老豆加油....

阿媽既後事已攪得8899

經過一個星期既人釘人貼身陪住老豆之後,各兄弟姊妹都真係要回復番正常工作,好彩近日聯絡左老豆d fd,而佢地有d又唔需要返工,仲應承左可以輪流黎幫手陪老豆,真係好啦,因為始終都要搵食,唔能夠請得太多假

經過呢個禮拜既觀察,老豆真係唔同左好多,記性明顯差左,好多時都重復講同一樣野,同埋個人比以前呆左,有時會唔知自己講乜

仲有最大鑊就係而家都仲係唔係好瞓得到覺,同依然係冇乜胃口,但慶幸佢明白到睡眠同飲食既重要,自己都會儘量咁去嘗試,不過真係冇辦法,始終年紀都有番咁上下大,受d咁大既打擊,影響一定會有,望就望佢可以快d平復到,情緒同身體機能可以回復番



<<o係呢度真係要再一次多謝咁多位朋友,blog友既關心,你地既每一個留言,每一個sms,都對我產生到好大既安慰作用,有d朋友覺得自己唔知應該講咩好,或者覺得唔知可以幫到我d乜,但係其實你地o個份心意,我完全感受得到,真架,我完全收到晒,好抱歉你地曾經為我而擔心,我既情緒已經穩定番d,當我將一切安頓好之後,我會再次融入番你地架啦,我又點捨得你地呢...到時唔好同我生疏左呀.....>>