今晚場game就好玩好多啦,因為d人腳岩玩,玩得有品,唔會好似上次咁有不死人
不過今晚就身中多槍,第一場game,中既第一槍就係天靈蓋,wa...醒神呀......真係有經通經,無經都止痕呀... (我係話經脈呀)
其中有一場放煙霧打,我死左之後舉晒手,嗌住咁行緊出去既途中,因為能見度太低既關係,依然被人誤當敵人,慘被狂掃十數槍.....
要即刻大聲朗讀左一段以""門字部首""為主既詩歌,才得以將佢地喝停,但可惜背部已經開滿了盛放既花朵啦.....yeah~~~~~~~~~~~~
連下爬都中左幾野,點解會咁架???
已經戴晒mask架啦,d彈都識o係側邊穿入黎既,需唔需要咁鬼馬先???
不過今晚確實真係......................好玩
我都試過明明舉晒手話自己死左...都比人亂鎗掃射
回覆刪除套衫好厚都爆晒血.....d鎗真係改到痴線架~~~
[版主回覆10/23/2008 02:39:00]咁手槍我地又冇改既....
你班兄弟晨早想做低你啦~~ 今次仲唔借d意~
回覆刪除[版主回覆10/23/2008 02:40:00]係喎,佢地打我打得特別開心架喎...
你個下巴......其實係"紅心"位,你唔知咋........
回覆刪除[版主回覆10/23/2008 02:40:00]咁我諗我成身都係紅心位啦....
嘩，土瓜灣都有得玩，係咪係ｄ工廠入面？介紹下．．．
回覆刪除[版主回覆10/23/2008 02:43:00]馬頭角道向海皮方向直落到尾.... 最邊位o個座工業大廈地牢,叫 CQB PLAZA
有沒有靚女打你呀?
回覆刪除[版主回覆10/23/2008 02:44:00]我都想有呀,我地全男班ja...
放煙霧打,又第一次聽.肯定好好玩..
回覆刪除[版主回覆10/23/2008 02:46:00]唔只有煙霧,仲可以打埋燈,好似落D咁,不過唔好玩,因為能見度太低,所以近距離駁火既機會好多,都幾傷架...
好明顯佢地係咋傻啦, 明知你死左都要鞭下你屍咁話,你仇家多呀
回覆刪除[版主回覆10/23/2008 02:48:00]哈~~~o係"" 最想射邊個榜 "",我既排名都幾高架....
聽你講好像好好鬼好玩呀!
回覆刪除[版主回覆10/24/2008 02:00:00]唔係好似,係真係好好玩.....