壯烈犧牲...............................................隻牙

今既又去左打game啦,都係自己衰多口,晏晝見到阿man貪口痕撩下佢,諗住佢實唔會去架啦,本來佢都話唔去既,點知佢收工o個陣o係locker比阿西佢地捕獲,仲打電話黎chur番我轉頭,話我叫左佢去我又唔去,唉.....冇計,做人要講口齒,鬼叫自己多口咩,返左屋企都要出返黎,唉.......
我又係中指中槍呀,邊有咁o岩架,真係揸住隻""中指""做人,........好彩今次帶左手套,所以冇腫得咁勁,但係個身就中左幾野啦,不過都係濕碎野黎姐,有位哥仔就慘啦,佢形呀,冇帶面罩,剩係帶對防彈眼鏡,點知同人近距離駁火o個陣,比人中左個咀,仲意料之外地打爆左隻牙,嘩..........乜連牙都打得爆呀..真係估唔到會咁勁喎,都叫左佢帶罩架啦,又要靚仔,就咁就冇左隻牙啦,有乜謂呢,呢d玩意始終都有危險性,一定要做足安全措施呀........