異獸影2.....

叉左一晚電,個人當堂精神左….
諗住經過除夕同元旦,d人空群出動完之後,今日會淡靜d,所以就襯今日收9點,約左團長,Oscar,鴨仔,黑邦,鐘少去睇””異獸戰 2””
點知唔知發乜鬼野神經,今日竟然都仲係旺到仆街,連d大粒都黎埋幫手,心諗…死啦,實收唔到工啦…好彩,後尾都係O.T左半粒鐘,就夾硬chur左收工啦
一收工je,就開恆turbo,以超快步速片過去港威啦
好啦,講套戲啦….
其實我都冇預佢會比到任何驚喜我,因為咁耐以黎,絕大部份既續集都係比首遜色係既,呢套亦唔例外,亦唔算得上精彩,只可以用不過不失黎形容,支線部份(講人類)十分薄弱,隻主角比我既感覺就係””怪獸版Rambo””估唔到d美國佬既英雄主意連隻怪獸都唔放過,一條茂利山長水又遠由外星飛過黎覆焯,仲要唔知有幾多隻異形喎,我都未見過有人(怪物)會單拖去覆焯既,唔該編劇睇下我地d blog啦,我地個覆焯大會都有五十幾人啦….你單拖???真係你死左我再埋黎踩多你兩腳你都唔好怪我呀
個結局又係草草收場
睇完戲,幾條麻甩佬走左去飲杯野,傾下計,賽後檢討下,笑下,然後就徹退啦..
總之就睇唔睇都冇乜所謂o個隻啦