一個突如其來既約會,一個估佢唔到既發起人,一班瘋人...
咁又過左一個歡樂既晚上.....
...........唔好打面,唔該...
本來唔諗住玩,因為見到都頭暈,點知原來係比詩嵐點左名,為免比佢丙,咁就玩啦....
001. 介紹自己時會叫自己: 我好多名架喎...^^
002. 講出自己全名會否唔自在：響全朵???儘量唔好啦...
003. 鐘意男/女朋友叫你咩：冇所謂喎
004. 鐘意叫自己男/女朋友做咩: 佢鐘意我叫咩咪叫咩囉
005. 而家呢個歲數．覺唔覺好老：我......老啦
006. 鐘意自己係整齊既靚牙定係可愛既爆牙：整齊d好
007. 鐘意阿爸定阿媽: 兩個都鐘意
008. 對上一次玩既動物: o係大澳玩過隻好肉酸既狗
009. 寧願做狗定人：梗係做人啦,唔好玩啦.........
010. 今日既天氣如何：好似麻麻地喎...
011. 鐘唔鐘意落雨懶型唔帶遮：傻架咩,我gel左頭架...
012. 如果落雨無遮而隔離有個靚仔/女話遮埋你會：dot晒~~~
013. 如果自己同性戀，會選擇戀人是：我會打死自己
014. 如果玩３play(或更多)．對象會是：兩條正菜啦
015. 食腸粉鐘意甜醬定麻醬：both
016. 如果女人．鐘意可愛男還是男人味男：梗係男人味啦,man嗎...男人可愛???嘔唔嘔呀???
017. 如果男人．鐘意可愛女還是女人味女：冇乜所謂喎,"愛"就得啦..
018. 如果自己個BB係隻怪獸．會否沖落廁所: 賣比科學家啦...^^
019. 鐘意攬定係鐘意錫: 點錫先? 攬住黎錫...^^
020. condom會鐘意strawberry定chocolate味: 有乜所謂je...
022. MSN Online Status多數是：冇定架喎
023. MSN最常談的人：都冇定架喎
024. 上得最多的網：終極黑仔王--blog...
025. 現在最想殺的人：o個隻死狗公
026. 現在最愛的人：家人與一眾blog友
027. 現在最掛念的人：梗係"終極皇太后"啦......
028. 現在想做的事：瞓覺..(好很眼瞓呀)
029. 可以時光倒流．想回到那時：唔面對現實既人先會時光倒流,我最鄙視...
030. 鐘意左手寫字還是右手：右手...
031. 會否用腳趾夾人：
032. 坐車隔離條友訓落你度．你會 : 靚女以外物體....her佢(((((
033. 會否睇戲睇到喊：以前從未試過,近呢幾年開始有少少轉變
034. 承上題．咩戲：唔記得囉
035. 暫時來說．一生裡最愛的人：好難答
036. 暫時來說．一生裡最憎的人：都係o個隻死狗公
037. 身上有重要的東西嗎：樣樣都重要,值錢既就冇啦
038. 剛才食左：老豆整既鹽水雞翼
039. 剛才飲左：鴻福堂--雪梨菊花
040. 剛才聽既歌：馬戲團之戀
041. 剛才睇既電視：好耐冇睇過電視啦
042. 每日返工/學．幾耐可出門口：半粒鐘
043. 會常遲到嗎：very少,我唔鐘意遲到既..
044. 會常逃學/工嗎：唔會
045. 對上一次逃係幾時: 中學
046. 砌過最多既砌圖是幾多塊：我唔玩呢樣野既
047. 那是什麼圖案: xxxxx
048. 電話繩是什麼：冇用
049. 電話桌面是：原廠跟既
050. 電腦桌面呢：windows
051. 鐘意沙灘還是山頂：兩種唔同feel,都一樣鐘意
052. 有看過流星嗎："小那星"就有...
053. 分手前最後的說話．希望是：我會可惜呢段感情,但係唔會可惜妳
054. 分手前最後做的事．希望是：做咩呀???
055. 現在最想擁有：幾時都係健康
056. 可以不停聽都唔悶既歌：""星""醜女大翻身 主題曲,韓文
057. 唱Ｋ喜歡做的事：都係唱歌好d
058. 享受唔開心嗎： 呢條問題係咪低能架,享你老味....
059. 唔開心時最like做：一係就唔自閉,一係就搵人傾計
060. 有寫日記的習慣嗎：blog算唔算呀???
061. 若比人偷睇左會點：吊死佢...
062. 最痛的是：問黎做咩丫...
063. 若個阿叔係升降機內放屁你會：o係最近o個層出...
064. 若有阿叔自認放屁你會：鄙視佢
065. 若有阿叔谷個屁出黎放．聽到D聲你會：都冇法架,唔通打死佢咩~~~
066. 上一次內疚係幾時：呢個係我既死穴,唔講得
067. 上一次講大話：點會記住架???
068. 家裡有多少人：我同老豆囉...
069. 鐘唔鐘意新特首：冇意見呀....
070. 你對人生的看法：順其自然~~~
071. 你還想做人嗎：做...點解唔做呀???
072. 死之前最想做既野 : 見多一眼想見既人
073. 最得人驚的死去方法：窮死
074. 希望自己點死：開心死...^^
075. 現在最令你擔心的事：.份工可以做到耐??
