低落....

今日我嚴重姨丈到,o係夜晚開開下工突然黎料,忽然好討厭自己既工作
好討厭個環境,
好討厭某d同事,
好討厭d仆街客,
好討厭每日都要落場,
好討厭一對住d客就要烚熟狗頭,
好討厭每日一嘟咭就要帶住個令人作嘔既假面具,
好討厭自己每日o係公司所做既一切....
一諗起自己對住d客既樣,就好想嘔....
做左呢行十幾年,偶然都會出現下呢個情況,不過今次特別嚴重,down得好緊要,好彩聽日放假,可以比自己放鬆一下,調節一下d心態...
我既體重又再下跌,近呢年幾,公司真係旺左好多,而d人又越黎越唔做野,照下鏡,我真係殘左好.......多,
工作量又多,體力消耗又大,又做得唔開心,胃口亦相應變小,
再係咁瘦落去,我諗我真係好快會死
究竟我幾時先可以跳出呢一行呢??
嘿.....呢個就係我今晚個夢既主題...