扑星day

經過左23至25號連續3日,每日13小時既體力化工作之後

個人已經近乎虛脫咁濟,好彩26號放番一日假

本想用呢日假黎比個人回下氣既,但係話晒都仲係聖誕佳節

咁梗係要同事頭婆拍下拖啦,所以預先已經o係網上訂左飛睇

三啲""阿麻辣""

總括黎講套戲都係好睇既,d特技做得非常出色,又唔會有一刻悶既感覺

唔覺唔覺咁就睇左兩個幾鐘啦,一套戲最難得之處就係你唔覺佢d時間過....

係o係帶""3啲眼鏡""方便kick手d je,因為我本身已經有副眼鏡,再整多副就真係踢腳啦...

戲院真係人山人海.....

拿...o係旺角既西洋菜街一帶,人多就梗架啦

行街既人多,買野既人多,賣藝既人多

一d無所事事,游手好閒,唔肯搵工做,成日企o係張櫈上面唔郁扮有型既3失青年又多

呢日連傻佬都多左...

有位師兄寫晒大字報擺晒o係地話""愛容祖兒""都有喎...

仲同埋d圍觀人仕o係度答問大會,真係傻得有紋有路... +_+"

就係呢位師兄啦....

大字報示愛...真係愛感動天呀~~~~~

睇完戲約左細jac伉儷去任食""小肥陽""

大戰左兩個鐘之後,個頭濕晒~~~個肚爆晒~~~

o係咁飽肚既情況之下,係絕對唔適合即刻返屋企既

所以去散下步先...

好就腳咁散左黎呢度...

可恨我冇帶大機,只係帶左部DC

大部份人都係做緊同一個動作

是頭婆件外套真係好.....""晨褸""

難得有人揸機,梗係影下合照啦....

咁就放左一日假....

第2日瞓醒,又要繼續地獄式生活啦....

撐不住

地獄月開始第18日

經過左連番既被蹂躪,再加上天氣轉變

我終於都頂唔住

病倒了...

先則狂流鼻水,繼而仲咳埋

呢次又有排攪啦...

阿門............................................

地獄之初

地獄月才開始個幾星期.......

第一日隻手指已經"慘"左刺,第2日腫到爆晒,成個禮拜都未好

含晒膿,過多兩日一定要搵e生篤鬼穿佢...因為實在係太........痛啦..

每日9小時工作,除左食飯o個一個鐘,其餘全部時間都係做...做....


做......................

不停咁搬,抬,托...

我開始發覺其實我係一個""碼頭咕喱""

經過呢幾日既過度勞動,我d舊患開始慢慢引發出黎啦..

首先手腕開始想黎料,條腰都蠢蠢欲動,萬一條腰一有d咩風吹草動

我一定會選擇離場,始終身體先係最重要...

今日我開始返大早,朝早6點...

平時呢個鐘數我先岩岩上床,而家竟然已經要開工,真係唔慣...

但係又因為咁樣比我知道原來""的士""係朝早6點交更既

我今朝落街截車既時候,條街想搵架的士睇下都冇,等左不知幾耐先比我截到架

個司機o係我上車前仲問我去邊,近先去,遠就唔去,話趕住交更

呵~~~黎緊呢幾日都係要再早d出門口囉...

跨年地獄月...

由12月1日開始,一連兩個月...

我將會進入地獄月,因為小弟將會被調派到第2個部門作出協助

而呢個部門亦以高勞動性見稱

唉~~~我都幾廿歲人架啦,仲要我擔擔抬抬,我會死架...

現實真係殘忍,兩個月前狠d遞信咪好囉,咁就唔洗捱呢兩個月苦啦

都唔知仲有冇命過到年,或者可能斷減d手手腳腳

請各位為我祈下福,希望下次見面,我可以齊齊整整啦....

鳳凰之行

籌備已久既""鳳凰山日出行""o係11月20日順利進行

o係出發前既一星期,天氣突轉,氣溫暴跌

市區氣溫都係得8,9度,o係咁嚴寒既天氣之下,究竟會有幾多人堅持呢個行程呢???

最後都只係甩左3個je,但係就神奇地臨時加入2個,哈~~

當晚11:30 o係東涌港鐵站集合

出發前,個個都仲好靚仔,靚女架...

11:30搭車到起點位置

當時已經十分凍架啦,所以立即上齊""嫁生""

阿蓋達黎啦..............

上山過程十分艱辛,因為風力實在太猛,個人係可以比d風吹郁既

所以一個企唔穩就會有跌落山之危,又要抗寒,又要抗風,真係步步為營...

因為對手帶左手襪,又要攞電筒,又要扶住,所以都冇乜點影相

o係推進速度得好慢既情況之下,終於用左3粒幾鐘先上到頂...

好好彩,我地係第一班人上到去既,順利進拈到呢度,叫做有瓦遮頭咁啦...

即刻卸低晒d野先...

呢個雖則叫""避風站"",但係佢有一個好大既門口位,冇遮冇擋

所以d風都係發左癲咁湧入黎,於是我地就要諗計啦

最後整到咁樣,盡晒人事架啦...

但係氣溫依然係好................很凍

個個都縮下縮下,仲要個人越坐就越凍

東哥呢個造型直頭係一件聖誕禮物啦...^^

著到咁去打劫一定冇人認到啦....

特別鳴謝東哥帶左呢幾件傢伙黎,等我地可以煮下麵,煲下水飲暖下身,唔係真係鑑生凍死都似...

o係等天光既途中,發覺天氣十分不妙,煙霞非常大,四周白朦朦一片,心諗都打定輸數啦

等左大概3個鐘,天光啦....

