懶人網誌縮寫

懶人終於都UPDATE啦

8月26日

嚴可欣人生中正式踏進校園生活,有好多家長都會擔心一個問題,就係                        
    <喊>

好老實,以佢平時既表現,我完全唔擔心呢個問題,,結果佢亦都不負我所望^^

但頭幾日就有D不受控制既情況,呢個情況都屬正常,過左大概一個禮拜就有所改進啦

成班小朋友排好晒做早操既時候,佢係都要企喺老師隔離

食茶點就當然最開心啦

希望你可以好好享受校園生活啦…

9月3日,細JAC生日,平時佢一定係同老婆同王晞嵐慶祝,但係DEAR去左澳大利亞工幹,咁冇理由生日孤零零過架,咁岩又紅日,帶埋個女出黎玩啦.

我地去左沙田中央公園玩,當日天氣非常悶熱

兩個老細玩到水人咁,不過你地開心,我地就開心啦…

玩完去新城市食個生日飯就返歸啦…

9月7日,結婚4週年

照舊喺屋企煮下西餐,食下蛋糕,簡簡單單咁過,最緊要生活愉快~~~

9月18日,睇左個我心目中好期待既演唱會

我成日都話我唔希望睇到一個走音既演唱會,當然佢兩個冇令我失望,仲好滿意TIM

呢晚校長純粹黎睇SHOW,但係就比李克勤夾硬捉左上台,仲玩左首”愛情陷阱”,全場氣氛燒到頂點…

GOOD SHOW

3歲小欣

7月28日係嚴小欣既3歲生日

不經不覺就3歲啦,成日都覺得佢出世時好似冇幾耐之前咁,由一PAT野咁到而家識行識走識跑識跳,剩係識EE丫丫到而家把口好似唔識停咁,一日到黑不停咁講野,多野問到你想打暈佢,種種既轉變先發覺原來已經過左幾年

為免自己老人痴呆,所以我有個習慣就係影當年今日,佢每年既生日,我都會影一張差唔多既相,,可以睇下佢既變化,亦可以睇下自己既變化

我覺得呢一年阿欣既變化唔算大,除左識講既野多左之外,我覺得佢既整體發展進步十分輕微,好多野都仲未識(尤其係自理方面),環觀身邊朋友既小孩子,好多細過阿欣既都已經好叻,我覺得呢個絕對係我兩公婆唔識教既責任,不過算啦,就當我懶,黎緊9月返K1,就交比老師啦….^^

其實呢,小朋友最緊要就健健康康,咁阿欣喺呢方面不嬲都係較弱,佢氣管又弱,又成日發燒,進出醫院既次數都係偏多,多到我都驚,所以今年4月開始我地就搵左個中醫同佢調理身體,雖則費用令我非常吃力,但若然真係幫得到佢既,辛苦D都冇計架啦,幸好到現時黎睇,個效果係正面既…

由歲半開始,我已經有帶佢外遊,不過所謂既外遊,都只係大陸(只因爸爸窮嗎),幸好佢既表現都幾合作,幾聽話,所以剩係今年都返左5次大陸,一次宿營,而家又PLAN緊中秋節啦…^^


如前兩年一樣,今年都係一家人喺屋企簡簡單單食番餐,切下蛋糕唱下歌仔,許下願

講到許願,梗係爸爸代你許啦,許咩願???梗係身體健康,身體健康同身體健康啦…

東莞嘉華

本人出左名係一個窮人,但係又十分貪玩,咁點算好呢?

喺6月20號,我參加左一個星斗市民熱門選擇…美食之旅

呢個團既特色係去得唔遠,冇乜行程,而最大賣點係…酒店靚

當日倒塔咁早起身,落街食個早餐,就去羅湖關口集合啦…

喺旅遊巴坐位方面,因為我地3個人報名,所以有一個要同個陌生人坐,呢個人當然係我啦…

事前我已經幻想緊會唔會係同個靚女坐呢???就算唔係靚女,整個樣貌娟好既中女都好丫,到答案揭盅既時候…

<現實是殘酷的>呢句真係至理名言

坐我隔離既係一個六呎幾高既大隻佬……..

係六呎幾呀…….

係大隻佬呀…….

SHIT………………

問心講架巴士D位都可以話係非常寬敞,就算兩個我咁既身型既人都可以坐得十分舒適,但係而家坐左個進擊的巨人喺度,你地有冇諗過兩個麻甩佬既手臂不停地互相磨擦嗰種核突既感覺,噓…撚DA YO………..(本人並非想攻擊別人,只係概嘆自己既運數JE)

搭左個幾鐘車就到左LUNCH既地方,話明美食之旅啦,佢D膳食一向都穩陣(不過唔記得影相)

食完LUNCH去左兩個純粹HEA時間既景點(因為未夠鐘CHECK IN嗎)

一夠3點半,即時返酒店,就係呢度

它的名字叫嘉華大酒店

真係好大,剩係個LOBBY都成半個足球場咁大,呢張相仲只係一部份JA

D房又點呢???

兩個字講晒……大

放低D野,天時暑熱,梗係去游水啦…

玩左個幾鐘,返房沖涼,準時6點去食飯,今餐食日式BUFFET

每位送一隻煮鮑魚,但係因為技術性既問題,我地每人有兩隻,哈~~~

食飽飽出街行左一陣(冇野行),就返酒店LOBBY LOUNGE聽賓妹唱歌,費用全免

一宿無話……(因為大家都好倦啦…)

個早餐好很多野食…..

食完仲有時間玩多轉水…

11:30CHECK OUT

咁就過左兩日啦,下次再玩過

下次就係黎緊既禮拜六,再整多轉窮人之旅^^