某部份人既養神狀況拍左落黎...

請將音量調高...

是頭婆都唔執輸,包到自己成個外星人咁...

拿...到啦,到啦,我地就係去呢度啦...

全高雄最高既建築物,""85大樓""

原來裡面係空心架...

攞左房,掉低晒d行李之後就即刻飛出去搵野食,因為大家坐左幾粒鐘車,都好Q肚餓啦

我地去到一間好大既購物中心,叫""大遠百貨"",裡面既food court

都幾大架...

裡面仲有好多獨立既餐廳

最地黎左呢間

因為我硬係認為,o係台灣牛肉麵係最好食,最穩陣既,事實亦都證明我係冇錯既...

食完呢餐,我地就暢遊下呢間好大既百貨公司...

遊到6點幾,就向住好出名既""六合夜市""進發...

某人扮勁話熟路帶我地去,話好近既姐,行一陣就到架啦...

殊不知...............呢一陣足足行左..............................................................

個幾鐘,係個幾鐘呀,吼(((((((

行粒幾鐘,不如搭捷運好過啦,你老味.........

不過o係呢""他媽的""個幾鐘裡面,我地都有感受下當地既風土人情,例如...

有彩票賣...

就買番張,當買六合彩啦....

是頭婆o係香港好鐘意幫襯既""貢茶"",高雄係佢既發源地,一場黎到梗要試下有咩分別啦....

答案係.............一撚模一樣

最大既發現就係倒垃圾啦,,高雄係冇人會上門倒垃圾既,所以呢...

架垃圾車就會好似雪糕車咁,響晒音樂,鬼殺咁嘈o係條街度行,一到左某d指定既停車點,就會有一大班人攞住一袋二袋大小垃圾排住隊等掉,真係何其壯觀...

好...到左六合夜市啦...冇特別,只係一條好短既街,賣野食居多,成條""老廟""咁,好老實講,受到""比人昆左行左個幾鐘事件""既影響,我對呢度十分唔喜歡

成條街最有印象就係...有老年咁大條既魷魚鬚

老年咁大隻既姑(成隻松茸咁)

都幾好食架...

冇乜野睇,即刻轉場...

呢個係酒店個staff介紹既,得好多...地方大,又旺場,野食多好多

呢d先係夜市黎家嗎.....

行緊呢個夜市既途中,我地既團友""崔氏夫婦""因敵不過疲勞既侵襲而先行回程,因而錯過左下一個景點...

o係瑞豐夜市身行到10點幾,我地就去高雄既夜間名旅遊點....

""愛河""啦...........其實有d似城門河,不過始終都叫做用心粉飾過...效果都幾好既...

仲可以坐下呢隻船兜個圈,我地身為一個稱職既遊客,就梗要幫人地促進下旅遊業啦

坐完船仔,再o係河邊飲下咖啡,吹下風

就完結左o係台灣既最後一晚啦... (此乃由酒店房間向外拍攝)