豬年第一炮........

恭喜發財....心想事成,萬事勝意,龍馬精神,出入平安,事事順景,財運亨通,豬年行大運(好,新年賀詞發表完畢)
豬年第一次同大家見面,真係開心.....今年年三十晚正呀,收到早,7點幾就收左工啦,返到屋企佢地岩岩開始食野,一見到我開門個個都 O 晒咀,好似見到d咩奇景咁,咁又真係好少有呢個情況出現既,所以都叫埋阿囡囡出黎高興下,hair左一輛就諗住出維園行花市,因為約左阿安,但係o係出門口之後就同阿囡囡炒左鑊金既,雖然後尾都係冇事,但係都真係幾唔開心,後尾傾番竟然係因為佢倦,所以燥,所以發我脾氣,真......混帳,你倦就發我脾氣,咁我倦發邊個脾氣呀??同埋發覺自己有時做d野都幾吃力不討好(我都成日倦,我都好燥,我d脾氣都好很大架,事在人為既姐,係咪???)我從冇試過對一個女仔咁溫柔,而佢竟然<<敢>>咁大聲同我講野同凶我,哼.......你真係大膽呀.............囡,好好反省下啦,千祈唔好燒得我咁滾呀..
初一就要返工,竟然叫做有d生意,shit......
初二諗住去睇煙花,又shit....又落雨,又遲左,最終都係睇得兩滴煙花屎姐,跟住就去左行旺角,本來好多街邊檔,不過都仲係落緊雨,再shit......
初三睇兩點半((心想事成)),唉....好一般,可以唔睇,睇完就去左阿囡囡個fd度拜年,坐左一陣就拍住拖去搭((叮叮))過銅鑼灣食飯啦,((事後先諗起,我今年成個農曆年都係陪囡囡,唔記得左去d fd度拜年tim,反而去左佢d fd度拜年,真係有異性冇人性,勁shit...................))
年初四就要返工啦,就咁就話過左個年假啦,幾快......真係唔想完住,,,,,一諗起返工就冇心機,好彩好快又有糧出,唯有諗住呢樣黎鼓勵下自己啦...