玩番兩日先.....

黎緊既7點鐘我就要出發啦,去邊??勁啦,一個歷史性既旅行....就係""我屋企全家破天荒總動員"仔,女,新抱,女婿,孫,一個不漏大陸兩天親子團""
wa.....聽個名都勁呀...
雖然係兩日,仲係大陸,但係要集齊晒咁多人,真係唔係咁容易,一個不漏喎,絕對係破天荒,機會難縫o個隻,不過就痛苦d啦,我今晚收夜,聽朝要6點幾起身,而家都兩點啦,都唔知瞓唔瞓好??唉....一日半日,是但啦,何況呢個係一個咁有意義同紀念性既tour,一定要好好享受.....
各位老友,我要消失兩日啦,星期一再見啦.....

War Game 的樂趣

尋晚我又去左打game啦,今次又多左幾個新成員,遲d我諗可以去打大場啦
我o係前幾日心血來潮,想幫自己design個logo,整o係d槍既裝備度,就用左5分鐘諗左個嘜頭出黎啦,呀....都ok喎

((個concept係黎自我個名既頭一個字"H",自己畫架,再整個紙模,然後噴油,得唔得先??))
我終於都失守啦,我忍唔到手買支左短火啦,因為個價錢真係好吸引,仲要係全金屬,一槍兩彈匣都只係要一支Glock17既價錢,抵呀.......

((P226,台灣製,個槍盒係今日先買架ja))
o係尋日既game,陰公啦,身中多槍,係近呢幾次以黎中得最多槍既,因為我尋日好勇,簡直就係用一個求死既態度去打,所以就成為左一個活生生既人肉槍靶,原來咁樣都可以係一種較為另類既發洩情緒方法
((無名指呢野最甘,中正骨節位,腫到成粒巨峰提子咁,真係痛到入心入肺..膝頭呢兩野都唔野少))
其實汽槍真係一種幾好既發洩工具,你可以當你既敵人係你上司,仇人,總之係你唔鐘意既人,跟住對住佢亂槍掃射,事後真係會有""舒一口氣""既感覺,真係架,信我...

我番黎啦.............................

oh....yes...終於都上到網啦..............................
唉~~~~~~點解會咁講呢?話說o係幾日前,我屋企個電視無端端睇唔到,跟手我阿爹就call人黎整啦,點不知o個個所謂師父整完之後,電視就睇得番啦,但係就上唔到網,要叫番o個個粉腸黎幫我整番先用得
我發覺O係呢幾日入面,冇左部電腦,個人就好似同社會脫左節咁,又meet唔到d BLOG友,又寫唔到BLOG,又check唔到e-mail,又打唔到online game,簡直就係痛苦呀
好囉,終於整番好,一天都光晒啦.......再壞多幾日,我真係硬生悶死都似......

唔該晒....SUN哥

哈~~~~~~~~太陽哥,真係唔該晒呀..........
o係兩點零鐘,阿太陽哥真係出番黎喎,都黑唔晒,wa....咁梗係唔洗講野,hur hur聲標去泳池啦
真係好耐冇游過水,今年係第一次ja,呢d咁熱既天氣,仲有咩好得過去游水,雖然只係去泳池,不過都好丫,唔通一支公去沙灘咩??

o係泳池擾攘左個幾鐘就走左啦,然後食d野就返左屋企
當我返到屋企,過左冇幾耐,忽然有個衝動既念頭升起左,就係想即刻出去買左隻""紅彗星""佢,就算砌唔到,都要買左先,免得第時後悔,因為下個月就會出埋隻 RX-78(原祖高達)既2.0 version
呀.........我隻手真係好痕呀.....................................唔理咁多啦,一於

買呀~~~~~~~~

太陽呀.....出黎啦,唔該..

 激死我啦,難得我今日倒塔咁早起左身,諗住可以去游水啦,咁落街食少少野就撘車去大環山,點知去到,個告示牌話今日個池要大洗,要5點先開得番,oh~~~~~~有冇咁好彩呀........
唔緊要,即刻轉地方,開頭諗住去九龍公園,不過又驚多人,所以決定去"九龍仔公園",於是即刻撘車出發,點不知o係撘車既途中,竟然落雨,仲愈落愈大
呀...........................邊有咁正架,我都係想晒下太陽姐,比次機會我丫,唔該..
呢d咪就係""終極黑仔王囉""
嘿......而家時間尚早,睇下晏d會唔會出番太陽先??

想做而不能做...

