醜女真係咁受歡迎???

又到放假既日子啦,好想去游水,但係而家出面落緊狗屎,睇天氣仲話聽日都仲有得落,唉......即係又游唔成啦
公司d女愈黎愈過份啦,今日差d忍唔住同佢地炒野,簡直就係搵交嗌,唔好迫我咬你呀,(我顛起上黎,連我自己都驚呀)o係公司我忍..你,出到街就唔包啦,小心山水有相逢呀
上個禮拜想睇""醜女大翩身"",去到戲院,竟然一張飛都冇,魔盜王都仲有3行,咩料呀??
今日o係公司有個同事話睇影評寫到好好睇,寫到一定要睇,係咪真係咁堅呀??
各界好友,如果有人睇左,請留個言過我知係咪真係咁正呢??
又或者都同樣好奇想知既,又唔介意同我一齊去睇既又得
總之....話比我知又得,同我一齊去求知又得,得左....