台北都市閒情...day 4

原先預定要去既地方都去晒啦,呢日終於都可以都市閒情啦.....

瞓到12點幾先起身,仲可以柔柔閒閒咁o係房撚下先出門口

終於都去左老jac成日都提我地要去食既.....

我地叫左碗"大"既兩份食...

妖~~~咪即係碗仔翅再加d煲到一pat野咁既米粉落下ja嗎,又重味精,好鬼食咩.....

跟住我呢個咖啡精就梗係去搵咖啡飲啦,於是就去左呢間歷史悠久既coffe shop啦(我上次去台灣既時候路過呢度而冇入到去,所以今次專登搵番佢)

呢度可以食煙架,正................

不過呢度真係名符其實既老字號咖啡店,除左我同是頭婆,枱枱都係老江湖黎架

飲完個老咖啡,就殺左去台妹極力向我地推介既.........

忠孝敦化區啦

呢度又真係幾有日本feel既,賣d野又夠潮,不過同香港差唔多價錢,所以都係冇乜收鑊

有間賣figure既玩具店,如果比團長黎到,實破產都似.....

同埋d路好難認,行行下有d盪失路既感覺

幾經搜索終於搵到我地既目標物,是頭婆既摯愛...

可惜.........呢間野係......吉.......既,裡面乜叉都冇,我地好自然十分失望啦,咁都未算,仲要忽然落起大雨,頂........o係o個一刻,我既文彩亦好自然咁衝口而出啦,,,,,((((&^%$$@(*&#(*$*$&#**@&*&#@(&

咁唯有立即搵個地方坐下,tea下先...

呢度類似香港既茶餐廳,不過d地方就闊落好多,d卡位仲好鬼大tim....

我地就係食左呢d野啦,味道都唔錯喎....

其實個環境都幾舒服,是頭婆即刻攞左佢叫佢做阿貓既道具出黎影相tim...

wa.....呢兩個造型真係正到呢.......

tea完出黎仲係好大雨,但係都要照行架,咁我地就好隨意咁周圍遊....

比我地發現到胡椒餅,之前都已經想試架啦,但係都食唔到,所以唔洗講野,即買.....

丫....衰鬼丫,又幾好食喎.......

一路食,一路行,無意中又發現到""康是美"",咁是頭婆就入去搜掠化妝,護膚品,佢話真係好平喎,咁梗係掃啦,仲諗.......................

買左足以用幾個月既mask之後,我地就盪左落去地下街見識下

wa...真係見識呀,乜同地面差咁遠架,d野真係完全冇可能買得落手,直頭連睇都費撚事睇呀.....

係見到呢間野d水餃好似幾好食咁,就走左入去試下
d野都ok既,同埋超平,d水餃係逐隻賣既,新台幣$5一隻,食廿隻先係100,即係為番港紙$25,你話死唔死....

***********************************************************************

收到台妹既電話,話原來西門町都有間stay real,諗諗下,我地住西明町,反而冇乜點行過喎,不如返去行下啦
之前黎過台灣,發覺其實台灣d衫.褲.鞋.襪有好多都貴過香港,所以我初頭都冇諗住會買到野比自己

哈~~~但係呢一轉,竟然比我掃到兩對波鞋,一條牛仔褲,一件tee,真係估唔到...
皆因.......平,原來係因為有雙十週年慶,好多野都有discount,真係意外收鑊
but.......最想買既""毒氣tee""竟然冇貨,shit~~~~~~~~~~~~~~~~

***********************************************************************

擺低d戰利品返酒店之後,就約左阿sun去食燒烤(鳴謝阿sun個同事提供寶貴既意見)

我地就係黎左呢度啦....

有好多唔同款式既野食,連汽水款式都多過人,全部任飲任食,都只係$399一位,即係一舊水都唔洗,係咪抵先???

咁當然,就梗唔會樣樣野都好食架啦,不過平均黎講,都算係合格既......

sun....食埋呢餐,我地就唔知幾時先有得再見啦.....

終於今晚同前幾晚一樣,都係懷有幾個月身孕咁返酒店,個肚又好似想爆咁啦....