拿…今日有重點遊,去京都,所以一早起身求其食D野就出門口啦
搭左一輪車去到呢個站
跟住一直向前行,2,3分鐘就黎到呢度
人一世,物一世,一場黎到日本緊係要著下和服啦(如果唔係我要影相,我都著呀)
我地一齊入去揀衫,雖然好多人,不過揀左幾個字就揀到啦,咁佢兩母女去換衫我就梗係出去hae下啦,問staff大概要幾耐,佢地話大約45m ins啦
我見9個字,話多唔多,話少唔少,就搵間老麥嘆下caffee先…
我個人呢就好準時既,45m ins之後已經楝左喺鋪頭門口等佢地啦
一等……………………….
等左45m ins,yeah~~~~~~~~~staff姐姐足足報少左一倍時間,所以話女人,多數都係信唔過既
A…見到啦,見到啦…又幾靚女喎豬仔….
好…出發去清水寺
搭4個站巴士就到,不過都要行一段路入去既,但都唔算遠.以下落黎冇乜野講啦,以相為主,go…………
呢度都幾多野行,加上天口又熱,行到腳都軟,咁岩見到間野幫人畫畫的,不過好很貴,but又係抱住一場黎到既心態,貴就貴啦…
畫完畫,都就黎天黑啦,回程啦,就喺呢個時候,夫人話件和服kool到佢就黎透唔到氣,就快過身,不如搭的士囉…
我一聽到的士即時面都青左一截,你知啦,在日本搭的士係非常豪華既一樣消費項目,不過……..為左保住妻女既性命,燒賣就燒賣啦…
喺回程既時候,呢兩位朋友已經倦到….呆左
返到道頓崛啦,好肚餓呀………….
黎左日本幾日都未食過拉麵,實在太唔似樣啦,本來諗住去金龍,但係嗰條龍真係好金呀…一於搵四天王啦,差唔多既啫
是日筋疲力盡,極速休息!!!
