意想不到

原先諗住生日就攞3日假,可以去下d短線玩下

點不知是頭婆攞唔到,得一日,咁冇計啦,灰晒...

都預左其餘兩日留o係屋企發下霉,藕下菇咁架啦

但係就o係咁既環境之下,接2連3咁發生一d意想不到既事.......

**********************************************************

**********************************************************

13號o個日瞓到""日上十幾竿""先起身,一起身做番個稱職既煙剷之後

就梗係跟手做埋電車男啦,第一時間就係上FB料理下我d魚and動物啦

咁當然就唔少得我既偷竊事業啦,就o係我偷到如火如荼既時候...

事件一 >>>突如其來收到一個應該返緊工既人既FB即時通話,就結束左呢日發霉既生活啦

就係咁,我就應邀上左阿陸先生屋企開餐啦..

屋主父女親情合照...你睇佢地幾似樣(個眼袋)

屋主伉儷仲表演""瘦面影相大法""

wa...真係令人大開眼界,嘆為觀止呀~~~

**************************************************************

拿~~~話時話,我雖然唔係咩社會楝樑,but.....

我都叫做係一個對社會,家庭,朋友有貢獻既人,所以我係唔會黎白食既...

點都要幫下手煮既.....

拿~~~呢D咁易整既牛扒就係由我負責主理架啦

真係我煎架....係真架......................

仲唔信???

好.......睇野呀拿..........

唔打得都睇得,唔睇得都嚇得丫,係咪先???

一路煮,一路飲,一路食,一路吹.............水

o係吹吹下之際....

事件二 >>>

呢兩個人呀,呢兩個人呀......................原來已經結左婚啦...

結婚冇問題丫,結婚好呀,開心丫,高興呀.....但係點解唔請我飲先?????????

東哥...雖然我地唔係成日見,但係話晒都識左十幾年,你既大日子,我唔能夠黎賀你,簡直就係遺憾...唉~~~~~~~~~~~~~~~~~~~~~~

好啦...都過左去囉,冇辦法啦,咁唯有睇下你地d結婚相啦...

事件三 >>>睇睇下相,是頭婆竟然o係d相入面搵到佢個fd(阿張敏),仲要係姊妹...

原來佢係阿kit個表妹......頂~~~邊有咁邪架~~~個世界係咪真係細成咁呀???

於是我地就專登影左幾張合照擺上FB,等阿張敏R下頭啦,哈~~~

突然~~~~~事件四 >>>電話鈴聲響起...噢~~~~係超~~~好人既飛魚媽噢~~~

原來佢又過左黎香港飲宴啦,真係貴人事忙,o係返澳門前都專登打個電話比我,真係有心啦,咁我梗係要同佢傾下計啦,o係我入左廚房同佢講電話既時候...

呢班人古古惑惑,鬼鬼鼠鼠咁...

wa...擺晒post咁喎,阿陸太~~~想同阿<<誇啦啦baby>>爭飯食呀???

事件五 >>>哦~~~原來有得吹~~~~~~~~~~~~~~蠟燭~~~

真係冇諗過喎,一心諗住上黎癡餐架ja...

真係多謝晒...真係從未試過咁家庭形式既慶祝,感覺又出奇地舒服喎,so good~~~~

同場加插...嘉欣扮海獅,wow~~~請鼓掌...

兩杯到肚,最好就係影下d傻仔相啦...

多謝晒,陸氏一家,嘉欣and東哥伉儷