久違了的日式放題

尋晚同一斑blog友去左老尖o個間咩""金田""食日式放題,好老實講,我不嬲對呢d任食呀,buffet呀都冇乜好感,因為本身做呢行,知道咁既形式唔會有好野食,而自己又見慣d貴野(由其係日本菜),所以完全提唔起我既食慾,我只係抱住食茶餐廳既心態去食,同埋只係去出席一個聚會
但blog友們講到好正,好好食,又好難訂位,好鬼勁咁,咁咪陪佢地去食下囉,但係真係唔會期望
一去到,環境都幾舒服,唔會坐得好迫,都算多野食(以呢個價),我就覺得d熟野較為ok,有羊架同薄燒食係我估唔到既,仲要係ok架喎,仲有個乜鬼野炸咩南瓜咩咁樣,都幾得意,甜甜地咁,可以當desert
不過一見到d魚生,wa........當堂謝左,佢地就話好正呀,不過o係o個個時候,我梗係唔方便出聲啦,人地食得咁開心,係咪先??跟住再諗番個價錢,算啦.....想點丫,食啦........(o係o個一刻,我好掛住"肥豬",同埋佢d魚生)
臨尾見到個話每人只限叫一份既甜品,e~~~限叫???會唔會有驚喜呢???
一黎到,成舊椰汁糕咁,應該話椰汁糕仲好樣過佢,一食........
頂........完全唔掂,仲話限叫一份喎,你比多舊我都唔食呀......
呢餐既評語係:絕對可以食得好飽,但係唔會覺得好食(純粹個人意見,因為我較為麻煩je),所以同去"銀龍","翠華"係冇乜分別既
不過食乜都係其次,最重要都係同咩人食既je,三五知己圍埋食餐飯,有講有笑,都係一件開心既事黎既.....