五月有咩攪?

又好多日冇update啦,因為冇咩特別野,咁就講下d生活上既小事啦

近日屋企好似突然多左好多野咁,有阿女玩具啦,生活用品啦….

太上皇o係月頭做左個小手術,但因為個傷口都成8cm長,所以就停左佢最愛既游水運動

有日佢d水友上黎探佢,探病通常唔係買生果就係葡萄適,但佢地竟然係帶左件禮物比阿女…

就係呢件迷你廚房玩具,都幾得意架喎…

阿女梗係開心,當晚捉住我同老婆陪佢玩足一晚

原來我老婆o係淘寶又淘左件咁上下既野,上個禮拜收到貨啦

呢件好大件喎,阿女要企o係度玩…

另外有見阿女開始大個女啦,以前baby時期既座駕好似好大架咁,出街好阻訂,而家用緊既士的車又hea過頭,所以決定買過架認真少少既士的車,出街睇過叫做合心水既起碼都過2000,所以最後都係上網搵…

款式,支架結構,實用性合晒心水,折埋港紙都係四舊幾,實在太…..好啦~~~


有時洗錢呢家野真係癮黎既,一洗開呢就總會比你搵到藉口去洗既…


而家阿女既活動性同好奇心都處於澎湃既階段,不怕死既勇氣亦處於人生既頂峰,近日曾有數次(係數次)差d屎咁多(真……係d屎咁多je)就將隻手指仔伸入風扇入面同塊扇葉死過,所以有見及此,我決定將用左好多年既舊式風扇換左佢…

本人極之喜歡格調高雅時尚既dyson

試問一把咁有型既風扇,誰可抗拒呢?而本人咁岩又係一個”就算輸實力都唔好輸裝備”呢一份信念既支持者,所以對佢既擁有慾十分強烈


but……….無奈佢既價錢亦都有型到不得了,型到我都係覺得配佢唔起,


拿……唔係我配佢唔起呀,係我屋企配佢唔起ja…,我覺得一把咁有型既風扇,係要放o係一間好有型既屋入面,而我屋企絕不有型,所以我放 棄….
真實原因好明顯係窮啦

退而求其次就買左佢返黎啦…

都幾涼丫…

實用就得啦….^^