深圳天半親子團

27號晚收左工之後,跟手就滾水碧淥腳咁阿女朋友仆左返大陸,因為我成家人上晒上我家姐屋企,所以我就去會合佢地啦,上到去都10點lu,食左d野,飲左一陣酒,佢地就話訓啦,超~~~~~開頭我姐夫又話上黎同佢劈酒,點知咁快就收皮,冇料呀..........................
第2朝起身食左d野,就出番去打保齡,好唔夠喉咁打左3個game又話走啦,跟住話去o個個什麼書城,
shit...................我都唔睇書既,書乜Q城丫,不過開頭諗幾個字就去食飯啦,唉....冇所謂啦,點不知黎接我地o個個司機遲大到,足足遲左粒幾鐘,攪到要我o係o個個什麼書城度大拿拿書左個幾鐘頭,你個老闆~~悶死我家嗎~~~又冇野睇,o係o個個moment又冇屎屙,終於同阿penny好似兩條喪屍咁盪黎盪去,真係比處屎更難受呀~~~~
好啦,搭車去食飯o個陣又鬼死咁塞車喎,去到都7點幾啦,呢度係阿家姐極力推介話好~好~好~很抵食既任飲任食鐵板燒,150蚊一個頭,任Q你飲,任Q你食,講真,真係好很抵,就算係以大陸既鐵板燒價格指標,都係屬於平既,對於普通人黎講,一定會大大聲咁嗌--------正呀.......好正呀.....................好抵呀............................
好似味王咁,但係你地都知啦,我做呢行家嗎,咁梗係會將個指標set高d架啦,好正常架喎,我只可以話平~~~~
至於d food啦喎,其他人咪覺得好食囉,我就覺得(將價就貨),你比咩價錢,就食咩野,係好公平既,其實都算ok既,但係以行內人既標準黎講,水準就真係偏低啦,不過可以成家人坐埋一齊食飯,都已經係一件好開心既事啦,食乜都冇所謂啦,所以好期待下次再有呢d聚會~~~
其實呢個行程影左好多相既,不過張張都影到我十分樣衰,幾經辛苦先搵到一大張叫做冇咁衰既比你地睇,
係o係我家姐個屋苑度影既,仲有我娘親粉墨登場tim,唏...你都咪話唔勁呀............

 

 

平~~安~~夜

禽晚平安夜,同左阿女朋友去左尖東count down,諗住過去鐘樓冇衰啦,點不知原來冇料到,
冇人攪function,只係得一斑人o係度迫,都冇人倒數,過左12點都冇人知,車........
真冇癮,不過冇所謂啦,最緊要係同邊個過既姐,後尾先知原來係廣東道o個邊先有人攪野,
唉.........去錯地方tim,
然後呢,出左旺角食野,再行左一陣,跟住就送佢返屋企啦,好平安咁過左一個平安夜,
但係呢,我發覺沙田真係凍過市區,一出火車o個下,嘩.....真係寧舍寒d喎,我仲著得鬼咁少衫,
吹多兩吹,條氣管又黎料,又咳啦......shit~~~~~~~~
所以我既聖誕願望就係::::::::唔好成日咳啦.....

平安夜前夕..又如何........

嘩..我今日乖到不得了,大佬約我去飲野我都唔去,一收工就即刻返屋企,自己煮麵食,
聽日就係普天同慶既平安夜啦..亦都係我將會做死既地獄之夜,請大家祝我好運..........
阿女朋友話聽日出黎搵我count down慶祝第一個聖誕節,唉....我都唔知收幾多點,都唔知趕唔趕得切,同埋唔知仲剩番幾多能源呢??不過話晒都係the first silence night,點都要出黎依泣下既,騎.........
哈....你又比多個第一次我啦,又破多你一個(處)啦,睇你仲飛得去邊???
不過聽日條街多人到喊,又封路,都應該會幾混亂下,你一個女仔,好危險架,你知你啦,又騰鷄,又驚青,揸到不得了,為左避免一d不必要既碰撞同嫲煩,都係坐o係老麥等我穩陣啦,唔好周圍走啦.

