岩岩返到屋企沖埋涼啦,可以為大家報導啦...
shit爆,話說我幫佢地叉電,點知d電出現嚴重問題,叉左5條電,5條電都係打左一陣就已經冇電,真係唔知點解,叉o個陣明明BB聲話叉完架啦,點解裡面得咁少電既呢??部叉機新買架喎....
好彩個場有叉機供應,即刻開恆幾部機一齊補飛,白白浪費左大半鐘時間,遺憾.....
今晚場game因為臨時有好多人縮沙,所以得番13個人打,不過都無減到我地熱情,落到場一樣照喪o肥>>>>>>>>>>.
今晚我同飛師兄,carol係同team,飛師兄第一場已經表演par地絕技,如果唔係d電有問題,打打下謝左,我諗佢一定會有更多既隱藏秘技施展出黎...
但係我都係覺得佢如果再兇狠d就正啦...
至於阿處女carol,見佢病病地既狀態,諗住佢會較為呆滯,哈~~~點不知一落場我發覺佢已經有種潛藏既兇性,好肯向前推進,同埋佢一o禁住個雞就好似唔想放手咁,一下起碼都要shoot番你四,五十粒彈先滿意咁,o個種狂態呀.....正呀........
病都咁狼啦,如果好人好姐,再打多一,兩次tim,呢條友都應該幾kick手,我諗下次佢要買多隻500發匣先夠佢喪o肥啦
唔得啦,好眼瞓啦,有咩聽日先再講啦.....
d相o係飛師兄度,要睇相就請移玉步啦,唔該晒.....
F
回覆刪除