尋晚終於都食左一餐好飽既晚餐,我成8點先入到愉景灣,但竟然係最早o個個,o係開檔途中,佢地先分別返到,差唔多成9點先食,有蝦,鵝肝同牛扒,仲有一ja 配菜,好飽..........
家明就照慣例,一早就已經醉左去瞓啦,大佬佢地都未走就已經攪掂左啦,冇料.......
跟住就同兩個家姐o係度飲酒吹水,嘩........傾下傾下,3點啦擋,仲影左好多副相,笑死人
今朝瞓到2點先起身,落街食個lunch後,就去左家明間新屋參觀下,wow~~~~~落地玻璃無敵半山半海景,仲有penthouse,睇黎下次攪party都要轉地方囉,不過記住唔好飲咁多住,唔好咁早瞓喎,哈~~~~~~
跟住出番旺角食左個龜零膏,本來想行下先,不過突然間覺得好冇mood,都係返屋企lu.....
兩日假,就咁就放完啦...........
愉景灣真係好靚架??我真係好out未去過架..甘究竟入面又有d咩玩呢??介紹下呀~~
回覆刪除愉景灣係一個好地方, 入去行吓都係一個好好嘅節目, 由其係影相
回覆刪除愉景灣係邊架 大佬?
回覆刪除其實我認識愉景灣,係你帯我去，真係好多謝你!
回覆刪除TO:阿吳太 愉景灣查實冇乜野玩架ja,係叫做遠離煩囂,入到去你可以冇左返工同o係市區o個種好急速既節奏,行下沙灘,行下山,睇d細路仔o係度玩下水,個feel都幾舒服架,咁我又可以約埋d家姐,阿哥玩下煮飯仔,享受下d親情,係咪唔錯先??(如果可以拖埋女友去就更正啦,緣份呀......你快d黎啦,唔該....哈~~~~~~~ ) TO:Yoki 係呀,得閒入去行下都唔錯架,可以放鬆下個人,最衰我唔識影相啦,唔係就可以幫你影啦,呀.....你都冇話比我影....... hee~~~~講笑姐,講笑姐,唔好嬲,唔好嬲..... TO:三井 愉景灣o係大嶼山入面,以前就只可以搭船入去,而家就可以搭地鐵去欣奧,再轉巴士,唔洗一個鐘,都算方便架啦,有興緻既咪同你入去走轉囉...... (視察下環境,再同阿Ling去囉..)
回覆刪除