點解唔影

呢幾日都返早,woo....咁早起身,真係痛苦....
今日飛師兄終於昏迷完畢,醒番啦update左個blog,多左d新相,睇住d相,諗番起o個晚d情況,有d真係笑左出黎,同埋發覺自己真係唔適合影相
wa.......影相個樣衰到丫........(雖然本身都係衰),有幾張直頭想兜拳打爆自己,但係唔影又唔得喎,話晒呢d咁開心既片段係好好既回憶黎家嗎,唔影咪冇囉.....
回想自己o係小朋友o個陣係完全唔影相,試過要阿爹,娘又打又鬧先影得一,兩張全家福,我到而家都唔知自己細個點解咁憎影相
到左讀中學時都係極少,因為o個時開始發覺自己影相樣衰啦
我係幾時開始肯影相既呢??
話說由於年紀漸長,身邊既朋友陸續咁成家立室,咁我每次o係飲宴既時候,主人家都會播一d新郎新娘既成長片段比賓客睇,每次我都會睇得津津有味,咁當我睇得幾次之後,有一次我忽然o係度諗,如果有一日我結婚,我比咩人睇呢??我都唔影相既,到時咪冇野睇......再諗下,我既成長過程係點架??人地每一個階段都會留下影像,我好似乜都冇喎,喂...就算幾樣衰都好,係咁(椅)點都影番d丫,死啦,而家乜Q都冇,時間追唔返架喎,點算呀?????
就o係o個陣時開始,我就開始肯影相啦,因為幾廿年都冇乜點影既關係,所以你地會發現到我影相時既笑容係好生硬既(())就係咁架啦
呀.....講番d blog友先,而家除左o係blog留言,有d仲會o係msn傾計tim
可惜我做呢行,唔可以成日出席你地d function,只可以睇番你地個blog,睇你地去邊度反,得個""恨""字
不過其實係你地好彩呀,我唔係放紅日,放平日,再加上收工又收得夜
如果比我係返朝9晚6工,實日日冤鬼住你地,日日都去反,反到你地驚為止...