Sun

Sun…一個來自台灣既blog友

一個只認識了短短7個月的台灣人

但當中的相聚…共處…,喜..怒..哀..樂..彷彿已是很久…

他有半咸不淡的廣東話

他有可愛純真的笑容

他有真摰,善良,無邪的心

他的特點,成為我們中的一個另類,深深打動著我們

如鴨仔所言…”這世上,原來還有好人”

明天…你就要暫別我們,回到老家,闖一番天下

千般,萬般的捨不得,…

以後再不能隨便一個電話,便可以吃飯,飲酒,唱K,行街,BBQ

現實總要面對,y-blog將我們拉在一起,亦能夠將台灣與香港兩地把我們繼續連繫

sun…盡情地去幹吧,我們總有碰頭天…..

就讓這一晚盡情地玩,讓我們數十人為你在香港留下一個美好的回憶吧…

呢件T-shirt有晒我地咁多人既簽名,你要續個搵留我地出黎架...

龍女製作左一本好精美既相薄,裡面全部係"sun與我們的合照",我睇到都不禁脫聲叫好...,呢本心機之作,有誰不能動容呢....

Carol呢本亦係一本心意既結晶(大肚婆對眼都紅晒啦)

Suki就送左個背囊,佢話要阿sun下次番黎香港要將佢裝滿晒手信喎...

sun多謝飛龍將佢帶入呢個大家庭...

仲有Jacky令佢o係唔知咩係波衫既情況之下買左件德國隊球衣...

保重…我們的陽光大男孩”Sun”

有緣相聚

一個機緣巧合,本應尋日要返工既我,意外地得到半日既假期

就係咁,特發地參予左一個聚會...

沒有很豐富的食物,沒有很爆炸性的遊戲

但深深感受到擁有一個屬於自己的家的幸福...

呢一餐,感覺十分溫暖

還有即將離別的好朋友

酒量深藏不露的攝影師

近排心事重重的my dear

一個待產但型爆既大肚婆

一個加加大碼既...benjamin

正在急速作出轉變,不再跳皮貪玩的老鼠仔

地球...真的每日都在運行......

社工殞落

唔好意思,我已經打消左上一篇網誌再寫落去既念頭,心水清既朋友應該知道發生咩事

哀莫大於心死

歷時數載既拯救行動,正式宣佈結束.....

..................................................................

..................................................................

..................................................................

妳的一時之快,卻傷害了眾人的心...

路...始終都係由自己選擇,怨不得人...

********************************

鴨...唔好意思...

巨星現...

o係6月21日既晚上

o係街突然行行下,心血來潮,神不守舍

o係神推鬼(?)之下走左入尖咀某夜場

竟然比我遇到兩個巨星o係度開緊生日派對

呢兩個star就係....

人見人愛既...y-blog朱咪咪

激情感性既...大熱鴨哥哥

想一睹佢地既風采,請留意本網誌既更新........

********************

實至名歸

話說今日瞓到11點幾,醒左望一望出街

wa...............好曬呀.....................

即刻仆起身,執野,走左去九龍仔公園

曬他媽的一個夠...

一去到,水都唔落就攤o係張椅度曬

曬左唔夠10分鐘.......

E~~~~個太陽呢???

我環顧方圓數十里(o個度附近係冇大廈遮住既)

四面都非常陽光普照既,但係.....

點解我頭頂會有一大舊雲既???

心諗...唔緊要,舊雲會吹走家嗎...

於是就繼續攤o係度瞓啦

瞓瞓下,做乜覺得凍既???

原來頭先舊雲吹走左~~~~~~

但係換黎既係...............................一大舊黑雲

""阿雲,你o係度做咩呀?阿雲,你走開啦,阿雲...唔好阻住阿太陽哥先得架...""

頂....真係蕭都比佢吹攣.....

再望下遠處,喂...人地o個便真係出緊太陽架喎

做乜會咁架???比條生路黎行下得唔得???

我只係想曬太陽je...

我自問冇做過d咩打家劫舍,殺人放火,走私販毒,傷天害理既事丫...

