去神戶就梗係要食神戶牛啦,就即係去鯉魚門如果唔食海鮮,唔通鋸扒咩???
我地揀左一間網上熱爆既神戶館
嘩…呢間野真係誇張,我地12點去到,等位既人已經質爆左所有可以擺到隻腳落去既地方,不過…好彩佢地方都算大,好快就已經消化晒D人潮
估唔到serve我地既師傅係一個黑人
呢度食lunch一d都唔貴,不過一分錢一分貨,質素一般
我地走時,已經冇晒等位既人啦
真係乜Q都有得夾,嚴可欣就猛話想夾,我就猛話唔夾,就係咁樣不停咁夾,唔夾,夾,唔夾,夾,唔夾…..講下講下咁就走左啦…
搭到去唔記得左咩站,一出站就已經見到….
小fans第一時間衝埋去影相
唔洗急喎,呢個只係岩岩開始
出左站都有好一段路要行,途中有好多個石像
終於黎到專為佢而去既景點啦(麵包超人館)
一入到去,呢個小fans就好似隻老鼠咁周圍捐…
又有D遊戲你玩下(要比錢的)
玩左一輪,去左隔離有一間邪惡麵包店,點邪惡法???
個個麵包都有名有姓,差不多大部份角色都有,求其買左兩個滿足下,過癮下就算啦…
原來麵超館出面就係神戶港,見到有個兒童版彈弓人設施,就問下嚴阿欣夠唔夠薑???
佢當然係懶係勁咁話夠架啦,咁我一定支持你啦…
拿…開始玩之前仲幾好笑容架,胸有成竹咁架
差唔多上齊架生啦,個笑容好似有D硬咁喎
Gogogo……………..
玩左一半塊面有D青青地啦,但係the
show must go on嗎,不過跟住落黎都已經變左苦笑啦
幾經艱辛終於捱到玩完,接番佢嗰陣個人都仲係呆呆地,定一定神之後開始有眼水湧出黎
講真,就算越玩越驚你都頂住冇喊,頂到玩完為止,爸爸已經覺得你好叻架啦,加油,下次再試過…
講真,就算越玩越驚你都頂住冇喊,頂到玩完為止,爸爸已經覺得你好叻架啦,加油,下次再試過…
驚雲稍定,同你玩番下D溫柔D既野啦,坐下幸福摩天輪啦
坐完幸福摩天輪,過碼頭行下,原來都幾多野行架喎
影下相食下雪糕,個天又開始黑啦,又要回程啦
今晚食燒肉,又係阿漢介紹既,不過呢間就真係麻X麻啦…
沒有留言:
張貼留言