又賴晒屎啦......shit

慘~慘~慘~今日lunch全面仆街,全個場都仆晒街,足足佰幾客.....仲要放左4個假,你話死唔死??
我直頭做到發晒脾4,棄城咁濟呀,阿姚明已經搵左3個人黎幫手,但係都攪唔掂,唉......今日搵廿個人黎做就差唔多,得o個幾丁友,真係要搵幾個超人哥呀,蜘蛛俠哥,蝙蝠俠哥佢地黎做先攪得掂啦,
哈....今日阿西德哥既人氣已經上升到沸點啦,公司周圍既人見到我都問關於佢既野,唉.....真係唔敢諗佢番到公司之後,個頭可以擺o係邊??佢都流年不利架啦,臨年尾先整單咁既野,不過又益左佢唔洗炒聖誕同新年,
真係有辣有唔辣啦,
同左阿傻妹katie講,佢竟然話去探佢喎,我地公司冇一個人話去探佢,你去喎.....你都知我地阿德哥幾多情架啦,
一陣就係因為咁而愛上左你,對你展開追求o個陣,你就真係有排煩啦,喂....

充實又開心的一天

今日同阿女朋友去左環球嘉年華,因為好早已經去到,所以唔係好多人,玩咩都唔洗排好耐隊,真係正,
你知啦,我就最鬼怕排隊架啦//同埋今日好好天,陽光普照,簡直就係天公造美呀,唉.....我地都好耐冇拍過拖啦,o個陣我放親假都落雨,攪到個人灰晒,o拿......好似今日咁先係家嗎,
o係嘉年華入面o個d攤位遊戲真係識食錢架,朕今日仲要手氣唔係咁好,呀....係直頭唔好,大拿拿玩左幾舊水,
先係中得5隻公仔,仲要得一隻大野咁少,挑啦勝丫.........我往屎去玩邊止呢個數呀,真係勞撚氣呀........
玩完嘉年華,就過左銅鑼灣食飯,原本諗住食(板前),點不知佢都痴既.......要排佰幾個number,wa......當其時我地兩個不知幾咁肚餓,排得黎都鑑生餓死左啦,家下你有寶咩??食完會飛呀???
諗住去第2間啦,咁我呢個探子就先去探路,去左間叫(羽)寿司,點知o個個reception妹就吋口吋面,明明有位都仲要o係度扮上菜,仲要好似唔係好想啋你咁,仆你個街,唔怪得你兩間鋪頭只係爭一條街,人地就幾佰人排隊,你就大把位剩啦,
阿(羽)寿司個老闆,請過d伙計啦,簡直垃圾呀....
終於就去左食小籠飽啦,o個間野細細地,但係又幾旺喎,d小籠飽就幾好食,其他野就算ok啦,不過銅鑼灣真係好很多人,好迫,免得過都係唔好去咁多....
食完飯諗住去睇阿發哥套戲,可惜已經一早賣晒飛啦,sorry啦,咁唯有行街街啦,唔覺唔覺又行左2粒鍾朗豪坊,仲買左份聖誕禮物比阿女朋友添,好囉,又了左件心事囉,
送埋佢番屋企,自己搭車返歸o個陣,突然收到阿臭治電話,佢話阿健o係報紙睇到阿德哥做左新聞人物,
唉........我都話佢唔係仆親架啦,仆親點會仆到入廠丫??不過唔緊要,最大鑊就係比人影左大頭相o個下幣家火嗎,而家公司已經以一個驚人既速度轉緊開去啦,阿德哥,我睇你以後o係公司仲點見人~~~~~
但係點都好啦,都祝你早已康復啦......
衰妹.....你幾時同阿聰聰豬去嘉年華玩下呀???

