復出槍壇第一擊.......

今晚一行12人去左觀塘某工廠大廈打槍game,係我相隔多年後首次復出,今次只不過係打單發姐,所以都唔會好危險,而且又有足夠裝備,都算ok架啦,只係隻中指中左一下堅既,有一節腫左,比起有d人通身瘀晒,算係寶刀未老架啦,
不過真係十指痛歸心,中o個陣真係快感到死,零零卸卸一粒肉突起左,e~~~好鬼肉酸呀.....返到屋企都散左好多lu,剩番一點血泡姐,求其搵d藥油搽一搽就算囉,
總括黎講今次都幾好玩,因為全部都識既,唔會打好大火力,個場又ok,d節奏都幾緊張架,價錢又合理,我諗都會有下一次,哎呀........死啦,容乜易跌番隻腳落去架,冷靜冷靜........
各位觀眾.............破天荒比張肉照你地睇下呢,

拿.............唔好斬眼啦..........

登...登...登............

哈.......估下邊個係我???
冇錯,就係冇著衫,好sex o個個啦,哈~~~~~~~~~~

就咁睇好似冇乜野,如果同另一隻手指比就睇到唔同啦,掂一掂都好痛架
咁少戰績,叫做好駕勢架啦........