不死草蜢::::::我係燶height四

wa....成個禮拜冇update過啦,終於都有野講啦.......
尋晚同阿女睇左3隻老草蜢演唱會,好耐都冇睇過d咁好氣氛既演唱會啦,丫....呢3隻野係有d尿道,都幾廿歲人架啦,都仲唱得跳得,同埋有一樣好緊要既野,就係佢地已經係(電)堂級既組合,d歌可以話人人都識唱,(我地    o個代),所以特別容易燒起d氣氛,仲要係快歌多tim,開場冇耐,d人都已經企晒起身啦,不過$400 o個d,我地坐o係山上面o個d,因為地勢既關係,如果企起身會好危險,所以只可以坐o係度un下un下,但係我都打爆左幾條吹氣棒,可想而知幾high呢,所以如果大家有機會睇佢地,而又係玩得既人,就記住一定要買$400啦,的確係好玩d架,哈....不過我又估唔到阿囡囡都算幾肯郁喎,你知啦,佢較為靜d家嗎,不過都係爭d,如果下次同埋我一齊un呢,就更加好啦,因為有對手我會仲喪d架,哈....
尋日聽到d野,發覺我真係好好好好需要搵多d錢,唉....出咁多bonus又有咩用??一出就冇晒咁濟,如果唔係揹住咁大舊數你話幾好呢,起碼呢2年我都會剩到d錢,唔洗比人睇死,咁大個人一萬幾千都要愁,真失敗,同埋自己捱好地地,你又要人等到你幾時??唔係呢舊數??我過多兩年夠錢結婚tim啦,究竟當初呢個抉擇係o岩定錯呢??唉.....唔好諗番轉頭啦,諗下黎緊點好過啦,買多d六合彩??攞晒d身家過馬交博一博??打劫??假結婚??做補藥黨??扑頭黨??賣fing頭??做馬伕??o係街邊賣唱??定係標d有錢佬參好呢??
原來都有好多方法搵錢架喎,天無絕人之路.......哈....哈.....哈........哈............