咁就兩日啦

終於完成左呢個兩天東莞親子團啦,因為total有廿四個人,所以就自己包左一個團
o個朝早8點9就要o係皇崗集合,一齊人就立即開車朝東莞進發,可惜阿天哥唔係咁聽話,間唔中就倒d水落黎比我地嘆下,攪到全程都要帶住把遮

入到去有少少行程,再食完個飯就去酒店攞房先,點不知去到酒店竟然未有房,話未執好喎,攪錯呀,都成3點啦播,仲未執好??唉~~~大陸d人做野就係咁慢架啦      
(呢個就係屋企年紀最細o個個,我絰女啦....)
(跟住就到佢啦,外甥女..)
一入到房,e~~~都幾靚架喎(唔怪得團費咁貴啦),我最欣賞就係個toilet,wa.......大到丫....竟然係有兩隻門架,借問聲你地邊個屋企係有一間房有兩隻門架??咁鬼大,真係(紮馬)都紮得過癮d
4點零鐘就去左個乜Q類似水上樂園既地方玩,叫好過去泳池咁啦,我仲要玩滑水梯o個陣拗親隻手tim,玩玩下又落雨,真係shit........
夜晚食完飯就走左去行我地全家人都咁喜歡既""超級市場""啦,好彩冇乜時間行ja,如果唔係都唔知會變成點??開頭最主要係諗住買wine,but d野實在係太平啦,我地d零食顛狂症開始發作啦,

叮..夠鐘,團友請盡速上車......不過都遲左幾個字,好彩係包團姐...
返到酒店,差不多所有家姐,阿哥都過晒黎我房飲酒,傾偈,係爭左kelly兩公婆,真掃興.....不過都好開心,同影左好多傻相
(大合照...)
第2日check完out全部人就o係lobby度狂影相,跟住就去左個乜Q科技展覽館,hair左一陣就返出羅湖啦,a.....仲未完架,原來kelly o係唔知邊度既酒樓book左間房食飯,哈...又係幾靚架喎,唉~~~我覺得香港d食肆真係有需要反省下,一間好普通o係商場入面既中菜,都靚過你地d五星級酒店,人地大陸d裝修,你真係唔夠佢黎架......
一路食住飯,一路o係個5,6十吋既電視度睇煙花,丫...d煙花又幾靚喎...
飲飽食醉之後就返h.k啦,返到屋企都成11點幾12點,個人倦到散晒咁濟,不過講真,呢d機會真係千載難逢,下次要咁齊人,都唔知要幾時lu....