母親節的感慨

wow........終於捱過左兩日地獄式既生活,真係好好好倦,可能因為經濟好,所以d人好肯洗錢,連d咁貴既餐廳都可以爆到咁,所以你話香港幾多有錢人啦
其實做左呢行咁多年,節日對我黎講已經係毫無意義,因為o係父,母親節我永遠陪唔到老豆,老母飲茶,情人節我永遠陪唔到女朋友,過時過節我永遠都冇得去慶祝,因為我要返工,呢一個遺憾,亦只有一斑好好既朋友同屋企人先可以諒解到我,只有佢地先知道,我都係為左啖飯姐,你估我唔想放紅日咩??o係呢度向我呢斑好朋友同埋屋企人致敬....
今日同阿惡通過電話,佢話阿媽呢排身體唔係好妥,同埋個人又好負面,好似想交低晒d野咁,其實好老實咁講,人活到一把年紀,做人仔女既都要做定一d心理準備,因為呢個始終係人生必經既階段,要黎既,你阻都阻唔到,要走既,你留都留唔住,面對現實其實係我地每一日都做緊既,分別只於在事情既喜與悲,樂與怒姐