盤龍~~~夜星

今晚去左是頭婆屋企食飯,由佢阿爹操刀

3個人,一煲湯,4碟餸,仲要碟碟老年咁大碟,真係豐富到暈

最勁就係有一味傳說中既""盤龍鱔""

可能我大鄉里,我咁大個仔真係未食過盤龍鱔,今次係第一次(o係美女廚房就見過蘇玉華整)

所以我一見到碟野,都不期然"嘩"左一聲

而今餐亦都飽到嘔咁濟...

因為除左食,今晚仲飲左好多野,兩大碗湯,一罐可樂,兩杯唔知咩茶....

真係多謝晒阿世伯呢餐成功咁將我個肚腩擴張左兩吋....

*****************************************************************

食完飯坐左一陣,就join左阿崔老闆去西貢影星

wa....咁大個人又係第一次影星,開頭傻下傻下乜都影唔到

後尾摸下摸下,先叫做影到下,但係並唔係咁得,所以唔擺上黎啦

但係亦因為咁,令我更想o係月尾個trip黎個""夜闖盤龍峽"",希望到時天氣ok,可以影到幅滿天星啦...

柳暗花明又一村

話說本人係以運氣不佳,命途坎坷(俗稱黑仔)見稱

咸豐年前既野唔講啦.就講先o個排報左個canon攝影course

最期待外影o個堂就撞正打風吹消左...改左o係第2個星期日

識我既人都知架啦,我份工唔係話放就放家嗎

為番起兩舊幾水一堂既堂冇左都唔係最可惜,最大打擊就係o個堂會有個o靚模比我地任影o個下想死丫嗎...

呢d咁千載難逢既機會竟然miss左,你話幾咁fuck丫...

於是我近日同公司幾經周旋,終於都比我爭取到呢日假返黎啦

呵~~~唔洗蝕,正....

********************************************************************

又話說我先o個排想去盤龍峽,報晒團,滿心歡喜,未出發先興奮之際.....

成唔到團喎.....頂.................係咪玩呀,家陣............................

最後就轉左去東部華僑城,雖然呢度都真係唔錯,但係就總有d心深不忿

咁岩呢排公司又""瘋狂大清假"",所以就再去報多次盤龍峽

雷聲大,雨點少既阿傻一聽到就興奮莫名,high到扯晒旗咁話拖馬一齊去玩...

到最後當然就係得番我同是頭婆啦....

咁是頭婆就提議,不如同佢爹娘去,丫....又好喎,返大陸,岩晒老人家啦...

點不知,過左兩日又話唔去...

噢~~~~~直頭好似股市咁,又升又趺,變化萬千...真係key 魔芝...

ok...冇問題,原先都係諗住兩個人去架啦,完全冇阻我既熱情,立即去""銀中""做野

又咁好比我搵到個全港獨有

""三日兩夜唔洗轉酒店全盤龍峽團""

yeah............我跟團最憎就係成日都要轉酒店,連去三日咁短時間都要轉就真係討厭到不得了,同埋聽過d去過既人講,o個度一日係影唔晒既,哈~~~呢次真係fit晒....

懷住左呢個咁興奮既心情,就梗係要同d朋友吹下架啦,於是就o係 FB係咁e寫左幾隻字

哈~~~又估佢唔到,竟然惹黎崔老闆同豐哥既垂涎喎...

一經聯絡,佢地就已經火速拍板呢個旅程,就係咁呢個盤龍峽之旅,就多左下面呢四條茂利啦...

一睇d相,就知係行山之友啦,,而崖老闆亦都係經我一手荼毒既一位攝影之友tim...(呢個團,有腳影相啦)

不過.....一日未出發,都唔知去唔去得成....

o係我報名o個日,個staff就話爭6個,而家多左佢4個,即係爭兩個je,仲有成個月時間,應該唔難掛....

希望今次真係去得到同天公要造美啦....

尖東鹹蛋黃

話說o個日o係白泥睇唔到日落

皆因胡總理要接女友收工

所以我地就退而求其次,o係海港城影日落啦

呢隻船真係成日都見到佢架喎...咁得閒既....

o個度都好多人影日落架...

<<日落與煙民>>

<<煙民與日落>>

剪頭髮啦,細佬,就黎開學啦...

呢張後面個景好似假咁呀...

其實你地真係一d都唔似樣架喎...

影完一輪,落左去食""板長""

唔覺得特別好食,成日聽人講,""板長""既用料係比""板前""靚d,但經過我既專業分析,根本就冇分別,但係明顯比""板前""貴d,所以下次都係去番""板前""

元朗遊...

7月21日星期二,係我5日假期既最後一日

呢日我同埋老jac去左一個好遠既地方

約左一個從未見過既人飲茶

呢個並唔係新識既blog友,亦唔係新溝既女

呢個人好利害,點利害法???

佢利害在於竟然生左一個人間極品出黎,呢件極品就係""傻婆""

有見及此,我暫稱呼佢為...傻媽

除左傻媽,仲有傻姨,傻細佬,同兩個傻小朋友

輕輕鬆鬆短聚左個幾鐘,總算叫認識左

因為我大阿傻好多既關係,所以其實傻媽並唔係大我好多既je,溝通到既,溝通到既...

nice to meet you呀,靚女...

飲完茶,因為老jac有揸車既關係,我地就諗住去""濕滯公園""影相...