哎呀......................又起唔到身去游水啦,點解我咁爛瞓架....................shit
原本今日約左斑識左十幾年既朋友食飯,丫.....點知又要cancel,唔緊要啦,做野緊要,乘機陪下爹,娘食飯囉
真係好想砌模型呀.............好耐冇砌啦,o係阿ray個blog度睇到隻""紅彗星"",隻手真係痕到爆
但係只要我一噴油,阿娘親就鬼殺咁嘈,
"""wa......好臭呀...........好難聞呀...............個鼻好唔舒服呀............個頭好唔舒服呀....................個人好暈呀..............................."""
總之就煩到你 stop 為止,唉~~~~~對於一個模型愛好者,見到自己好鐘意既model而又冇得砌,係一件好痛苦既事黎架........
呀................................................................................

相片 from   

ray

失蹤,吹脹....

前兩日約晒人諗住同阿吳師奶慶祝生日,下晝打比佢o個陣佢話做緊facial,話做完call back我,點知就一路都唔見人啦,打電話比佢又冇人聽,我心諗,你唔係諗住放我飛機呀??
直到我收工,打比佢都仲係冇人聽,真係shit啦,冇計啦,都約晒人啦,橫掂都係啦,照去唱囉,唔通臨時先黎散人咩,wa.....o個晚唔覺唔覺都飲到5點,到走o個陣,一上到的士就頂唔順要問阿司機哥哥攞膠袋啦
哈~~~好彩死都頂住,等上到的士先......冇人睇到,哈~~~~~~~~~~~~~
到左禮拜一,夜晚我開開下工阿吳師奶send左個短訊比我,話佢o個日o係街暈左,而家入左廠,咁我當晚收工因為太夜啦,冇打到比佢,到第2日打比佢,又係冇人聽喎,攪咩呀你呀??
拿...我聽日,後日都放假,你見到篇野好自動自覺打比我啦,等我黎睇下你丫嗎...
上個禮拜有一日,阿漢又話落旺角睇槍喎,咁我就跟埋去診下熱鬧啦,wa......點知原來係約左成棚人去買槍先真,今次斑顛佬total買左8支,3支 glock17,5支auto,中晒毒啦佢地........
o係咁既環境,我好自然又成為佢地chur既目標啦,一人一句,真係煩到你想死咁濟,咁我就梗係最終都冇買到啦,點知返到公司,阿漢竟然同我講左以下呢段說話:
""你條粉腸,死都唔肯買,你係唔肯買啦嗎??好....你信唔信我買支槍,失驚無神掉入你locker,梗硬質你要丫拿,等次次打game你都要黎....問你死未???""
呀~~~~~~~呢d咩人黎架??
係咪痴線架.....真係驚你唔死咁,點都要你陪埋佢地一齊中毒,真係比佢地"監生"吹爆.......

父親節???黎啦,我唔驚你架..吼((((((((((((

聽日就係一年一度既""父親節""啦
一如以往,我都係冇假放既
一如以往,我都係要返工既
一如以往,我都係睇住人地一家大細好開心咁慶祝既
一如以往,我都係會做到死咁濟既
一如以往,都係會做到連底褲都濕埋既,今年仲要part著班賴皮怪
一如以往,做得咁辛苦,收工我都係會搵街去既
一如以往,多數都係去飲酒or唱k黎relax下既
但係......................
而家仲未齊到腳播,陰公.......
拿......阿妹,聽日我會盡最後努力去恐嚇佢地架啦,應該成功機會都幾高,因為...............
我有槍....家嗎..............你著定靚衫都得啦.......
but..........如果我六點後都仲未打比你呢,唉.....咁就真係sorry啦......我盡晒力架啦

★更上一層樓的動力★

★更上一層樓的動力★

有一天，上帝召集了所有的動物聚在一起吃飯。吃完飯後，上帝取出了一雙翅膀。

「我有一樣東西想要賜給各位，如果你還滿喜歡這件禮物，就可以把它拾起來放在背上。」動物們一聽到有禮物可以領，便爭先恐後地擠到了上帝的面前。

但是當他們看到躺在地上的翅膀時，不禁面面相覷地互望著，心想，把這麼笨重的東西放在背上，不累死才怪呢！動物們在看了翅膀一眼後，紛紛坐回座位上。
最後，一隻小鳥走過來，看了看地上的翅膀，心想，上帝應該不會虧待動物們，所以這個看起來滿笨重的東西，或許是一種恩賜。於是，小鳥就把地上的翅膀撿起來，揹在背上。