A.V女郎????

shit.........今日又旺到死咁濟,係咪要做死我先開心呀?人地病緊架,家陣係咪要迫死我丫???????
尋日公司黎左個新o架妹,個樣ok,眼大大,不過..........個波仲大...wa.....不得了啦,不得了啦,
即刻引黎男同事們好大既回響,阿漢條粉腸流晒口水,阿西德哥就(計)續佢一貫既作風,有殺錯就冇放過,
黙黙咁起革命,鬼鬼鼠鼠扮冇野,一陣又教人用電腦..又呢樣,o個樣,A....大家好似忽略左d野喎
人地咩料都未起清就亂黎,死左都唔知咩事,老友......
呢條AV女郎得24歲,o係日本o個邊已經做到A.M,而家仲派埋出國,老實講,o係第2個國家就冇問題,
以日本呢個國家既社會風氣黎講,可能性係好微既,日本人係好講年資同輩份既,24歲做A.M未免young左d,
同埋睇到佢o個個A.V女郎body,我就更加肯定另有內情,呢條女應該絕對唔簡單,各兄弟們,
比d時間睇定d先啦,好色係人之常情..不過千祈唔好忘記,色字頭上一把刀呀......善哉...善哉...

咳..咳..咳......夠啦.

唉....好平淡,好平淡,呢幾日平淡到不得了,不過平淡都可以係福既,特別係今日,公司竟然靜喎,好耐未試過啦,
好耐冇游過啦,自從9月尾至到12月頭令我冇左12磅,呢段時間日日做到冇停手,今日終於可以抖下啦,
點知晏晝(阿司徒)個仆街叫左我上中菜幫手,好彩上到去我都o係度游,閃下閃下咁,費事同你傻,唔通仲同你博命呀...到左夜晚仲正,成晚我o個小貓3,4隻,阿假個仆街竟然6點就吹佢雞,有冇搞錯呀,又唔見我番直落o個陣咁so,raymond就收8點半,如果唔係我要做數,我諗我都有得走呀,不過靜就靜啦,但係都要爛尾,十點後入左幾枱,辛勞阿怪同女王啦,我走先啦........
d咳仲未有好轉,真慘,又食唔到野,又唔飲得酒,最慘就係砌唔到模型,因為條氣管唔受得d噴油味,搞到隻高達停左工,唉......又比阿豪爬左我頭啦,本來我拋離緊佢家嗎,而家比佢起貨快過我tim,真係唔抵......shit.....
唔該唔好再咳啦..............please............................................

做冬.......好凍.......

今晚屋企做冬,出左去食飯,個幾月黎第一次見番penny,發覺我地已經昇華到一個新既階段啦,
有d似老夫老妻tim,係爭在唔係一齊住姐,
o係食飯既時候影左d相,我發覺我同親佢影相,一定係一個得一個唔得既,我ok o個張佢又古靈精怪
佢ok既,又到我三尖八角,總係冇一張係兩個都正正常常既,唉.......冇辦法啦,鬼叫我地兩個都唔係d靚仔靚女咩....係難夾d架啦,食到十點幾先走,仲要落雨....仲要唔夠遮用,攪到要阿penny自己去搭車,因為我要遮我老豆,真係唔好意思啦....下個禮拜同你去fever補數下....
今日落埋雨,天氣又再凍左d,聽日好似話得13度,各友好記住著多件衫啦,免得好似我咁中左招,
臨過年先黎病,就真係sorry啦,保重..保重..

灰色的,雨朦朦的一天..............

唉.......一訓醒,落雨..........本來唔想出街,不過約左阿豪去睇高達展,唯有爬起身啦,
一心諗住有世界賽既參賽作品睇,唉......點知又係失望而回,大部份都係普通野,
得好少精彩高手o野睇,shit......比幾張靚d既你地睇啦....
睇完諗住去剪頭髮,去到又冇位,個師傅full booking,shit.......又唔老like,乜都係爭d,算....返屋企食飯,
等我自閉番一日先,好耐冇執過野啦,係咁依啦,叫做係應酬下阿娘親啦.
阿katie姐,你話阿penny傻??????喂.....你唔係唔知呀,你都識話係馬仔嫂啦,我~~喪~~家嗎,
唔整番個傻既又點頂得我住呢???係咪???but.................................
你都唔見得正常得去邊囉......呵.........................
唔係點做我個妹呀...係咪先?????????

very bad...............

