呢個唔係就係~~黑仔王~~囉

黑.........................................................
話說我今日去左深水埗諗住買d槍既配件,咁因為個袋得四條野,咁就走左去地鐵站禁機,唔知發左咩神經,定係撞邪,禁完機十下十下咁就走左去食野,食下食下發覺有d唔對路,即刻攞個銀包出黎睇下,shit......得四條野???
仆街丫.......原來剩係識攞番張card,唔記得攞錢,你老闆....就咁就冇左8舊水...
唉~~~~今個月已經夠窮架啦,又要做人情,又要買老西,家陣仲要冇左成千銀
唉~~~~阿天哥做乜要咁玩小弟呢????
好啦,諗住暫時忘記佢先,繼續我plan好左既行程,去買boot,睇左一輪,睇中左兩對,都冇我既size,後尾再去第2度睇,呀...有size啦,不過對鞋本身有d問題,咁叫阿哥仔攞過對啦,點知o個對已經係last one,我頂...........係咪玩呀家陣,想買對戰鞋je....唔洗度度都冇呀???成個旺角d8號boot著晒草呀???比海關掃晒呀???
好.....我忍你....唔買囉,以後都唔買,我下次著對拖鞋去打game囉,好冇???仲要行路入元朗,滿意未???