過一會兒，小鳥輕輕地試著揮動翅膀，沒想到不但感覺不到沉動，反而還輕盈地飛上了天。許多動物目睹此景，心中後悔也來不及了。

大家認為會增加負擔的東西，反而使小鳥輕盈的飛了起來。正如許多時候表面上看來是挫折、打擊或是挑戰的事件，反而給了我們更上一層樓的動力。

神奇四俠 2, 星星

同一般既續集一樣,都係搵戲黎做,不過呢類戲,都係睇特技既姐,不過都係一般,冇乜驚喜,個結局仲鬼死咁兒戲tim,算啦,當係一個消閒節目都ok既,但係就縑短左d,得個半鐘,可能呢輪d戲都偏長掛....
近排好鐘意一首歌,雖然唔知佢講d乜,但係個melody真係好好聽,個singer又唱得正,所以我日日搭巴士o個陣都會聽架
呢首係""醜女大翩身""裡面o個首慢歌,係有一日無意中o係網上面發現既,叫""星星"",你地得閒可以去fox度load黎聽下丫,真係幾好聽架
如果有睇套戲,就一定會更鐘意tim....

回覆支持我的人

收到大家既留言,個人都開心番d,得到你地既支持,已經好足夠架啦.....thx

to:

suki
中晒呀,suki,佢比我感覺到大支野左,仲話我聽而家個男仔對佢不知幾好,仲叫做有d錢咁喎,又話同時間有幾個男仔追緊佢,幾咁駕勢喎,wa.....有冇理下我感受呀???晒命同第2個晒啦,唔該.....

to:

★師奶兵團★吳太^﹏^
妹.....鬼叫我同佢一齊o個陣,係佢岩岩受左重創咩,可能我一路都只係飾演一個水泡既角色,由佢開頭同我講男人有冇錢唔重要,到而家話需要錢多d,咪當我係佢呢個"""思想突變"""既""犧牲品""囉......

唉.......遲d見到面再詳談啦.....

to:

小寶
my friend,咁我又未至於窮到冇錢開飯,個樣亦都未衰到人見人憎....

to:

自由飛魚
飛魚媽媽,後唔後悔就真係唔知啦,但係你有冇見過d呃阿婆錢既補藥黨,呃完人之後會覺得內疚架??
有冇劫匪打完劫會覺得後悔呢??
答案係會既,後悔點解(呃)(劫)得咁少嗎....

to:

Carol KO
你都講得岩既,carol,早d知都係一件好事,而家個人都覺得鬆左d
至於機會呢家野呢....唉........我都一把年紀啦,男人到左咁上下都仲係冇人,冇物,冇車,冇樓,仲邊敢諗咁多野丫......

to:

影塘
我都真係冇咩想同佢講啦,費事又o係度聽佢晒命啦....

真相大白......

頭先同前女友傾msn,終於都知道分手既原因啦,同我原先估計既一樣
因為佢抵受唔住第3者既考驗,雖然佢到而家都仲係唔認,不過o係頭先既msn對話,佢已經透露左好多lu,佢就係個咁既人,成日都好介意人地點樣睇佢
妖.......變心咪變心囉,女人唔變得心既咩???
原來佢一早已經部署左,放晒線出去,當發覺有好幾個條件唔錯既人有反應時,咪就係飛我既時候囉....woo...真係恐怖(特別係之前對住我講o個堆話自己好專一既說話),真係人不可以貌相.............
好似小寶o個篇文章咁講,當你多選擇,就自然會諗得多左,人就會容易改變初衷,都好正常既,只能夠怪自己信錯人....同埋有眼無珠姐..........

與魔鬼搏鬥.....

唉.......10號個party要改期呀,又要諗過第2日,又要就呢個,又要就o個個,真係諗到頭都爆埋,好彩仲未訂蛋糕ja....
哈....又一位人兄落搭啦,阿man先生幫阿豪買左佢o個支''glock 17'',嘩...打左一場ja播,就已經忍唔到手啦,雖然真係好抵,7舊水就買到一支穿兩面罐既短火,仲要包3個彈匣同埋槍袋,但係唔好比我睇死你囉,你都係得o個三分鐘熱度架ja
攪到而家全世界都走埋黎問我幾時買槍,個個都露晒個魔鬼樣出黎,又話呢支抵,又話o個支形,又話o個支勁,個個都好似驚我唔死咁,係.......雖然有我o係度d氣氛係會好d,會開心d

,但係你地都要試下一d冇左我既日子架,唔洗chur得咁恆既,my friend.....比我抖下氣,好冇??
仲有最重要就係......"朕"係一個有自我思想既人,係唔會咁容易比你斑魔鬼chur到既,總之買唔買槍呢個問題呢.....

朕....自有分數......退..朝.................

""醜女...""冇野講,快d睇啦..