076. 短期目標：去日本
077. 長期目標：去多d地方囉
078. 會否結婚：有人要我先算啦...
079. 會否生仔 : 同上
080. 影相最鐘意：鐘意呀
081. 鐘唔鐘意豹紋：冇話鐘意,又冇話唔鐘意
082. 鐘意粉紅色嗎：麻麻地
084. M記鐘意食咩：孖芝
085. 會買車嗎將來：講唔埋喎
086. 可以即時"必"到眼淚嗎：必屎就得
087. 可以忍笑嗎：難度好高喎
088. 一天最多可沖涼多小次：睇需要啦..
089. 腸胃炎的話．你寧願狂痾定狂嘔：屙好d,因為我慣架啦
090. 望一望你的底褲是什麼色：黑色
091. 有否剃毛呀今日：梗係冇啦
092. 有冇用止汗濟or香水：止汗劑要用啦,大熱天時
093. 你相信自己可以打死一個人嗎: 每個都可以
094. 如果你可以問一條問題．你會問咩：幾時有六合彩頭獎中呀??
095. 怕什麼生物：兇悍既女性
096. 機舖打波波．最高紀錄幾大力：未玩過喎
097. 而家聽緊既歌．唱緊果句歌詞：而家冇聽歌
098. 知唔知諗100條問題有幾辛苦：唔只好辛苦,仲要好得閒tim..
099. 這100題來自：詩嵐
100. 對這100問題的感想：下次唔好攪我...
拿...有興趣既就自己玩啦....
講番o個日行緊大澳既途中,忽然醒起未約人食飯,以下係幫主同我既對話...
幫主---黑仔,你約左人食飯未呀??? (語氣帶點兒審犯味道)
我---係喎,掛住影,唔記得左tim,wa....成三點幾架啦喎.....
幫主---咁仲唔快d搵...... (係既係既,大佬)
我---但係去邊度食好呀???有冇好提議呀??? (呢個對我黎講永遠都係一個難題)
幫主---咁都要搵左先架....
我---你老味...約人食飯,唔話比人聽去邊度食,點約呀???
幫主---等等,諗下先.....
***跟住大家靜左一陣......................***
幫主---呀.....有啦,不如去燒野食囉...
***當時正處於列日當空既情況,汗水正豪情地不斷向體外排出***
我---咁熱,燒野食???仲要係行完一日去燒野食???會唔會吋左d呀???
幫主---咩呀(((((( 家陣你燒唔起呀??? (哈...食餐便飯je,唔洗兇呀???好.....就陪你癲下......)
於是立即撥出多個電話,因為太即慶既關係,同埋我個老毛病又發作,就係一要我搵人,我就諗唔到人名架啦,腦中一片空白.......,所以起初都唔係好多人參與
殊不知越燒越多人,最先到埗既係飛龍同浩然,跟住係我,幫主,(火羅)爆伉儷,sun,再之後係米妮,龍女,oscar,萬人迷鐘少,最後就係成功逃脫既火鳳凰.....
最後仲劈埋酒tim...唉~~~點解會咁架???
妖....睇相啦........
知唔知呢班人做咩咁全神咁望住同一方向呢???
原來o個晚係o個套乜Q野金粉大結局,唔怪得個個好似撞晒邪咁啦....
團照梗係唔少得啦....
拿....黎料啦......
又癲啦.......
真係比人打唔好問點解???
呢張精彩呀....李小龍上身......(我..打....................)
未來戰士第一集,阿諾豬扒生力啤先生咪就係咁樣出場架囉....
""姣然""又發功啦.......
一睇龍女對眼就知飲左酒啦,,,,,,,,,wa.....幫主肯比人影個真身啦
佐豪淫瀨幫主.....但係好可惜隔離o個兩位比唔到戲,好似搭緊枱咁....
你地做乜笑得咁開心???((咪住....龍女有蛀牙呀......))
浩然做乜搵個""格叻底""向住鐘少淫笑???
連阿sun都指住鐘少黎笑???(鐘少個樣仲要咁嬌俏喎..)
哦.......原來要飲酒....而呢枝亦已經唔知係阿鐘少所飲既第幾枝???
阿鐘少,你o個晚咁輸法,我真係要將我個"朵"讓比你啦...
飲啦..................................but...飲還飲,唔該攪攪個頭先,比d儀態好冇???
woo.......呢幅相影得幾咁悽美,幾咁不受世俗約束...我係你就copy番去自己個blog度做車頭啦....
飲飽食醉之後,我地就同阿sun,飛龍,鐘少say bye,跟住就分兩架車殺番出市區啦
本來都相安無事,不過我忽然升起左一個念頭,就係影相啦,就係咁,我地就o係一條濕滑既公路度你追我逐,當時在我地車內既有(jacky,oscar,米妮,幫主同我),其間o係車廂中仲鬼殺咁嘈,嚴重影響司機既集中力,事後諗起真係有種執番身彩既感覺,o係度真係要同阿jacky沙番個冧
咪就係為左呢幅相囉...(你睇浩然個樣,幾咁想打死佢呀...真係...)
))立即產生左負面情緒,於是即刻改變主意,去影相
