單車燒烤樂(二)

好啦,好啦,今晚收工返黎,喪睇完同覆完一輪blog之後,都係時候到我發表下感受啦
睇左咁多個blog友既網誌,感覺到雖然呢個聚會既過程,對某d人黎講都算幾艱辛,甚至有想死既感覺,但係大家都好enjoy呢個聚會,事後坐埋傾番,都會樂在其中,回味無窮
就我自己黎講,對於每一次既blog聚,都會盡情去投入,享受每一分,每一刻,可能有d人會覺得我係傻既,癲既,但係我實在開心...
認識每一個新blog友,我都會盡力去溝通,去珍惜,因為他(她)們每一個都有可能成為我既摯友,可能有d人會覺得我低微,粗鄙,但我只係顯現至真...

10點半齊晒12個人就去租車啦,今次有4個blog友係第一次見面既,佢地分別係
話自己十年冇踩單車,但係鬥心依然強勁既""亞靜""

個名好鬼長既,""黑色polo恤四眼哥哥""

同我係同類既war game友,型男""佐豪""

飛魚媽極力推薦既唯美派攝影大師""黑邦""

大家o係車檔嘈完一輪之後,就浩浩蕩蕩咁出發(諗住)...
點知車隊一出發冇耐就發覺有一位隊友窄窄地啦(我地唔講名既),阿窄窄地一開band就施展""左搖右擺手騰腳震面青唇白口吐白沬博炒車神功""而且仲真係好成功咁炒左兩次(wa..真係恭喜晒),將我地呢個行程帶起第一個高潮,因為見佢震到貓王咁,大家都比佢嚇個半死...

幸好最終o係眾多猛男既協助之下,阿窄窄地都可以保住條命仔踩足全程,真係劏雞還神啦...
o係整個過程之中,最值得一讚既就係飛師兄,佢將自己化身成為狗仔隊,一隻手揸相機,一隻手揸呔,沿途不停咁捕捉我地既動態,真係少d技術同膽色都唔掂,師兄,你係得既......

你地睇suki個樣,定d黎啦,阿女.........

你睇你睇,佢個樣幾駕勢,幾得戚呀,你睇佢...

就轉個頭je,已經亂咁黎啦,想炒咁款啦,係咪呢係咪呢....

拿.......你睇佢你睇佢...想喊tim啦........

原來carol就算去踩單車都要shopping架...shop下雪條呀,汽水呀,五花茶呀咁,佢都開心架...(唔好話比人聽呀...)

唉~~~~~~又4點啦,都未講晒,冇辦法啦,要瞓啦,唯有再等下回分解啦...