呀.........................我病左啦....................又係咳呀..
始終都係走唔出呢個宿命,(((每年既12月都係會病既))),有冇搞錯呀...............
本來冇事既,因為我一路都有keep住食維他命C,點不知上個禮拜學人打流感針,
咁就出事啦,一打完呢支咁既西針,就連d抵抗力都打散埋,其實之前都聽過人講過話會有d咁既效果,
不過公司比錢,咪諗住打左穩陣囉,點不知,唉...............
我跟住仲放兩日假tim,難得放孖day,學人走去病喎,我都話我命苦架啦.........

呢兩晚．．．．．．

尋日同penny傾左一輪,終於都有左共識啦,好高興佢o係呢一個月有搵到人傾,亦幸運地搵到o岩既人傾,
有時有某d野,出o係第2 d人把口係好過出o係我把口既,因為人始終會覺得外人會比較中立,
較易入腦,同會較為比心機去思考,但係如果由我講,可能會因為男女朋友既關係而冇咁容易接受
呢個形式會令佢既啟發深d,進步大d,難得既係令佢了解我多左,同埋可以接受到我d死人性格,hee.....
而家我地用一個新既方式黎相處,不過都要用一段時間睇下work唔work,因為始終理論同實踐都係兩回事,
希望可以行得通啦.....
今日公司阿經理攪宵夜,其實全部人都唔係好願去,but始終都係全員出席..
講真丫,去~~都係為左份工,為左以後d日子唔洗咁難過姐,唉.......政治飯,,,係咁架啦
不過有樣野野真係要噴下,我地o係呢間～～尖東安達中心富臨魚港海鮮酒家

～～
ｏ個度ｄ員工真係唔掂，我地ｂｏｏｋ左間房，ｂｏｏｋ左１１：３０，１２點先有位，ｄ人又唔係好理你，之前乜都冇講，入左去坐低啦，又話有最低消費，又話坐房就乜ｐｒｏｍｏｔ都冇，咁都未算，連ｍｅｎｕ都話冇，佢話坐房就要由經理寫菜，如果唔ｏ岩食就寫到你ｏ岩為止，ｓｈｉｔ．．．．．．咁都要比個ｍｅｎｕ睇下有咩食架．．．．問有咩介紹，吊丫．．唔係鮑魚就龍蝦，乜斑物斑，仆你個街，家下你間野剩係得海鮮食呀．．入得房就預左食好野架啦，咁而家想叫兩樣小菜食下得唔撚得先．．真係愈講就愈扯火，好啦，到最尾梗係照食架啦，都又蝦又蟹架啦，咁食到尾問佢有咩炒粉麵飯啦，就走條十九部長入黎，悔悔氣氣好似唔想答你咁，呢樣又話冇，ｏ個樣又話冇，句句咩囉．．咩囉．．乜乜囉．．
嘩．．．．．．．．呢ｄ咩態度呀？？？好似我地冇ｄ咩煩到佢咁，ｓｈｉｔ．．
呢間野真係永不（綠）用，你地記住都唔好去，唔好話我唔提你地呀．．

命都唔長

我就黎死啦..........................................................
今日旺到痴左線,全場爆滿,完全係冇得做o個隻,莫講話有人放假,就算full team都唔夠做呀,
個經理真係痴.......Q線架,d訂位係又接,唔係又接,要夠人做先得架,係.....想好生意係o岩
但d客都冇人招呼,咪盞得失佢地,哈......不過又好彩喎,咁都接唔到投訴,
所以呢,我成日都話呢個友仔一定係養鬼仔既,佢由入黎呢度開
始,已經係好好彩,個個月都夠數,邊有咁好彩架
放左工同左西華去,~~~~覓到~~~~~~~~~~~~~~~~~~~~~~~~~~~~~~~~~

i want free........................