睇左啦,今晚睇左啦,""醜女大翩身""
之前聽人講話好好睇,我諗住通常抱住個咁既心態去睇,多數都會打個折扣,最多都只係會覺得普普通通,同埋我硬係覺得佢只係韓版既""瘦身男女""
睇完之後,原來套戲成兩個鐘,完全唔覺,好簡單,因為套戲"""真係好睇""",由開始冇耐,我已經入左戲,平時有D戲,我會望佢快D做完,呢套唔會,你只係好想睇落去,雖然d劇情唔係好特別,有d你亦會估到,但係佢o個種笑中有淚既表達的確可以吸引到你既觀看慾,唉.......其實我都唔係好識點講,總之就係       
 ''""睇啦"""
睇左你就知點好睇法,唔好理啦,睇左先算啦,就黎落畫啦....

醜女真係咁受歡迎???

又到放假既日子啦,好想去游水,但係而家出面落緊狗屎,睇天氣仲話聽日都仲有得落,唉......即係又游唔成啦
公司d女愈黎愈過份啦,今日差d忍唔住同佢地炒野,簡直就係搵交嗌,唔好迫我咬你呀,(我顛起上黎,連我自己都驚呀)o係公司我忍..你,出到街就唔包啦,小心山水有相逢呀
上個禮拜想睇""醜女大翩身"",去到戲院,竟然一張飛都冇,魔盜王都仲有3行,咩料呀??
今日o係公司有個同事話睇影評寫到好好睇,寫到一定要睇,係咪真係咁堅呀??
各界好友,如果有人睇左,請留個言過我知係咪真係咁正呢??
又或者都同樣好奇想知既,又唔介意同我一齊去睇既又得
總之....話比我知又得,同我一齊去求知又得,得左....

壯烈犧牲...............................................隻牙

今既又去左打game啦,都係自己衰多口,晏晝見到阿man貪口痕撩下佢,諗住佢實唔會去架啦,本來佢都話唔去既,點知佢收工o個陣o係locker比阿西佢地捕獲,仲打電話黎chur番我轉頭,話我叫左佢去我又唔去,唉.....冇計,做人要講口齒,鬼叫自己多口咩,返左屋企都要出返黎,唉.......
我又係中指中槍呀,邊有咁o岩架,真係揸住隻""中指""做人,........好彩今次帶左手套,所以冇腫得咁勁,但係個身就中左幾野啦,不過都係濕碎野黎姐,有位哥仔就慘啦,佢形呀,冇帶面罩,剩係帶對防彈眼鏡,點知同人近距離駁火o個陣,比人中左個咀,仲意料之外地打爆左隻牙,嘩..........乜連牙都打得爆呀..真係估唔到會咁勁喎,都叫左佢帶罩架啦,又要靚仔,就咁就冇左隻牙啦,有乜謂呢,呢d玩意始終都有危險性,一定要做足安全措施呀........

令人失望的人事關係

公司愈黎愈多麻煩野啦,自從由阿淫魔接手之後,因佢對d女既過度縱容,而家佢地個個都大支野到不得了,直頭係目中無人,連我都冇面比
唉~~~~你斑友仔,連好人壞人都唔識分,係....我把口係臭,但係我有冇害過你地,有冇跣過你地,有冇比過屎你地踩先??
o係你地新入黎既時候,我有冇玩過你地,有冇點過你地做野先??
我間中都會幫下你地丫,亦都從冇比過麻煩你地....
反而o個個o係你地入黎既時候,成日點你地做野,專係講是講非既肥婆,tum得你兩tum,請下你食野,就乜都唔記得晒,當人好姊妹
個高層咸你地豬手,比番d特權,著數你地就由得佢咸,仲以為自己得寵啦,就當d仔係臭四,完全唔放在眼內
wa........你地咩人黎架?????????
打份工姐,唔係做雞呀,洗唔洗比人摸呀??你地點對得住自己d條仔or老公呀??
仲要好似好叻咁,寸到爆,唉......搵人救下佢地啦,唔該...........

要走的始終都要走

唉.........今日知道左有個熟客離開左呢個世界,係近呢三個月黎既第2個啦,o係呢度做左三年,間唔中就有呢d消息傳出黎,再唔係就係生cancer,唔係客就係同事,有d仲係好後生既tim
唉~~~做人真係化學,不論男女老幼
前o個排仲見佢落黎食飯
前o個排仲見佢o係廚房煮緊野
前o個排仲見佢吸緊塵
前o個排仲見佢整緊酒吧個雪櫃
前o個排仲見佢幫客泊緊車
雖然成日都朝見口晚見面,但係前o個排先同佢傾第一句偈,先知佢叫咩名
無論你係咩人,處於咩位置,充當咩角色,要帶你走既時候,你都要乖乖地隨它而去,不管你或你身邊的人作好準備與否??