怱怱十年......

香港而家又全民皆股啦,乜鬼野人都走晒去買股票,一有新股抽就個個都好似有錢執咁,唔理3,7廿一都走去遞form先,97到而家又十年啦,十年一個循環,你估幾時又會有新一代既股災出現呢??
十年前既我同十年後既我又有咩分別呢???除左老左之外,幾乎都係一樣(咁失敗.....)
我又瘦左啦,今朝o係locker磅一磅,wa............嚇到我面都青埋,得132磅,除左3年前o個次之後,呢期係最輕架啦,喂...我話晒都有五呎分八吋半丫,有冇攪錯呀,你話同支火柴有咩分別丫??唔通我(命範火柴孤星,無伴終老,瘦猛猛一生),呀.........我醒起啦,我記得我好耐之前我阿媽係用火柴黎點香架,唔通佢鉈緊我既時候用火柴點香點得多,所以有影響??唔.......有可能,有可能.........唔知遲d會唔會瘦死呢??
後日就係母親節,黎緊呢兩日既訂位已經進入恐怖階段,星期日仲over左tim,睇黎呢兩日又唔知要o.t  o 到幾多點lu,希望過埋呢兩日,d手手腳腳可以仲係自己架啦.
唉......又要報稅啦,我呢d窮人都仲要交稅,真係o係乞兒兜攞飯食啦..