前晚收左工同班同事去卡啦ok,唔知點解會將個電話放左入個袋度,本來冇乜所謂
but原本penny打左幾次電話黎,我又聽唔到,到後尾先知,又send短訊話擔心,又咁,又點.......
車..........我諗住呢d時間冇人搵我家嗎,阿义知咁多咩......
唉.........我發覺我真係愈黎愈唔適合有女朋友,我都係覺得自己一個開心d,不受任何約束,
不用向任何人交代,不再要迫自己做一d公式化既野..........
每晚放工,去宵夜又好,去飲野又好,去唱k又好,邊度都唔去都好,想點就點,
最重要係唔需要去打一個冇乜野講,但係又唔可以咁快收線既電話,
我而家先感覺到要將2個不同世界既人拉埋一齊係有好大既難度同耐性,
由其係呢排公司咁旺,做到死..........咁濟,如果仲要我打呢d電話,我真係發癲都似,
So,penny......我暫時都仲係想一個人,ok??
今日訓到5點幾先起身,wa...夠晒皮呀,點不知一訓醒又有miss call,仲有voice mail.
原來係阿penny話佢o係下晝,o係街度暈左,好彩暈o個陣有同事o係身邊,唔係就惡攪d啦.
鬼咩,佢咁鬼死瘦,條柴咁,身體梗唔好啦,又食唔得多野,一發生d咩事呢,就乜都食唔到架啦,
想唔暈都難,唉........阿女,保重身體啦,唔好成日諗埋d無謂野,咁個人就開心d架啦.
隻~高達~又砌好對手,不過又有野衰左,唉......呢隻野真係錯漏百出,算啦,當攞經驗囉,
第一次將成隻野d色全部改晒,的確係有難度既....砌到而家咁都算ok架啦,仲想點丫??
初學者黎ja........係咪/???????

作死你呀.......

你條衰妹katie,家下作死你呀,d feed back係咁吊,你都識話我幾廿歲人啦,比d鼓勵好冇???吊得咁過癮???
好,唔帶你條粉腸去食辣野,到時你唔好o累地,你生日我唔到,我生日唔叫你,你結婚我唔黎,問你死未???哈......................................................
今日落場同d同事去飲茶o個陣,我o係度大數阿(高層淫魔)d暴行同狗公行為,真過癮,講完個人都舒服d,
唉,,點解會有d咁扑街既男人,佢自己都有老婆同個女,佢驚唔驚有報應既呢??
其實佢同d巴士色魔有咩分別呢??呀.........有,就係佢個口勁...............(((((臭)))))

高深.....

而家砌緊隻gundam X,唉......因為用緊隻幾煩既方法去配色,
所以覺得好頭痕,好難掌握,進度十分緩慢,撚左幾日都係砌得o個d咁多,今次應該有排先起到貨啦
公司今日終於都靜番d,可以抖下,先o個排真係做到扑街,呢2個月足足瘦左10幾磅
我都已經夠瘦架啦,再瘦真係變火柴公仔啦,聽聞聽日開始又癲啦,又爆到(掤掤)聲
唉.............點解我咁很命苦架..........shit...

零的開始

哈...咁又話開左個blog啦,之前攪左好耐都攪唔到,而家唔知點解又得,呵....真係吹脹.
首要諗既梗係睇下send比d咩人啦,唔係個個都比得,你知啦,我太多仇家啦,一d極度口臭又口疏既人絕對唔得
所以如果你而家睇緊呢,hey.....恭喜晒啦,你已經係一個我信得過既人啦,拿......唔洗感動,得閒飲下茶,灌下水就ok啦
其實blog呢家野真係一種貢獻,o岩晒我呢亭懶人,又冇時間約人,又懶打電話,有時d friend真係唔知你死左未,呢樣(傢伙)就可以話比人知你原來未死,等人失望下,哈...
今日話晒都叫做破處,本來想講多d野,因為近排確實係有d事情,不論做野同埋感情,都係有d唔係好老like,但係未係點組織到住,都係留番下回先分解啦
咁多位,請呀...................