不經不覺就進入左人生一個新既階段啦...
一路都係輕描淡寫地去處理婚事,係最last o個個半月就較為忙d,覺得最難攪既就係個排位
有d人會問我,點解你好似乜都唔緊,hea下hea下咁就攪掂個婚禮???
明知會有大把分歧,明知會有大把野嘈,點解唔將所有野都看開一點點
好簡單...你想個婚禮開心定唔開心丫???我並唔係要一個世紀婚禮,亦冇咁既本事
((一世人一次))......好多人就係比呢幾個字玩死左自己
每個人心目中既婚禮都唔同...
有d人要金碧輝煌,衣香檳影,每一樣野都要夠派頭(那怕同財仔咬下耳仔)
有d人會編排到每一分鐘,每一個人,都會有屬於佢既崗位,全程每一個細節都要好似(奧運開幕禮)咁,(盡在掌握,不能有絲毫誤差)
((婚禮))並唔係((婚姻))既全部,點樣去維繫,去延續先係婚姻既重點
若然因為要攪一場婚禮而導致往後既生活,人事有負面影響,實非為人所願
所以...與其因為一大堆既要求,而令到自己不停咁o係度玩捉錯處,成舊(掹羌)咁去面對,倒不如將所有底線稍為下調,令緊張既神經抖一啖氣??
唔同既人去做同一件事,爭吵實屬難免,但千萬別將它轉化成((怨)),事件若干時後,咪當粉筆字囉...
所以我覺得應該o係((一世人一次))後面加多句((梗係要開開心心啦))
但係點樣去令自己開心,就真係因人而異啦...
而我呢???我只係需要一個暢順而令我倆舒服既婚禮
慶幸地...我做得到
更慶幸既係...我搵到一個同我理念相同,可以互相配合既
好老婆