當去到門口既時候,見到有個牌寫住..... ""本公園逢星期二休息""

shit~~~~~~~~~~~~~~~~~~~~~~~~~~~~~~~~~~~~~~~~~

又終極黑仔王啦,頂...................................

好...好巴閉咩,轉地方囉....咩je,家陣.....

去白泥......

呢度絕對係影相既好地方,日落一定會更靚,可惜時間有限,唯有下次啦

見仲有時間,再去呢度睇下先...

影左一陣,發生左一件慘絕人寰既事o係本人身上

跟住將本人既雅興完全摧毀,本人唯有拖住長長既悽厲慘叫離開...

寫到呢度,亦勾起番我當日既慘痛回憶,情緒不禁迅即低落

所以唯有在此擱筆....

求其寫下...

唉~~~話咁快就放左幾日假,都唔知做過d乜???

一日水都冇游過,又冇乜點去過郊遊

係有一日同是頭婆,崔老闆去左大清影左一陣相

canon外影o個堂因為打風取消左,灰晒...

尋日老豆病左,成日o係屋企睇住佢,到夜晚d家姐黎接班先出左食個飯

食完飯專登去左""糖百傅""間新店食棉花冰

非常好喎,食左幾款都唔錯,我o個個石榴味係最正既...

連肥jac都食到鬼殺咁嘈話好食

今日就充實d,去左剪頭髮,跟住去旅行社攞行程表

再上埋canon第3堂,今堂係講個software既,仲有得免費print A4 size既相,正...

點知夜晚收到是頭婆既sms,oh~~~連佢都病埋....

二話不說就衝左入沙田捉佢去睇大夫,好彩佢都冇作出反抗,乖乖就範...

跟住同埋肥佬,一齊去飲左個夜茶就返歸啦...

可憐的我

早排o係 canon報左個course

星期五上第一堂,一如所料,非常基礎

不過冇所謂啦,都有d係有用既,當再打厚d個底囉...

反而好期待有一堂係外影既...

點不知,外影o個堂係.......聽日....

8號風球呀,你老味....仲外咩影呀.............

係咪真係咁終極黑仔呀,頂......................

雖然會後補番,但係我邊有假呀......

灰爆.....簡直係生無可戀呀....

哈你個波凸

今晚收左工同是頭婆去左睇午夜場

睇呢個""哈利波凸""

除左對上一集我冇睇之外,其餘集集我都睇晒

所以我一向對呢個系列都唔會抱太大既期望

今次睇完呢兩個半鐘之後,我既評語就係..

失望...失望...失望...

悶足兩個鐘呀,陰公.....

拿..一路以黎,我都覺得睇""哈利波凸""係睇咩呢???

係睇特技啦,睇d得意,過癮既魔法啦,睇d古怪既生物啦...etc

今集唔係冇............,係好.............................很少囉

少到我而家都已經唔記得左lu...

又冇d激烈既魔法大比拚,視覺效果極之疲弱....

點攪呀??????????????????????????????

未睇既朋友,可以慳番啦,呢幾兜野留番食好過啦.....

週末的seafood

7月11日,星期六...

本人因先o個排見到黃生的一個海鮮餐post,而導致出現口水長流既跡象

有鑑於此,就o係呢日相約黃氏伉儷執多劑啦...

其實今次食既野同上一次大致上一樣,分別有...

1.清蒸大聖子,2.鼓汁蒸帶子,3.蒜茸蒸扇貝,海蝦兩食(4.鼓油皇炒同5.蒜茸開邊蒸),6.薑蔥炒蟹,7.鼓椒炒蜆,同埋必有既8.丫lee 撚手椒鹽雞翼

今次我都有份整兩樣,你地估下係邊兩樣???

但成餐飯主要都係由suki主理既...

經過我地一輪毀滅式既大戰

真係辛苦晒你啦,丫lee...(其實最恐怖係個廚房...)

今次呢餐飯真係10個""得""呀,個個都食到津津有味,同埋買咁多野(連野飲),都只係每人$80,真係抵食到喊....

講完餐飯,又到左芷晴寫真既時間啦...

冇見咁耐,大個左之餘,仲多左少少頭髮

但係個髮型就好似騎呢左d,我硬係覺得好似d清朝人咁既...

係咪有d似柴九哥呀???

佢既髮型雖然似清代人,但係佢既性格原來好西化架喎...

好似佢最近學識左""鍚鍚""

但係佢既""錫錫""有d唔同,點唔同???就係............

係......法式錫錫呀....係濕架.....係伸脷架.....

係車輪黎架........

woo~~~~~真係後生可畏....

你自己都笑呢~~~~


而佢最近唔知係咪o係電視睇得人""遊行""呀,""請願""呀睇得多

亦開始識得為左爭取自己既利益而表達佢既訴求...

好似佢為左表示我地今日咁Q多野食,而冇佢份,佢就作出左以下既行動...

食手...

食棉被.....

仲食埋佢阿媽最愛既hello kitty....

咁都未算.......

佢最後仲瀨左屎o係佢老豆隻手上,wa...真係恐怖到呢....... (因為情況實在太過嘔心,所以相片不便公開)

阿囡....既然你咁激進,我地唯有屈服啦

最後由丫lee請佢食左隻蕉而將事件平息...

而家d細路真係""並唔係省油的燈"",著著精彩,著著致命...

唉~~~~你老豆都比你玩到謝晒囉...

拿....阿囡,有尿道呀你....契爺等緊你大個帶你出去劈酒架....