唔洗趕到咁絕呀???

o係o個一刻真係灰到爆,不過...心態不死既我,立即將自己調節到成為一個好唔夠瞓既露宿者,天為被,地為蓆,咁咪當比19蚊入去瞓覺囉...

好彩...到4點鐘,終於都出太陽啦,仲要係幾猛o個隻

算你啦,都仲有d良心,雖然個場5點鐘就close,曬得一陣,不過總好過冇丫...

當我正慶幸緊之際,突然傳黎一段廣播...

""因為突發性渠務工程關係,所有更衣室將停止淡水供應,不便之處,敬請原諒""

原諒???試諗下游完水成身"痴立立"又冇涼沖o個種感覺係幾咁.........fresh...呀唔係....係幾咁fuck..........

好彩我住得近ja,好快就返到屋企,唔係真係向天狂吊都似

我咁大個人都未試過游完水冇涼沖架,陰公...

游水曬太陽呢樣只係好普通既野黎je,又遇黑雲,又爆水管,唉~~~~

***我發覺個天真係幾唔like我...

我要陽光

繼游船河呢個奇蹟之後

幫主尋日又一次成功咁曬到太陽

仲要send個短訊黎吋我,仲要恥笑我

仲要話就黎有我咁陽光氣息(即係黑...)

實在係太......妒忌啦...

不過算,你生日,你威...

你睇住黎,我有名你叫架啦

只要我係咁椅曬兩野

就成粒""芝古力""咁架啦

阿太陽哥,麻煩你出一出黎,見一見我,好冇???拜托晒...

馬拉松

死啦,死啦…冇update幾日又比人投訴啦….

冇辦法啦,出左幾日街,又比呢個父親節既折磨,冇時間呀……

好啦,….回憶下上個禮五先….

忘想可以遊到水,忘想可以曬到太陽,點知都係落雨,…算…好明顯係連個天都唔鐘意我

好彩又撞到阿幫主休息,所以就拘捕左佢陪我睇戲啦

睇左那套…””新變形俠衣””

都算ok架,d特技都好架,但係個結尾打大佬o個陣就好似有d麻麻地咁囉…

*******************************

睇完戲,行左一陣,就約左一班人去BBQ,開頭諗住得10個8個,終於又整左十幾人出黎,好可惜佐豪要返工,如果唔係加埋大肚婆同佢,再加埋其餘兩粒串燒,仲有阿燒兩公婆,咁就真係冇得頂啦...

but…..個天都仲係要落雨,燒燒下仲要紅雨tim...

洗唔洗咁寸呀???

但係….都不減我地既熱情,今次仲搵多左個新成員tim,佢就係”詩嵐”啦…(o個晚實在太多人啦,實在兼顧唔到咁多,如果悶親你,千祁唔好見怪…)

詩嵐當日仲見證到我地””離愁別緒””既一幕…

就係我地既””陽光大男孩””阿sun,同我地宣佈佢要回歸家鄉””台灣””,正式接手屋企既生意,終止o係香港既發展…

o係o個一刻,大家都難禁不捨既心情,但眾人都明白到事業對一男人既重要性,縱然萬般不捨,我們亦都要開懷面對

SUN…你永遠都係我地青山院友既成員,我地既

好朋友…

阿鐘少好明顯係挑戰緊人類既極限忍耐力,呢一連串既post,足以令佢比人爆7,7,49個樽,仲要係膠樽...

呢幾幅相,睇黎都值一佰幾廿萬呀,哈~~~~~~~~~

呢張相係當事人四出查探下落既一張相,拿...自己攪掂啦.....


大家一直歡樂到燒烤場關門,無奈地要離開了…

但有數名精神嚴重病患者,竟再到我地既鐵竇””旺中Neway””繼續瘋狂…延續我地既不死傳奇

在一片狂叫,狂笑聲下,又去到打烊既時間…當時係05: 45a m

諗住走啦掛….殊不知再去”銀龍”食早餐…shit………………

當日我上床安寢既時間係……07: 45a m

而當日我起身返工既時間係…09: 30a m,帶著一身酒氣返工,

當日下午….黑仔王宣告變成一頭””活死人””



ps***呢排真係完全冇乜時間去探大家,敬請原諒....