16號,偷雞早少少收工,立即仆到去藍田搭車入機場
因為架巴士經我屋企,所以同老婆夾好時間佢中途上車,fit晒…
交通非常暢順,3點前到達機場,5點先起飛,check完in大把時間,食d野先
台北我黎啦…..
當一落機去到入境櫃位…
Wa……….咩料呀???動漫節排隊入場呀???
打左6,7行蛇餅,每行成3,40人,乜咁多人同時入境架???吊……
一大剷強國人,一大剷日本人(唔驚中日衝突呀)
足足排左一粒鐘,唉…..
出左關,現世代第一時間做既野,梗係去買張電話咭啦
遲左成個鐘,一枝箭咁衝左去享負盛名既<台灣大哥大>,好彩,排兩個je
但係…………..買電話咭係好好服務既,佢係會幫你裝埋張咭,直到證實到你用到為止既…所以每個客都較為需時
好啦,排到啦…
我:小姐,唔該比張5日既電話咭(價值$300新台幣)…
小姐:唔好意思,5日既賣晒啦,得番一個月既($1000)
頂…….我黎4日,要張一個月既托咩????仲要貴咁多,喂…你賣晒楝個牌出黎丫嗎…..
好彩隔離仲有一檔,我都係唔適合用名牌野架啦…
9點啦…..her
her聲搭巴士出市區啦…
去到酒店,先發覺擺左一個大….烏龍,wtf…………….(原因太長篇,唔o係呢度講啦,見到面就問我)
最後攪掂晒d野都差唔多11點啦,個肚打晒鼓,但係咁夜去邊度搵野食呢???
第一時間諗到”西門町”,去左兩間朋友推介既食肆,兩間都爆到九彩,要等成個鐘
於是求其搵左間有位既燒肉店,粗粗地醫左個肚先啦…
食完立即返酒店瞓,因為聽日行程緊密，要去好多地方
下一篇見….
唔係搞錯酒店阿!!
回覆刪除就係.....................
刪除