DOWN

近日工作既情緒真係好低落

只從興起左離開既念頭之後,呢個感覺每日有增冇減

每日返到公司見到呢班怪獸o係度嘈喧巴閉都有種作嘔既感覺

但係一向現實一面諗,就真係苦惱得好緊要

做左咁多年飲食,一旦話轉,超低學歷既我,又冇乜手藝,真係唔知可以做到乜???

再諗起呢間公司既福利,每年18日既大假,年尾o個舊bonus,要搵番真係近乎零...

如果唔係遇著呢班人,我真係諗住穩穩定定咁o係度做到退休架~~~~

其實問心,走....已經係必然既事,係幾時咁解既je...

如果12月走,就要有心理準備最快都要過埋年先開始會有工搵...

咁中間呢幾個月就會完全冇收入,都幾傷下...

最重要既係,一個唔生性,幾個月都搵唔到,咁就仆街啦....真係要食屎啦...

可恨自己廿幾歲既時候話轉行話左咁X多年都係得個講字,而家折墮啦...

當年又係比d福利,大假,雙糧縛鬼住

我個頭就黎R爆啦................真係母親的抉擇呀.....


呀~~~~~~~~~~~~~~~~~~~~~~~~~~~~