唉~~~咸旦黃就冇啦,只係見到一pat咁既野...

真係朦到乜都睇唔到...

是頭婆梗係扁晒咀啦,佢話咁叉辛苦上到黎,乜都睇唔到...

既然冇日出睇,一場黎到,都要影番d相""到此一遊""相既...

黎到呢度,一定要同呢個牌影番既...

呢條柱都唔少得架...

好...落山啦......

o係昂平條路回程,woo~~~d路好高好斜呀...

***其實今次個過程真係並唔容易,但又唔係太過可怕,所以我都係覺得幾過癮

從冇諗過自己會o係接近冰點既情況下行山,試過之後,覺得自己既歷練又多左

以前我唔明白d人點解要搵條命博去上雪山,而家我有少少明啦

人生數十年,舒適既環境日日都有,趁自己尚有能力既時候去做一d平時唔會做,少做既事,為自己帶黎多一點非一般而又難忘回憶,實為人生添上多一點色彩,多一份樂事

***下一個目標...蚺蛇尖***

濃縮誌

wa....超過10日冇updated過啦...

10日實在係一段頗長既日子,要濃縮d寫先得啦

11月7日...

是頭婆有個老死大學畢業,所以去左賀一賀佢

同埋人生裡面既咁大件事,梗係要影下相啦,係咪先~~~

琪琪,祝你前境一片光明...

(呢度我日日搭車都會經過,但係入去就真係第一次啦)

***********************************************************

影完相,就趕住入錦田,因為約左班老鬼同埋d佢地d老婆仔女去BBQ

對上次d咁既聚會已經係年頭啦,雖然隔左成大半年,但係都叫密左架啦

以前......我地幾年都見唔到一次面架.....

******************************************************

o個度地方都算幾大,我地仲o係度學人放風箏tim...

wa.......起啦,起啦,起機啦......

我仲扮晒野,走去教d o靚仔,好似好堅咁

有fans架....

真係好高架,我支鏡扯到盡都係咁細粒ja,到後尾仲成為全場放得最高既一隻風箏

but......................................................................................................

最高係要付出代價既.........

當天開始黑,大家又開始肚餓,咁就梗係收返隻野落黎啦,點知一收.............

呢隻野足足收左20分鐘,仲分開幾個人輪流接力,你老味,乜條線咁長.........架

當日d雲真係好靚....

順度幫阿豐哥預祝埋生日,哈~~~真係幾廿年黎既第一次...

***********************************************************

11月13日

約左老jac睇2012,咁睇戲前梗係要食飯先啦,我唔知癡左咩,竟然提議食鐵板燒

佢地聽到我提議食日本野,都當場呆左,唏....一餐半餐,冇所謂既

唔洗成日都係食中菜咁dry嗎...

wow~~~放火,我最鐘意.......

食完呢餐,我至知咩先係真正既地獄,間野爆晒場,成幾廿客,都係得3塊板炒

睇見d師傅摩打手咁不停咁炒,d餐炒極都炒唔完咁,真係見者都心酸呀~~

***********************************************************

11月14日

天陰陰,天色暗到爆,仲要成4點幾先去郊遊

認得呢度嗎,應該唔難估啦

城門水塘是也....

行程中發現上圖呢兩位人士好似蘊釀緊d野,hee~~~~~~

祝你地快d走埋一齊啦,haha~~~~~

聽日...就係闖鳳凰既時候啦,希望可以順利睇到日出啦...

嘉道理#2___小白鷺

11月6日,星期五...

應崔老闆之邀,去嘉道理農場影相

其實之前同細jac去過一次,但係o個次因為逗留時間較為短,只係行左好少地方

又因崔老闆DL左農場個地圖比我睇,原來係好......大既,我上次只係行左一小角je

佢又申請左訪客車輛入閘紙,所以就好興奮咁再去多次啦

一入到去就第一時間剷上山頂

有個亭喎

wa...崔夫人真係唔講得少,擺晒post

S型,pro呀....如果配埋件比堅尼就一流啦,哈~~~~~

阿崔生都瞓身演出架...

next position

呢個位真係好多小蜜蜂,絕對係呢一帶既惡爺,呢隻足足o係我隻手度玩左分幾鐘,嚇屎我....

原來有shuttle bus上黎架喎

又要用呢個方法自拍啦...

咁樣都可以

肚餓,中場休息,四d""餓驚力""菓汁同食品醫下肚先~~~

食完野,o係下層範圍行下先..

實見到呢幾隻野架啦...

睇佢身形,就知佢過住幾幸福既生活啦..

可惜唔岩時候,花未開...

向山區出發...

呢張相影得艱苦囉,手動對焦,儘人屎石膏手,不知影左幾多張先影到叫做清楚d架ja...

我始終都係鐘意用慢快門影流水

拿...呢d咪少奶奶囉...行緊山都仲抽到時間睇雜誌,幾滋陰~~~

臨走見到個""猛禽區"",裡面o個真係隻隻個樣都非常兇狠

好可惜因為d鐵絲網既關係,多數都影唔到...

呢隻醒到不得了,好似知道人影緊佢咁,爪住條魚屍,唔係食架喎,一味跳黎跳去擺post

睇黎佢都係想去娛樂圈發展啦

好啦,轉場....

小白鷺餐廳

個天開始黑啦...

咩呀...

唔知架巴士去邊既呢???

鳴謝崔老闆既安排...